حكاية عايدة
انت في الصفحة 1 من 3 صفحات
جوزي مش بس بيحب مرات أخويا لأ ده في بينهم مصېبة..الجزء الاول والثاني
انا متجوزة عن حب من 6 سنين عندي 3 بنات ليا أخين وأخت واحدة
اتنين من اخواتي متجوزين قبلي وواحد اتجوز بعد جوازي
ب 3 سنين خد مراته اسمها عايدة وسكن في منزل إيجار معاه دلوقتي ولدين .
دايما كنا بنتجمع انا واخواتي في بيت والدي يوم في الأسبوع جوزي ما كنش
كان بيقولي روحي وأنا هبقي أعدي عليكي أخدك
كنت بتحايل عليه ييجي حتي يتغدي معانا وياخدنا ونروح ماكانش بيرضي
كنت بروح لوحدى وأخر اليوم ييجي ياخدني .
وبحكم تجمعنا يوم في الأسبوع بدأت أتعرف على مرات أخويا
عايدة واقرب منها هي تبان في الأول طيبة وغلبانة علشان كده كنت
علي جوزها منها قلت تلاقيها غيرة زوجات اخو الزوج مش أكتر.
بس بعد شويه عرفت أن الطيبة والغلب دول
نعومة ولئم وده عرفته لما عايدة بدأت تيجي لي البيت تقعد معايا
وأوقات كتير بتصادف أن جوزي يكون في البيت فكان بيقعد معانا
ويضحكوا ويهزروا وساعات كنت بسيبهم قاعدين مع بعض
وكانت ساعات تشتكي له جوزي كان بيحكي لي لأنها كانت بتصعب عليه!!!لحد هنا عادي
اللي مش عادي بقي أن جوزي بدأ مرة واحدة يحب يروح معايا عند أهلي
اليوم اللي بنتجمع فيه كلنا بدأ ييجي يتغدي معانا شوية وبقي يقعد معانا اليوم كله
بقيت مستغربة ده انا كنت بتحايل عليه وماكانش بيرضي أبدا
بس ما كنتش بقدر أتكلم لاني لو اتكلمت هيقولوا عليه أني بغير منها .
وياريت الأمر وقف لحد كده لأ.
الجزء الثاني
وياريت الحكاية جات علي النظرات والتسبيلات لا ديه بقت بتتعمد تقعد جنبه وكل كلامها يكون موجه ليه واللي يفرس ان الكلام بيكون بطريقة كلها دلع ولو حد تاني رد تتجاهله شوية شوية وبقى فيه وشوشة تسيبنا قاعدين وتروح تقعد جنبه والوشوشة تشتغل اختي حتى اخدت بالها وقالتلي
حاولت اني ابطل اروح عند اهلي علشان ابعدهم عن بعض
بالذات اني عارفة ان جوزي عينه زايغة وما بيصدق
ولما كنت باقول لجوزي اني مش هروح كان بيتضايق ويسألني ليه
كنت بتحجج باي حاجة بذاكر للبنات بروق تعبانة
وكنت بروح اشوف اهلي في نص الاسبوع
وفضلت علي الموقف ده 4 شهور بس بعد كدة لاحظت حاجة غريبة
والعجيب أن جوزي علي غير عوايده بقى يتأخر بره واغلب تأخيره ده بيكون في الليالي اللي اخويا بيبقى بايت فيها
