رجعت من السفر لقيت مراتى وابنى

_ رجعت من السفر لقيت مراتي وابني في اپشع منظر ممكن تتخيلوه.. 
الاول
_ وقبل ما نبدأ حكايتنا اعرفكم بنفسي انا اسمي الدكتوره سلوي اكيد طبعا فاكريني.. وزي ما النهارده رأس السنه اليوم ده ديما بيفركني ب علي المړيض النفسي اللي كان بيجي يتعالج عندي في العياده وانا اللي بنفسي اللي دخلته مستشفي الامړاض النفسيه ودلوقتي هقولكم السبب..

الحكايه بدات لما علي اللي عنده 35 سنه رجع من السفر يوم راس السنه اللي عدت وكان عايز يعمل مفجأه لمراته وابنه بس اللي حصل كان..
_ الشرطه كانت ماليه شقته والبواب والجيران واقفين بره عايزين يشوفو ايه اللي بيحصل جوه وقرب الظابط من علي وقاله..
الظابط 
البقاء لله يا استاذ علي وحد الله مش كده..
مسح علي دموعه وقال
الحمد لله علي كل حال بس انا عايز اعرف مين اللي عمل كده في مراتي وابني وليه هما عملو ايه عشان حد يدخل الشقه ويعمل عملته البشعه دي فيهم..
الظابط 
اهدي بس يا استاذ علي وقولي اللي حصل بالظبط واحنا اكيد هنجيب اللي عمل كده وهياخد جزاءه..
قرب عوض البواب وقال
بعد اذنك. يا بيه انا اسف اني بتدخل بس لو سمحت اديه وقت يهدي من اللي حصل ده ويجيلك ويقولك كل حاجه..
علي بدموع 
كتر الف خيرك يا عم عوض ان شاء الله انا بكره هاجي لحضرتك يا افندم وهساعدك واوصل للي عمل كده باللي اقدر عليه..
الظابط
تمام يا استاذ علي بس انت مش هتقدر تقعد هنا النهارده لحد. ما الطب الشرعي يقدر يخلص شغله انت اكيد فاهم الوضع يعني..
علي 
تمام يا افندم انا هروح اقعد. عند فتحي ابن عمي في المهندسين انا هدي لحضرتك رقمي وعنواني عشان لو احتاجتني في اي وقت..
الظابط 
كويس جدا وهستناك بكره واكيد انت مش هتحتاج استدعاء رسمي عشان تيجي وتساعدنا نعرف مين اللي عمل كده..
علي
اكيد يا باشا...
ونزل علي وراح لفتحي ابن عمه اللي عايش لوحده ودخل قعد معاه وقاله..
علي 
انا بجد مش مصدق اللي حصل ده لحد. دلوقتي حاسس اني في حلم عايز مراتي وابني يرجعو باي طريقه الا انهم يسيبوني بالطريقه دي هعيش ازاي من غيرهم طيب..
فتحي بحزن 
لا حول ولا قوة الا بالله ربنا يرحمهم هما راحو في مكان احسن من كده..
علي بدموع 
اكيد ربنا يرحمهم رحو من غير اي ذنب المهم انا هتقل عليك وهقعد عندك يوم او يومين لحد التحقيق ما يخلص وارجع البيت بتاعي..
فتحي 
والله ما يحصل الكلام ده انا عارفك انت مش هتقدر تروح تقعد في الشقه دي بعد اللي حصل فيها..
علي 
اومال يعني هروح فين بس وبعدين علي الاقل فيها ذكرياتهم اللي ما بقاش ليا غيرها..
فتحي 
يا ابني اهو خليك قاعد معايا مونسني وانا لوحدي علي العموم طيب مش وقته الكلام ده ادخل بس ارتاح وريح جسمك لحد ما اجهزلك
لقمه تاكلها