نور حياتي بقلم وفاء محمد

رواية نور حياتي
الفصل الأول
في القاهرة 
في مكتبه تجلس في وقار وعظمة 
إزاي مش لاقي حل يا عصام أنا كده عيالي هيضيعوا مني 
المتر عصام يا سعاد هانم أنا مقصرتش في حاجة بس لا أدهم بيه موافق علي الجواز ولا آدم 
سعاد هانم بعصبية يعني إيه مش موافقين علي الجواز أنا عايزاه أشوفهم في بيتهم مستقرين وأشوف أحفادي 

المتر عصام حاضرتك عارفة أن أدهم بيه رافض الجواز نهائي وآدم مش عايز يتجوز وعايز يقضي حياته ده مش ذنبي لو كان والدهم إسماعيل بيه عايش كان الوضع أختلف 
سعاد هانم أومال أنا بتكلم معاك في الموضوع ده ليه كل واحد منهم في دنيا تانية خالص واحد مقضيها شغل وبس والتاني خروجات وفسح حتي أنا مش مهتمين بيا ولا بحالي إحنا لازم نشوف حل للموضوع ده ونجوزهم بأي طريقة 
.
المتر عصام أنا عندي بنتين محترمين ودول اللي هيناسبوهم بالتاكيد
سعاد هانم تمام معنديش أعتراض بس إزاي هنقنعهم بالجواز 
المتر عصام أنا هقول لحاضرتك يا هانم
في منزل متوسط بالقاهرة 
بتحاول تصحيها من النوم 
نور قومي يا كسلانة الساعة بقيت ٨ وعندنا محاضرات 
مريم يوووه بقي هو كل يوم نفس الكلام سبيني أنام أنا مش وش تعليم 
نور هههههه أومال وش إيه يا أختي ده أنتي حتي البيض مش بتعرفي تسلقيه
مريم بعصبية بقولك إيه يا بت أنتي متتريقيش عليا وبعدين الواحدة ملهاش إلا بيت جوزها معروفة 
نور دي الكسلانة اللي زيك وبعدين هو أنتي مفكرة لما تتجوزي هتنامي للظهر 
مريم آه طبعا 
.
نور هههههههه تبقي بتحلمي يا ذكية هتقومي من الفجر عشان تحضريلوا الفطار ولما تخلفي ممكن متنانميش خالص 
مريم ينهااااار أبيض 
نور أومال مفكرة إيه يبقي الكلية أحسن ولا لأ 
مريم في دي عندك حق علي الأقل فيها أجازات ههههه
نور هههههه أنتي أجازة حتي في الدراسة يلا قومي ألبسي مش عايزين نتأخر 
مريم أمري لله قايمة أهه
في مكتبه 
المتر عصام إيه رأيك يا فندم في اللي قولته 
سعاد هانم تمام مش بطال فكرة مقبولة بس يارب تيجي بمفعول 
المتر عصام هتيجي بمفعول يا هانم متقلقيش 
سعاد هانم تمام مقولتليش مين البنتين دول 
المتر عصام دول بنات رجل الأعمال السابق إبراهيم النجار 
سعاد هانم بأستغراب إبراهيم النجار بس أنا كنت سامعه أنه عنده بنت واحدة 
المتر عصام أيوة يا هانم مريم نور تبقي بنت أخوه المټوفي وهو اللي رباها من صغرها بعد ما والدتها ووالدها توفوا في حاډث عربية 
سعاد هانم آه تمام تمام أنت متأكد منهم يعني 
المتر عصام علي ضمانتي يا هانم المهم ننفذ الخطة بتفاصيلها
سعاد هانم تمام تحب نبدأ من أمتي
المتر عصام أنا هظبط الموضوع وهعرف حاضرتك متشيليش هم 
سعاد هانم تمام يا متر عن إذنك 
المتر عصام إتفضلي يا هانم مع السلامة
بعد ما مشيت قعد يفكر إزاي هيبدأ الموضوع وهل هيدخل عليهم ولا لأ وبعدها قرر ياخد المحاولة 
انسة مني...
مني نعم يا فندم
المتر عصام حدديلي معاد مع أدهم بيه وآدم بيه بكره الساعة ١٢ الظهر 
مني حاضر يا فندم تحت أمرك تؤمر بحاجة تانية 
المتر عصام لا شكرا إتفضلي أنتي
في شركته قاعد علي مكتبه 
بيرن التلفون 
الو مين معايا 
مني الو أدهم بيه معايا أنا مني سكرتيرة المتر عصام
أدهم أيوة في حاجة 
مني أيوة أستاذ عصام عايز يشوف حاضرتك وآدم بيه بكره الساعة ١٢ الظهر
أدهم بأستغراب وده ليه 
مني والله معرفش يا فندم هو قالي أبلغ حاضرتك بكده وبس 
أدهم تمام تمام هنكون موجودين في المعاد 
مني تمام يا فندم تؤمر بحاجة تانية
أدهم لأ شكرا
في فيلا إسماعيل درويش
علي السفرة قاعدين التلاتة كالعادة الوقت الوحيد اللي بيجمعهم هو وقت العشا
أدهم ماما أنتي تعرفي المتر عصام عايزنا بكره ليه 
سعاد هانم بتعمل نفسها مش عارفة حاجة لا معرفش هو في حاجة 
.
أدهم مش عارف هو طالباني أنا وآدم بكره الساعة ١٢ الظهر
آدم وأنا دخلي إيه في مواضيع الشركة والقانون والحجات دي 
أدهم بعصبية أنت هتفضل كده مستهتر لأمتي 
سعاد هانم هو أنتوا هتتخانقوا ولا إيه لازم تشيل المسؤولية يا آدم من غير نقاش بكره هتروحوا للمتر تشوفوا في إيه 
آدم بتأفف حاضر 
أدهم هو ممكن تكون حاجة في وصية بابا 
سعاد هانم معرفش إحنا لسه مفتحناش الوصية علي العموم بكره هنشوف 
أدهم أمممم تمام بكره هنشوف
بقلم وفاء محمد
رواية نور حياتي
الفصل التاني
تاني يوم الساعة ١٠ ٣٠ 
مريم يوووه بتصحيني ليه النهاردة الجمعة مفيش كلية
يارب
حتي يوم الأجازة مش عارفة أنام 
نور أنتي يا بت أنتي مبتشبعيش نوم قومي لازم نروح نشتري حجات للبيت 
مريم طيب أهه قومت أما نشوف أخرتها إيه في البيت ده يارب هو مش ممكن أتجوز واحد غني عنده خدم وحشم
نور هههههه خدم وحشم إيه أنتي أيام ألف ليلة وليلة 
مريم يا ستي بحلم هو حرام أحلم 
نور أحلمي يا أختي بس علي قدك
مريم طيب يا أختي يلا عشان منتأخرش
في فيلا إسماعيل درويش
أدهم هو آدم صحي يا عم محمود 
عم محمود لا يا أدهم بيه لسه نايم
ادهم بنرفزة هو الواد ده هيفضل كسلان كده هو عارف إن ورانا معاد مع المتر عصام
عم محمود هروح أصحيه
متنرفزش نفسك بس يا أبني 
أدهم ماشي يا عم محمود بس بسرعة عشان منتأخرش أنا ورايا شغل
.
عم محمود حاضر يا بيه
في أوضته نايم بيقوم علي خبط الباب
آدم بصوت نايم أيوة مين 
عم محمود أنا محمود يا آدم بيه أدهم بيه بيبلغ حضرتك إنه وراكوا معاد وهتتأخروا
بيقوم متنفض في مكانه أيوة أيوة يا عم محمود صاحي ونازل أهه
عم محمود ماشي يا بني هعرفه إنك نازل
وهو بيبلبس هدومه يارب إيه المعاد اللي علي الصبح ده
أدهم بعصبية معاد علي الصبح إيه يا بيه إحنا بقينا ١١ الظهر خلاص 
آدم بخضة أدهم أنا..أنا أقصد إنه بادري يعني كنا روحنا بالليل في الهوا
أدهم لا يا شيخ هو إحنا عارفينلك ليل من نهار يلا خلص عشان مبحبش أخلف مواعيدي
آدم حاضر خلاص أهه يلا بينا
أدهم تمام يلا
في مكتبه
أيوة يا سعاد هانم متقلقيش كله ماشي زي ما أتفقنا المهم حضرتك عارفة هتعملي إيه بالظبط
.
سعاد هانم طبعا يا متر متقلقش بس أنت متأكد أنهم هيصدقوا الموضوع
المتر عصام والله يا هانم إحنا هنحاول
سعاد هانم تمام علي أتفقنا سلام 
المتر عصام سلام يا هانم
في الشارع الساعة ١٢
أدهم بعصبية للسواق جرا إيه يا علي واقف ليه إحنا أتأخرنا علي معادنا
علي أنا أسف يا فندم والله مش بأيدي الدنيا زحمة والإشارة قفلت
أدهم ماشي بس حاول تسرع شوية
آدم مستعجل علي إيه يا أدهم عادي يعني مفيهاش حاجة 
أدهم عادي بالنسبالك أنا لا أنا بحب دايما أكون دقيق في مواعيدي 
آدم تمام تمام بس هدي أعصابك
بيلفت إنتباهه بنت جميلة بتوزع شوكولاتة علي الأطفال في الشارع 
بيبتسم لكن فجأة الإبتسامة بتروح وبيقول لنفسه عادي يعني مفيهاش حاجة
بتفتح الإشارة والعربية بتتحرك لكنها كانت هتخبط مريم لولا نور لحقيتها 
نور بعصبية لعلي إيه مش شايف كنت هتخبطها
علي أنا أسف يا فندم وبعدين هي اللي غلطانة الإشارة فتحت وهي ظهرت قدامي فجأة
مريم خلاص يا نور محصلش حاجة هو عنده حق
نور أسكتي أنتي هما عشان ركبين عربيات فكرين نفسهم حاجة 
في نفس الوقت كان سامعها وماسك نفسه بالعافية لحد الجملة دي خرج بعصبية 
أدهم بقولك إيه يا أنسة قالك إنه أسف وكمان هي