غير مألوف

الرسالة دي لما تيجي لأي شخص تبان عادية جدا بس لما جاتلي أنا قلبي اتقبض لإنها جاتلي من مي خطيبتي بس مش دي المشكلة المشكلة إن .. إن مي ماټت!
فضلت متنح في الرسالة دقايق مين دي! سألتها أنتي مين! شافت الرسالة بس فضلت ساكتة شوية قبل ما تقول أنا مي حسيت برعشة في جسمي ازاي! مي.. مي ماټت قدام عيني أنا متأكد من ده! لقيتها بتسألني برضو وبتتأكد إنه أنا بس أنا شكيت فيها عشان كده سألتها على تفاصيل محدش محدش غيري أنا ومي يعرفها!

كنت هتجنن طب.. طب ازاي! اتصلت على رقمها كان غير متاح كالعادة من ساعة ما اتو..فت ساعتها جالي هاجس اتصلت بعم صادق أبوها وقولتله عمي هو هو مي .. مخلانيش أكمل كلام وقالي يا ابني فوق بقى مي ما..تت انساها يا آدم يا ابني انساها وعيش حياتك . ايوه مي ماټت يعني أنا مش مچنون ولا حاجة امال مين دي !
فضلنا فترة كبيرة نتكلم كنت دايما بكلمها بحذر وعندي شكوك ناحيتها بس حسيت بنفس الحذر من ناحيتها لحد ما خدت القرار وفاتحتها في الموضوع..
مي فاكرة يوم الحاډثة!
بعد ما قولت الجملة دي حسيت بحاجة غلط كإنك بتقول لشخص م..يت فاكر يوم ما م..ت! بس اټصدمت لما قالت..
ايوه!
لأ كده فعلا في حاجة غلط بدأت احكي تفاصيل الحاډثة وهى بتكمل!
خرجنا يوميها من السينما وكنا مبسوطين جدا.
لفينا شوية في المول وبعدين مشينا.
ركبنا العربية وأنا كنت سايق وأنتي قاعدة جنبي.
كنت تعبان وقولتك خلينا نروح مواصلات أحسن.
كنت غبي وصممت إننا نروح بالعربية.
الطريق كان ضلمة وكنا شايفين بالعافية.
طلع في وشنا شخص فجأة.
قومت انت دخلت يمين بسرعة عشان متخبطوش.
قبل ما نخبط في الشجرة و..
ټموت!
ټموتي!
قولناها في نفس البوق طب ازاي! لقيتها بتقولي ايوه يا آدم أنت مت وأنا عارفه إني كل ده وهم وأكيد الكلام ده كله في دماغي بس لإني حاسه بالذ..نب كان لازم أصر إننا نروح مواصلات أن السبب في مو..تك مش عارفه ايه الي خلاني بعت الرسالة دي بس أنا متأكده إنك مېت أنا مش فاهم حاجة انا أكيد بتجنن ساعتها من غير تفكير اتصلت فيديو كول قلبي كان بينبض بسرعة جدا كان هيقف بس ..بس ردت!
دي.. دي مي فعلا فضلنا بصين لبعض والر..عب في عنينا ازاي! حسيت إننا فضلنا ساكتين سنة لحد ما اتكلمت فضلنا نتكلم ساعات بنفتكر كل ذكرياتنا مع بعض بنضحك ونهزر كانت بټعيط لدرجة إننا نسينا إن.. إن في حاجة فعلا غريبة!
ساعتها بدون تفكير قولتلها قابليني في مكان معين وحدتتلها المكان وصلت اتصلت بيها كان غير متاح نسيت الموضوع ده كلمتها على الواتس لقيتها بتقولي