اخدت روحى معاك

اسكريبت.....
_ أمنية ارجعي ... انا محتاجك اوي ... ارجوكي 
سمعت الريكورد دا من رقم غريب ومش حسيت بنفسي غير وانا بربط حزام الامان في الطيارة .... يمكن يكون الرقم غريب بس الصوت أقربهم لأقلبي ... ايوة صوت آسر ... ثلاث سنين وعمري منسيت صوته لحظة ... بس المرة دي صوته مكسور... كسرة خلتني أسيب مصر وكسرة رجعتني ليها بدون تفكير ... اول كسرة كانت من ثلاث سنين لما آسر اتحط في مقارنة ومش عرف يختار ....

فلاااااااااش بااااااااك 
أمنية ... هتحضري 
طبعا يا دينا دي خطوبة اخوكي مش اي حد 
اخويا دا اللي هو اسر يا أمنية 
أيوة يعني ايه المشكلة 
أمنية بصيلي وحطي عينك في عيوني واتكلمي ...
عيزاني اعمل ايه يا دينا ... اروح اقوله بالله عليك يا اسر لا ... اقوله انا بحبك من صغري وانت مش حبتني ولا مرة ... اقوله اني كبرت وانت لسه شايفني البت الصغيرة ... اخوكي اكبر مني بسنة واحدة بس يا دينا ... وكذلك الست ريم اللي حاببها ... طب ليه مش حبني انا ... ليه ... دا هو اللي مربيني انا وانت مع بعض ... انا اللي اعرف عنه كل حاجة مش ريم 
اعرف هو بيحب ايه وبيكره ايه.... ليه يا دينا 
ابكي
لا انا هقوم احضر اللبس ...
انت عارفة الخطوبة هتبقى فين 
اطربيني 
على البحر
قومي روحي يا دينا 
أمنية 
قومي يا دينا روحي ... قومي ...
قعدت مكاني ابكي مش عارفة علشان اسر خلاص هيهتم بحد غيري وقلبه حب غيري ولا علشان دايما كنت بقوله اني لما افكر اعمل فرحي هعمله على البحر ... يعني مخترش غير المكان دا علشان ېحرق قلبي ... الله يسامحك يا اسر... الله يسامحك على ۏجع قلبي ... انا بكرهك ... لبست درس باللون الاسود علشان اروح خطوبة ابن عمي وبابا اللي رباني و... اللي حبيته ... انا بحب اللون الاسود جدا ... الاسود عمره مكان رمز للحزن على فكرة والدليل على كدا أن افخم الحفلات بيكون الزي الغالب فيها هو الاسود ... يعني الاسود مش ليه علاقة إذا كنت حزينة أو سعيدة ممكن اكون لابسة وردي وقلبي بيبكي ... فانا بحب الاسود علشان أناقته بحبه علشانه هو مش لسبب معين ... الفستان دا اسر مش كان بيحبني البسه بيقولي أنه بيخليني اكون انسة هو مش معترف اني خلاص كبرت وبقيت انسة انا عندي عشرين سنة يعني مش صغيره ... هو اللي أعمى مش بيشوف ... روحت مع العيلة ودينا ماسكة فيا واكني بنتها يا جماعة انا والله كبرت افهموا بقى ... بس مسكت اديها جامد اوي لما شوفت اسر واقف جنب ريم... بيبصلها بحب... بيضحكلها ... طب انا فين من كل دا ... مفيش اصعب من انك تلاقي الدلال والاهتمام من شخص معين فجأة يبعد ويهتم بغيرك ... صعب انك تتعلق بحد ويسيبك ... صعب جدا 
د....دينا ... قوليلي أن دا كله حلم 
للاسف يا أمنية حقيقة ... تحبي ترجعي 
لا هفضل ... بس هقف بعيد ... 
اجي معاكي 
خليكي مع اخوكي يا دينا ... خليكي 
وقفت بعيد عنهم لاني مش هستحمل اشوفه وهو بيلبسها الدبلة وتكون على اسمه ... وقفت فترة طويلة ببص للقمر وهو معكوس على صفحة الماية ... مع كل حركة للماية بتخلي القمر يتزعزع ... الماية مش عارفة قوة القمر بس فرحانة بصورته الضعيفة اللي عماله تزعزع فيها براحتها ... 
_ لبستي الفستان دا ليه 
عجبني 
_ وانا منعتك تلبسيه قبل كدا صح !
أيوة ... بس خلاص بقى في حد تاني تتحكم فيه يا استاذ اسر ...
_ اول مرة حوريتي تناديني باستاذ ... هى زعلانة مني 
ليه اخترت البحر 
_ علشان مكان هادئ وجميل ... وانت بتحبيه 
وريم بتحبه
_ ريم بتحب كل حاجة انا بحبها ... وانت بتحبي البحر وانا بحبك 
بت....ايه
_ بحبك يا حوريتي الصغننة ... انت ناسية انك بنتي 
انا كبيرة يا اسر ... انا عندي عشرين سنة وانت واحد وعشرين ... انت مش اكبر مني بكتير
علشان تعاملني كدا ... انا كبيرة 
_ هههههههه خلاص يا قطتي انت كبيرة 
بطل بقى تناديني بالالقاب دي ... اسمي أمنية ... تمام 
_ طب اقدر اعرف انت متضايقة ليه 
مش متضايقة ولا حاجة.... وبعدين سايب خطيبتك ليه وجاي تقف هنا 
_ انت ناسية اني مش بحب الدوشة.... يعني زيك بالضبط 
بس دي خطوبتك... 
_ انا كنت حابب نلبس دبل بس في هدوء ... بس ريم عايزة فرح فعملت الفرح جنب البحر علشان اتسحب بعيد عنهم واقف في هدوء ايه رايك ...
طب بالله عليكم الطفل دا يكون بابا ازاي ... هو اسر كدا روحه مرحة دايما هو حلو مش وحش وقلبه جميل اوي بس المشكلة أن قلبه دا مش حبني انا ... 
_ طب اقولك بدل الملل دا... ايه رايك اغنيلك 
امممم هتغنيلي ايه 
_ امممم بما انك أشبه بالحوريات كدا في الفستان دا نقي انت 
هههههههه ... غنيلي يا من هواه 
_ اوبس ... ليه الغم دا بقى 
بهدوء ... دي انسب اغنية للوقت دا ... 
_ بتقولي ايه 
ولا حاجة مش انت قولتلي اختاري يلا بقى 
_ حاضر حاضر ...
يا من هواه أعزه وأذلني
كيف السبيل إلى وصالك دلني
تركتني حيران صبا هائما
أرعى النجوم وأنت في عيش هني
أنت الذي حلفتني وحلفت لي
وحلفت أنك لا تخون وخڼتني
وحلفت أنك لا تميل مع الهوى
أين اليمين وأين ما عاهدتني
كنت بسمعه بقلبي ... صوته كافي يخليني أحبه كل دقيقة ... أعترف أن كل مرة يناديني فيها حاجة غريبة بتحصل في قلبي ... وكان قلبي بيرفع راياته يعلن اني بحبه بدل المرة الف ... هو مش بيرضى يغني لحد غيري حتى لو كانت دينا ... يقولها لا هغني لامنية بس ... طب ليه كل الاهتمام دا مش حب ... 
ايه دا يا اسر انت قاعد هنا وسايبني وسط الناس لوحدي 
بهدوء ... اهي الحيزبونة حضرت ...
عارفة أنه سمعني ... هو عارف اني مش بحب ريم دي من اول مرة عرفني عليها ... علشان كدا بيستحمل اللي بعمله علشان عارف اني لو مش حبيت حد مستحيل احبه ... كان بيحاول يكتم ضحكته ويتكلم في نفس الوقت علشان كدا وشه قلب لأحمر ... 
_ هو ... احم احم ... انا بس كنت بشوف أمنية 
اه ... دي أمنية واقفة ... معلش مخدتش بالي...
اكشفي نظر يا حبيبتي 
مش يلا يا اسر 
روح معاها يا عمووووري 
_ بهدوء ... هههه يا بت اسكتي مش عارف اتكلم من كتر الضحك يخربيتك 
ذوقك وحش اوي 
_ طب حبيها علشان خاطري
مستحيل ...
_ علشان بابا 
استغفر الله ... 
_ يلا هتطلع اهي 
بقولك ايه يا ريم يا حبيبتي ... حلو اوي الفستان دا 
مرسي 
بس لما لبستيه بقى بارد وحش فقد كل حاجة حلوة فيه ... بقى رخم 
عن اذنك يا اسر ... ياريت تحصلني بسرعة 
ايه بتبصلي كدا ليه ... حاولت اكون لطيفة معاها
_ وايه حصل 
ردت عليا بمياعة
_ اعمل فيكي ايه 
بكل هدوء وعيون بريئة ... هتعمل ايه يا بابا اسر ...
_ امشي يا بت انت من وشي 
روح انت للبت دي انا
هقف هنا 
_ اه علشان تتشقطي ...