أولاد الجبالى3 بقلم شيماء سعيد

أولاد الجبالى 3
الحلقة الثالثة 
................
بسم الله والصلاة والسلام على رسول الله 
تجبرنا الحياة على تقبل ما رفضناه قبل ذلك من منطق القلب ولكن تجعلك رغما عنك تتقبله من منطق العقل .
.......
استطاعت مرام بالفعل الهروب فى مكان لا يخطر على قلب أحد فى مستشفى دكتور شاهين للأمراض النفسية.
بعد أن خصص لها جناحا متكاملا كأنه شقة صغيرة بها كل ما تريد .
استقبلها شاهين بتودد ومد ذراعيه ليحضنتها فزفرت مرام بضيق ولكن نفذت رغبته مرغمة حتى تحصل على ما تريد .
ثم ابتعدت عنه بنفور مردفة متشكرة أوى يا شاهين على المعروف ده وصدقنى مش هنسى أبدا إنك وقفت جمبى فى لحظة ضعف زى دى .

إبتسم شاهين متقوليش كده يا مرام متصوريش فرحتى قد ايه وأنت بقيتى جمبى وأقدر أشوفك فى كل لحظة .
ده أنت اللى عملتى فيه معروف والله .
_ ده انا أول ما سمعت صوتك حسيت أن روحى رجعتلى من جديد يا مرام .
_ ليحاول الاقتراب منها وعينيه تطلق أنذار بالھجوم بعد أن امتلئت بالرغبة بها .
_ فتراجعت مرام للوراء ثم اصطنعت الخجل بمكر مرددة وبعدين يا شاهين متخلنيش أخاف منك ولو خۏفت همشى وان شاءالله أقضى اللى باقى من عمرى فى السچن .
شاهين پذعر لاااا بعد الشړ عليك وليه تخافى منى يا مرام .
ما أنت عارفة انى بحبك من زمان وأتمنى أقرب منك .
وكنت مستنى بس إشارة تتطمن قلبى .
مرام بخجل والله أنت عليت فى نظرى اوى يا شاهين دلوقتى بس إدينى فرصة ناخد على بعض .
_وكمان انا لسه فى فترة عدة من اللى ضحك عليه انا وبابى المقدم براء ومش أنفع اتجوز دلوقتى .
حرك شاهين شفتيه بإستياء مردفا بتهكم هو الحب لزمله جواز دى حلوته كده لكن الجواز ده بيجيب النكد والله أسمعى منى انا مجربه .
عقدت مرام حاجبيها لا يا شاهين الا الموضوع ده بحبه بالحلال عشان أكون مبسوطة .
شاهين خلاص نديها حلال كل اللى تأمرى بيه أنا موافق عليه يا روحى .
فى سحر عينيك لم أجد ترياق 
وبت على مشارف المۏت 
ولم أجد دواء سوى فى وصالك 
مرت عدة أيام تماثل بها براء للشفاء وتحدد موعد خروجه من المستشفى .
ولاحظت زاد أنه كان دائما يطيل النظر إليها وهى بجانبه حتى إنها كانت تخجل وتفترش بعينيها الأرض خجلا .
فيبتسم لبرائتها مردفا عتخبى ليه عيونك الحلوين منى يا زادى 
_بيكفى أكده حرمان وخلينى أشبع منك .
صكت زاد على أسنانها بغيظ مردفة مهو اللى حضرتك اللى جبت الحرمان لنفسك مش انااااا .
_ انا كنت عتمنى كل نظرة حلوة من عينيك دى .
_ واتمنى تكون جارى طول العمر .
_ واتمنى نتهنى انا وانت فى بيتنا ويجى ابننا وهو شايف كيف أبوه عيعامل أمه فيطلع يحب الدنيا ويحترمنا .
أطبق براء على شفتيه بغيظ ثم حرك براء رأسه مردفا مفيش فايدة فيكم صنف يحب النكد .
_ يعنى انا أقولك كلمتين حلوين تقولى كده !!
بس سيبك أنت عمرتى نفوخى بالكلمتين اللى بعد النكد دول .
_ جولتيلى انك عتحبينى ونفسك أكون جارك العمر كله .
_وعشان أكده انا من هنا ورايح هلزق جمبيك عاد مش هتحتح غير من البيت للشغل ومن الشغل للبيت .
_ وهجولك كلام حلو عشان الولد يطلع زين كيف أبوه .
فأسرعت زاد بقولها لا لا يطلعش كيف أبوه الله يخليك .
أنت عايز مرته تدعى عليه .
تبدلت ملامح براء من الحب للذهول مردفا بغيظ بجولك ايه يا زاد جومى من چمبى واعتبرينى ما جولتش حاچة .
_ ولمى عاد خلجاتنا كويس وهتيلى المركوب أضربه فوق راسى عشان انا غلطان إنى جولتلك كلام يفتح النفس .
بس أنت عتسدى النفس.
فكتمت زاد ضحكاتها حتى لا تثير غيظه أكثر من ذلك ولكنها فى قرارة نفسها قصدت بذلك أن تثير غيظه كرد فعل مما فعله به أى اڼتقاما لذيذا تتمتع به لترضى نفسها .
_ ثم قامت لتجمع أشيائهم ليتوجهوا إلى الصعيد .
ليحضروا سبوع الصغير ابن جابر وبانة غيث .
تزين قصر الجبالى فى هذا اليوم بالورود والبلاليين باللون ذات اللبنى وتم تحضير الحلوى والفيشار لتقدم للأطفال مع وضع مصاحف صغيرة والورقات المالية فى كيس الحلوة .
كما