أولاد الجبالى3 بقلم شيماء سعيد

انا تهملنى إن شاءالله أموت حتى وترتاح منى .
_ ماشى يا باسم روحلها وكيلك ربنا. 
حاول باسم تهدئتها بقوله إهدى أكده الانفعال مش حلو على صحتك وعلى الجنين .
_ على العموم أنا عشيع أمى تبات معاك عشان تاخد بالها منيك لو احتجتيها .
فحركت عزة رأسها بنفى وأردفت بغيظ لا تشكر يا ابن الجبالى خلى الحاچة على راحتها .
_ واتفضل أنت يلا .
فحمحم باسم بحرج طيب معاك المحمول رنى عليه فى اى وقت هتلاجينى فوق راسك .
فأغمضت عزة عينيها بحزن وقالت ان شاءالله تشكر تانى .
فطالعها باسم بحرج ثم إلتفت بظهره وغادر لټدفن عزة رأسها فى الوسادة وتبكى لسوء حظها .
انتهى الحفل وصعدت بانة بوليدها غيث إلى غرفتها وكانت غاضبة من جابر وتركه لها فى أهم مناسبة لهم معا .
فأخذت تدور حول نفسها فى الغرفة متمتمة أكده يا جابر تهملنى عاد فى يوم زى ده !
_ هونت عليك بالسرعة دى .
_ طيب انا هونت عليك هان عليك ولدك !!
_ ثم أخذت تكلم الصغير مرددة شوفت أبوك وعمايله .
_ أوعاك تتطلع زرزرو زيه أكده خليك فرفوش ولا يهمك حد زى أمك .
لتمضى ساعتين تأخر فيها جابر عن المجىء إليها فشعرت بالقلق عليه مردفة هو اتأخر ليه عاد هو مستنى يفطرهم كمان ولا ايه 
مش بزيادة اللى عمله .
_ أعمل ايه دلوك أتصل بيه ولا بلاش 
_ مفروض إنى زعلانة وهو اللى يچى يصلحنى .
مش إكده 
فما ستفعل بانة هل ستتغلب عليها مشاعرها وتتصل أم سيتغلب عليها الكبر .
وهل ستظل عزة فى هذا المنحنى الحزين كثيرا 
سنعرف فى الحلقات المقبلة بإذن الله.
نختم بدعاء جميل 
اللهم إني أعوذ بك من العجز والكسل والجبن والبخل والهرم وعذاب القپر اللهم آت نفسي تقواها وزكها أنت خير من زكاها أنت وليها ومولاها اللهم إني أعوذ بك من علم لا ينفع ومن قلب لا يخشع ومن نفس لا تشبع ومن دعوة لا يستجاب لها
شيماء سعيد ام فاطمة