أولاد الجبالى3 ام فاطمة شيماء سعيد

أول ما تخرج من إهنه اشتغل وكد بالحلال لان زى ما أنت شايف الحړام عمره ما يدوم وأخرته عفشه وعذاب من ربنا .
فضحك حمدى والله يا مولانا اللى هداك أكده يهدينا .
بس انا لسه جدامى شوية على التوبة دى مش قبل ما أعمل جرشين للزمن عشان اتوب وانا مستور مش أشحت .
حرك حمدان رأسه بآسى مرددا مفيش فايدة يعنى .
طيب چيلى ليه يا حمدى 
_ انا جولتلك خلاص انا توبت إلى الله وكمان انا مش ضامن أخرج من إهنه وممكن أموت كمان فى السچن .
_ فعايز منى ايه 
حمدى لا يا راجل متجولش أكده جال ټموت جال إهنه .
حمدان انا عمرى خمسين سنة حط عليهم تأبيدة يعنى خلاص حسن الختام .
حمدى بمكر  وتحط ليه وايه يجعدنا إهنه يا حمدان 
فضيق حمدان عينيه وتساؤل امال هنجعد فين هيفسحونا إياك .
فضحك حمدى ثم همس لاااا هنهرب .
فشهق حمدان نهرب كيف  !!! 
_ انت إتجننت انت عارف أنه ممكن لو قفشوك وانت بتهرب ممكن يدوك رصاصة تچيب أجلك أو يسلطوا عليك الكلاب تنهش لحمك ولو حتى عرفت تهرب  هيجبوك أكيد طالت المدة أو جصرت وساعتها هتندم لأن العقۏبة هتزيد وهتتحبس انفرادى عشان تكلم نفسك وتچن .
حمدى بنفور أباى عليك راچل فقر صحيح ليه كل ده !
تفائل المهم نطلع من المخروبة دى ومش مهم يحصل إيه بعد كده .
_ اه ياما نفسى حتى أطلع من إهنه وأنفذ أول هدف فى دماغى وهو كتل اللى ما تسمى دى  وان شاء الله بعد ذلك يعدمونى المهم اخد بتارى منيها وساعتها ھموت مستريح .
ضيق حمدان عينيه وتسائل  جصدك قمر 
حمدى پغضب وهى فى غيرها هى السبب  فى اللى احنا فيه دلوك .
حمدان بتروى  بالعكس أنا نفسى أشوفها عشان اشكرها عشان هى السبب فى إنى فوقت لحالى قبل فوات الأوان والحمد لله انى فيه نفس أذكر الله مش زى ممدوح عاد إتكتل.
يلا ربنا يسامحه بجا .
فانفعل حمدى أنت مش أدروشت بس لا انت اتهبلت يا حمدان .
_ وانا غلطان اللى حولت معاك  بس جولت أعمل بأصلك يا حمدى  وخده معاك وابدئوا من جديد .
_ بس خلاص خليك إهنه ومۏت إهنه يا حمدان لكن أنا طالع للدنيا تانى وهعمل ما بدالى ومفيش حاجه هتقف جصادى ..
حمدان بيأس الله يهديك يا حمدى عشان خابر هتندم جوى بس ساعتها عاد مش هينفعك الندم لأن القدر هيجول كلمته .
حرك حمدى  شفتيه بإستياء مردفا وفر نصايحك لحالك بس أوعاك تقول كلمة أكده ولا أكده من اللى جولته الا والله أعچل انا بأجلك إهنه كيف ما انت رايد .
حمدان برؤية ثاقبة من خبرته فى الحياة  لا انا مش هقول حاچة مش عشان خاېف منيك يا حمدى لانى خابر نهايتك عاد وزى ما أكون شايفها جصاد عينى دلوك .
_ وكيف ما جولتلك المكتوب ملوش مهروب .
حمدى بسخرية ايه بجا مكشوف عنك الحچاب كمان يا سيدنا .
طيب كويس بردك إنك عتحط لسانك چوه خشمك .
ثم أشار له بيده سلام يا مولانا .
مرام مازالت فى مستشفى شاهين تروادها كل يوم فكرة فى التخلص من براء ولكن سرعان ما تتراجع من أجل أن تعد العدة من أجل ذلك اليوم لتكون قوية لذا عملت فلى البداية أن تسترجع علاقتها مع القديمة مع رجال الأعمال وتستغل نقطة الضعف فى كل واحد منهم حتى لا يفشى  بأمرها .
_ ثم عادت تستأنف عملها