الحلقة السادسة من أولاد الجبالى3
أولاد الجبالى3
من حسنية وعندها خلعت ثوب الفضيلة التى كانت تدعيه أمامه ليتزوجها .
_ ثم حاولت إحكام السيطرة عليه عن طريق إستخدام أسلوب الإغواء لكى يستمع لكل ما تقوله وتبث سموها فى إذنه ليرضخ لها .
جاسر بجولك يا بت ما تجومى ترقصيلى شوية .
فضحكت حسنية بمياعة بس أكده عيونى يا سيد الناس .
ده حتى فيه غنوة حلوة جوى عتلاقى وسطى هيرجص لحاله .
حسنية سطلانة .
والنبي تديني ياشيف
حبة دلع ف رغيف
علشان أشبع م الفرحة
واوفر المصاريف
عمالة الدنيا تلف تلف ومرقصانا
لتشرد حسنية فيما حدث قبل ارتباطها بجاسر .
إسماعيل يعنى يا بت جولتى عتجيبى الراچل من جفاه عشان يتچوزك ومجاش لغاية دلوك .
مش هيچى ولا ايه
حسنيه بدلع كيف ده هيچى وهيچى كمان وتخليه كيف الخاتم فى صباعى وهيكون ولدك اللى مخلفتهوش وهنعيد أمجاد أبوه حمدان من جديد .
وكان ماشى كويس لولا جابر اللى عملنا فيها شيخ وخلاه يتوب .
فضحكت حسنية ساخرة وانا هتوبه عن التوبة دى يا ابوى .
إسماعيل تبجى بت ابوك بصحيح .
لتفوق من شرودها على معانقة جاسر لها قائلا بشوق تعالى يا بت نكمل الدلع ده چوه .
جاسر أجول ايه هو ده وجت كلام لا ده وقت شغل .
حسنية بس إستنى عشان أنا روحى راحت لحاچة أكده اوصفهالى بس وبعدين أعمل ما بدالك .
جاسر هى اى دى يا بت وانا أچبهولك ان شاء الله يكون لبن العصفور .
حسنية خابر يا جاسر انا ياما مشيت جدام سراية منصور بيه واتمنيت يكون عندى زييها وإبجا أكده سيدة الجصر .
تصنعت حسنية الڠضب مردفة عتتمخسر بيه يا جاسر .
_ ولا جصدك تجول إنى مشبهش يعنى أكمنى بت الجهوجى ومليش أسكن فى جصور .
جاسر لا يا بت أنت تستاهلى كل حاچة حلوة فى الدنيا بس خلاص يعنى زمن منصور وحمدان ولى وانا بجيت على باب الله بشتغل مع اخوى جابر بالحلال والمهية يدوبك عتكفينا نعيش مستورين بالعافية .
_ ما تبعد عن أخوك ده اللى وجفلك زى المية فى الزور ونشوف حالك بره مع اى شغلانة توكلك الدهب زى زمان ونچيب الجصر ونعيش ملوك يا حبيبي.
قطب جاسر جبينه قائلا جصدك ايه يا بت عايزانى إياك أرجع لأيام الشقاوة لا لا انا توبت وعاهدت جابر إخوى على أكده.
حسنية أبوك بس عشان غشيم ومش فاهم الدنيا كويس لكن أنت حاچة تانية وانا واثقة إنك هتكون ولا ابن الجبالى فيه زمانه ومش هتوقع الا واقف .
فحرك رأسه جاسر لا لا .
فذمت حسنية شفتيها پغضب ثم قالت أكده طيب .
أوعى أكده عشان عايزة أنام لحالى النهاردة مزاجى أكده .
وانت روح نام چمب أخوك الصغير جاد .
فقام جاسر غاضبا بقوله أكده يا حسنية عتساومنيى عشان أقرب منيك .
_ بس براحتك مش حرمة اللى عتمشينى عاد .
_ وماله هروح أنام مع اخوى .
فحدثت حسنية نفسها لما أشوف مين اللى عيمشى التانى عاد .
تجهز مسالم ذلك الرجل الذى يعد فريدا من نوعه فى ذلك العصر بعربة حنطور وزينها بالورورد والبلاليين .
ووقف بها أمام باب سجن النساء يتنتظر بفارغ الصبر خروج قمر التى تأخرت بعض الشىء .
حيث تجمع عليها السجينات ليحتفلوا بها بعد أن إرتدت فستان الزفاف وقاموا بإطلاق الزغاريد وغناء الأغانى الفلكلورية القديمة الخاصة بالمناسبات.
ثم حان الوقت لتودع هذا السچن الكئيب الذى قضت به اسوء أيام حياتها ولكنها حمدت الله على هذا الضراء الذى كان بمثابة منحة جديدة لها وحدثت نفسها يااااه مش مصدقة نفسى إنى خلاص هطلع من إهنه واشوف نور الدنيا من تانى.
_وأعيش حياة تانية مع راجل اختارنى قبل ما اختاره واشترانى رغم عيوبى دى كلها
