قټلنى أبى بقلم نوفيلا

إننا نناسب ناس زيكم والله ومش محتاج حتى أسئل ولا روح وأجى لأن سيرتكم الطيبة على كل لسان .
وضع عزيز يده على صدره وحرك رأسه بإمتنان ...تسلم يا حاج والله .
ثم ولجت إليهم كريمة ومن ورائها الفتاتين على خجل .
حسين ...وادى العرايس جم اهو .
فنظر إليهم عزيز ثم أردف برضا ...بسم الله ماشاءالله زى القمر اللهم بارك وربنا يتمم بخير .
اقعدوا كده يا بنات ومتكسفوش وشوفوا العرسان .
ثم أشار إلى أولاده وانتم كمان شوفوهم كويس دى سنة عشان ربنا يحط فى قلوبكم الود .
فرفع تميم نظره الى داليا التى كانت أمامه فابتسم وشعر أن هناك سهم أطلق على قلبه وكأنه كان شرارة الحب الاولى .
أما مهران فرفع بصره الى دنيا بتكبر ولكنه عندما رآها بالفعل جميلة فحدث نفسه ...مش بطالة زى بعضه اهو زيها زى غيرها للمتعة وبس .
بس الفرق هنا أنها جواز رسمى قدام الكل مش فى السر .
أشار تميم إلى والده ...على بركة الله يا بابا احنا مش هنلاقى افضل من كده .
عزيز...وانا بقول كده برده بس يعنى الأصول لازم نسمع رأى البنات الأول قبل ما نكلم فى المفيد .
فعبس حسين بقوله ...وهما البنات بردك ليهم رأى غير رايى انا ابوهم وعارف مصلحتهم اكتر منهم .
بس يعنى كنت عايز اتأكد من حاجة مهمة قبل ما نقرء الفاتحة .
انتم موافقين على شرطى انكم هتشيلوا الجوازة من الألف للياء.
فحدثت دنيا نفسها ...حسبى الله ونعم الوكيل.
انت أب انت بتبعنا كده عينى عينى وتخليهم يشتروا ويبيعوا فينا براحتهم بدال ملنقاش اى قيمة .
ثم رفعت عينيها لترى عريسها لعلها تجد فى عينيه راحة تهون عليها الزواج منه رغما عنها .
ولكنها للأسف عندما رفعت عينيه وقابلت عينيه وجدت فيهما كبر وعلو ووجدته ينظر إليها من أعلاها لأسفلها وكأنه يعاين سلعته التى سوف يشتريها .
لذا قامت على الفور راكضة إلى غرفتها .
فڠضب حسين من فعلتها تلك ولكنه حمحم بحرج مرددا ...معلش انتوا عارفين لسه صغيرة ومكسوفة شوية .
أما داليا فرفعت بصرها إلى تميم فوجدته ابتسم لها ابتسامة حنونة كأنه يطمئنها على نفسها .
فابتسمت ثم اخفضت نظرها مرة أخرى بخجل .
عزيز ...اه أكيد يا حاج وعلى كده نقرء الفاتحة عشان القاعدة تكون مباركة وندخل فى المفيد بإذن الله .
رأت كريمة دنيا وهى تسرع إلى غرفتها باكية .
فهمست ...يا عينى عليكى يا بتى والله أنت لسه صغيرة على الهم ده بس أعمل ايه !
أدى ألله وآدى حكمته .
لما أخش اطيب خاطرها بكلمتين .
فولجت إليها وجدتها ټدفن رأسها فى وسادتها وتبكى .
فتنهدت كريمة بغصة مريرة وأقتربت منها ومسحت على شعرها بحنو مردفة ....ماله القمر بتاعى زعلان ليه ده حتى عريسك زى القمر وابن ناس وشيك اوى ويمكن أحلى كمان من عريس اختك واى بنت فى البلد تتمناه فمفروض تفرحى مش تعيطى كده .
فرفعت دنيا رأسها مردفة بصرامة ...ماما انا مش هجوز الإنسان اللى بتقولى عليه قمر ده ده عليه عيون تندب فيها رصاصة وبالعكس عريس اختى اللهم بارك شكله محترم اوى غير التانى ده خالص وانا مش مرتاحله .
وعشان كده مش هجوزه مش هجوزه .
انتم فاهمين .
مش هجوزه .
.....
فماذا سيحدث هل بالفعل ستتم تلك الزيجة ام لا 
نختم بدعاء جميل
اللهم استرنا فوق الارض وتحت الارض ويوم العرض عليك
.....
شيماء سعيد ام فاطمة
الفصل الرابع 
قټلنى أبى 
.............
بسم الله والصلاة والسلام على رسول الله 
استأذن الضيوف من حسين للمغادرة بعد أن اتفقوا على موعد لشراء الشبكة وما يتبعها من حجز القاعة لحفل الخطوبة وشراء فستان للخطوبة وحجز مركز التجميل على أن تكون الخطوبة فى أقرب وقت .
عزيز ...وان شاء الله الخطوبة مش هطول هو أول بس ما العرايس يخلصوا امتحانات هنحدد معاد الجواز .
احنا الحمد لله جاهزين من كله ومش نقصنا غير العرايس بنورونا وربنا يتمم بخير وتكون جوازة السعد والهنا والذرية الصالحة بإذن الله .
لمعت عين حسين من الفرحة مردفا ...واحنا دى الساعة لما نفرح اى حاجة تقولها أنا موافق عليها على طول واعتبر بناتى من اليوم بناتك ومش هوصيك عليهم طبعا .
عزيز ...لا دول فى عينيه ومتقلقش عليهم ابدا .
حسين ...ده عشمى فيك برده .
عزيز ...طيب نستأذن بقا وبإذن الله بكرة هيجيلك تميم ومهران وياخدوا البنات وأمهم ويروحوا يشتروا الشبكة وكل اللى عايزينه بإذن الله.
حسين ...ما لسه بدرى ويدوم عزكم يارب .
عزيز ...تسلم بدرى من عمرك سلامو عليكوا.
حسين ...وعليكم السلام.
ثم اغلق الباب واسرع إلى غرفة بناته ليبشرهم بما حدث فى الاتفاق بعد أن سبقته داليا الى الغرفة قبل مغادرة عزيز وابناؤه .
ولكنه عندما أقترب من الغرفة وجد دنيا تصرخ بقولها ...مش هجوزه يا ماما ولو هتموتونى مش هجوزه انا عايزة اخد الثانوية العامة وان شاء الله أجيب مجموع كبير وادخل الكلية وأحقق حلمى واشتغل واعمل لنفسى قيمة .
عشان قيمة البنت بتعليمها