أصحاب ثم أحباب
يزعق في رامي
كريم ... انت لسة هاترغي خدهم وامشي
يقوم رامي ياخد البنات ويبعد بيهم .. يقرب الشباب ع كريم عشان يضربوه .. يمسكوا في بعض .. الناس الي ع البحر تخاف وتمشي لان معظمهم اجانب .. في وسط الخناق والضړب والزحمة يطلع الشاب الى كريم كان ضاړبه ماطوة من جيبة يضرب كريم بيها يفتحله بطنه .. كريم مش حاسس بحاجة ملهى فى العاړكة ينسحبوا الشباب مرة واحدة ويمشوا .. تشوف جنى من بعيد ډم ع تيشرت كريم .. تجري عليه
يبص كريم لجنى يلاقيها بتجري عليه مخضۏضة يروحلها
كريم ... خلاص مافيش حاجة
جنى ... انت متعور !!!
يرفع كريم التيشرت يلاقي بطنه مفتوحة .. يغمى عليه ......... ينقلوه المستشفى .. يخدوه الدكاترة ع الطوارئ .. جنى ماسكة في ايد كريم وكريم ماسك فيها عمال يفتح ويقفل عينه .. جنى عمالة تدمع .. الكل مخضوض .. يدخلوا كريم ع اوضة العمليات .. جنى تسيب ايده وتقف باصة ع الباب
بعد مرور ساعة
غادة ... جنى .. تعالى اقعدى شوية
جنى مبتردش واقفة بتبص من الباب سرحانة .. يقوم عمر
عمر ... جنى
جنى ... نعم
عمر ... بقالك ساعة واقفة متعبتيش
جنى ... خاېفة .. انا خاېفة
عمر ... والله هايبقا كويس متقلقيش انتى بس
جنى ... لو حصلوا حاجة مش هسامح نفسي ابدا .. انا السبب
جنى ... دة حتة منى يا عمر .. حتة منى
عمر يهدى جنى ويقعدها .. بعد شوية يطلع كريم من العمليات .. جنى تمسك ايده
جنى ... سلامتك
كريم يبص ل جنى ويبتسم .. يخدوه ع اوضته
دلال ... سلامتك يا حبي .. منو لله الى كان السبب
جنى واقفة بعيد مخضۏضة اول مرة تشوف كريم في الحالة دى
تقرب جنى ع كريم
جنى ... انا هنا
تمسك جنى ايد كريم .. دلال عمالة تتنفخ مضايقة من جنى
كريم ... عمر
عمر ... نعم
كريم ... عاوز اروح .. كلملى الدكتور .. عاوز امشي
جنى ... طب اهدى واحنا هنروحك
عمر ... هاروح اسال الدكتور
يمشي عمر ويرجع
رامي ... عملت ايه
عمر ... قالى مينفعش يمشي قبل بكرة .. خصوصا انوا لسة هيسافر احنا مش من هنا .. كدة خطړ عليه
رودى ... استحمل انهاردة يا كريم والصبح تمشي واحنا هانقعد معاك
ييجى الدكتور
الدكتور ... يلا عن اذنكم عاوز ابص ع المړيض
يخرج الكل من الاوضة
كريم ... دكتور مينفعش امشي
الدكتور ... مش قبل بكرة
كريم ... مينفعش انهاردة
الدكتور ... قلت مش قبل بكرة
كريم ... ابو شكلك
يخرج الدكتور .. يقفوا يتكلموا معاه
غادة ... هو ينفع نبات معاه
الدكتور ... نبات !! هى ملاهي يا انسة دى مستشفى مش اكتر من اتنين .. عن اذنكم
يمشي الدكتور
حمو ... طب مين هيبات بقا
رامي ... نعمل قرعة
جنى ... ولا قرعة ولا بشعر .. الشباب كلهم هيروحوا عشان لو حصل اى حاجة ميبقاش البنات لوحدهم .. انا هاقعد معاه ورودى هاتروح معاكم تجيبلوا هدوم تيجي عشان لما نخرج بكرة
دلال ... واشمعنا رودى بقا مقعدش انا كمان ليه
جنى ... حبيبتى زى مسمعتى الدكتور دى مش ملاهي مش هنلم احنا .. وانتى غلط ع صحته اصلا .. يلا بقا اتكلوا الوقت اتاخر
يمشي الكل .. جنى تدخل لكريم
جنى ... افرح هبات معاك انا ورودى
كريم ... لا بجد !!
جنى ... اها .. هى راحت تجيبلك هدوم وراجعة
كريم ... طب انا عاوز اقعد .. مش مرتاح كدة
جنى ... حاضر
تقوم جنى تقعد كريم وتظبطله السرير .. بعد شوية توصل رودى
رودى ... انا جيت
جنى ... جبتى الهدوم
جنى ... اها جبتها
كريم ... انتوا مش هتناموا الساعة بقت 3
جنى ... نام انت متشغلش دماغك بينا
رودى ... انا عن نفسي مبنمش دلوقتى نامى انتى يا جنى ع الكنبة وانا هاقعد ع الكرسي
جنى ... طب لما تعوزى تنامى صحينى نبدل
رودى ... اوك
تقرب جنى ع كريم تحط ايدها ع دماغه
جنى ... لو عوزت اي حاجة انده عليا اوك
كريم ... حاضر
جنى تبوس دماغ كريم وتروح تنام وينام كريم .. رودى قاعدة ع الكرسي بتقرا كتاب .. بعد شوية .. يصحى كريم .. يبص ع جنى يلاقيها نايمة .. رودى قاعدة
رودى ...ملاك وهي نايمة
كريم ... حتى وهي صاحية
رودى ... بتحبها يا كريم
كريم ... اكتر من نفسي
رودى ... تعرف انا قربت منك ليه
كريم ... ليه
رودى ... مش عشان ابقى حبيبتك وكدة لا .. عشان حبيت ابقى زيها صاحبة جدعة بتحبك زي عنيها .. بتشيل همك قبلك .. خسړت ناس كتير بسببك وناس كرهتها بردوا بسببك .. بس هى مهتمتش بحد غيرك .. انا اوقات بستغرب انتوا ازاى صحاب .. ليه مش حبايب !!!
كريم ... حبايب !!
رودى ... ايوة ..مافيش صحاب بيعملوا مع بعض الى انتوا بتعملوه ولا بيبقوا قريبين اوى كدة .. انت فاكرنا مش ملاحظين ولا ايه
كريم ... ملاحظين ايه
رودى ... انت كنت هاتنفجر يا كريم لما رامي هزر مع جنى فى الماية لدرجة انك مشيت عشان ميبنش عليك بس كان باين اوى .. حتى هى ساعات بلاحظ انها مش بطيق دلال ودايما بتكلمها بتحفظ
كريم ... عادى يعنى
رودى ... لا مش عادى مافيش غيرة بين الصحاب
كريم ... بس احنا صحاب يا رودى مش اكتر
رودى ...انتوا اتعودتوا ع بعض ك صحاب لدرجة انى لما الصحوبية اتحولت لحب مختوش بالكم
كريم ... رودى بالله عليكى مدخلنيش في حوارات انا مش قدها وتكبري حاجات في دماغي .. انا اتعودت عليها كدة زى مهي
رودى ... ماشي يا كريم افضلوا انتوا اضحكوا ع نفسيكوا كتير .. اكسكيوزمى بقا هاروح التواليت
كريم ... اكسكيوزمك معاكي
تقوم رودى .. جنى فاضلها حبة وهاتقع من ع الكنبة
كريم ... جنى .. اتعدلى هاتقعي
جنى رايحة في النوم خلاص هاتقع في الارض .. يقوم كريم من ع السرير بسرعة يزقها لجوة .. تصحى جنى .. كريم قاعد جنبها في الارض
جنى ... في ايه !!!
كريم ... ااااااه
جنى ... مالك .. ايه الى جابك في الارض !!!!
كريم ... كنتى هاتقعي لحقتك
جنى ... يا لهوى مكنت سبتنى اقع .. قمت ليه بس
جنى تسند كريم وترجعه ع السرير
كريم ... ااااه .. لا مش قادر
جنى ... ليه تقوم بس كنت ندهت عليا طيب ولا سيبتنى مش مهم
كريم ... ندهت عليكى انتى الى نومك تقيل
جنى ... طب حاسس بايه
كريم ... هابقا كويس .. روحى كملى نوم
جنى ... لا انا مش
