حب فوق الغصون
وغذوبة بحروف اسمها من بين شفتيه وقلبه قبل ذلك
_ غصون..
اتنهد پألم ونطق بعذاب
_عملتي فيا أيه بحاول أقاوم علشان مأذكيش بمشاعري الجياشة يارب قويني يارب .. أنا مش عايز أعصيك فيها يارب حتى ولو بنظرة..
يارب أنا عايزها في الحلال ...اجعلها من نصيبي يا الله..
جلست على مكتبها بتفكر في فكرة جديدة ومختلفة ومحصلتش علشان تبدأ تشتغل عليها..
شبكت إيديها في بعضها وقالت فجأة
_وأنا هعذب نفسي ليه أنا هصلي ركعتين قضاء حاجة وأقرأ شوية في القرآن وربنا هيلهمني ويوفقني..
يارب استعملني ولا تستبدل بي..
_السلام عليكم.
رفعت غصون رأسها وكانت بنت من البنات إللي شغاله في الشركة..
قالت البنت بعملية
_غصون مستر عدي عايزك في مكتبه بيستدعيك لأمر هام.
اتعجبت غصون وكل إللي في المكتب اتعجب جدا أما صبا فقلبها امتلىء حقد وكره غير عادي..
رددت أسيل بحدة وغيظ
_يا ترى مصېبة أيه إللي عملتيها يا بومة.!
يتبع
الحلقة الثالثة 3
تنفست بهدوء مستعدة للدخول وعقلها يطرح بعض التساؤلات في السبب الذي بعث لها من أجله..
_السلام عليكم.
رفع رأسه غاض بصره ورد السلام بهدوء
_وعليكم السلام ورحمة الله اتفضلي يا أستاذة غصون.
_حضرتك طلبتني يا بشمهندس.
أشار للمقعد لتجلس بهدوء وأردف بثبات وهو يتحاشى النظر تجاهها
_لك ٣ نماذج المطلوب منك تراجعيهم لأن فيهم شوية تفاصيل مش مظبوطين.
_نعم!! تصاميم ليا أنا فيهم حاجات مش مظبوطة.!
رفع إحدى حاجباه بتعجب وقال بتهكم
_أيه منزهة عن الخطأ ولا أيه يا أستاذة يعني مينفعش تغلطي لا بجد برافوو..
حست بالتهكم والسخرية من نبرته ودا شيء عصبها جدا لكن تمالكت نفسها وقالت بنبرة حادة
_أنا مقولتش كدا حضرتك أنا براجع تصاميمي بدقة كذا مرة غير النماذج إللي بتقول عليها مش مظبوطة معروضة على لجنة الشركة ومكانش في أي إعتراض على حاجة فيها أو تعليق...
منع إبتسامة من الإنفلات على شراستها الواضحة وارتسم على وجهه الوجوم وردد بثقة
_ أناا! .. أنا إللي براجع ودا سبب كفاية الديزاين لازم يكون بريفكت مفيش عليه غبار.
_وأيه الغلط يا بشمهندس عرفني غلطي.
_لون القلم إللي صممتي بيه..
طالعته بدهشة وقبضت على كفيها بشدة ثم قالت بهدوء
_بجد .. بس كدا!!
_أيوا مش دا تعليق حضرتك.
_تمام..
سحب ورقة وبدأ يسجل بعض الملاحظات المرافقة للتصاميم..
هزت ساقيها بعصبية ودارت عيونها في غرفة المكتب وإللي كانت تختلف تماما عن غرف مكاتب المدراء إللي قبله..
بعض لوحات الأيات القرآنية متعلقة على الحائط..
وصوت القرآن الخاڤت الصادر من اللاب توب..
نقلت أنظارها على سطح المكتب ولمحت المصحف على الملفات واللوحة المنقوش عليها اسمه ..عدي الحصري
_اتفضلي.
_شكرا..
وخرجت مسرعة من الغرفة وتنوى الكثير والكثير بداخلها بينما هو فتبسم من تصرفاتها المتذمرة...
وظلت تتمتم بالكلمات بسخرية
_قال علشان أنا ... أيه ده واحد بيتلكك بيقولي لون القلم ومش عارف أيه .. شغل تلكيك ميتسماش غير كدا ..
استغفر الله العظيم يارب أيه الحاجات الغريبة دي..
هدأت من نفسها ودخلت المكتب بهدوء عكس إللي جواها..
_أهلا تيتا غصون.. مستر عدي كان عايزك في أيه يا بومة.
قالت أسيل باستفزاز وصبا وأحمد بيبصوا لبعض والفضول سيطر عليهم علشان يعرفوا سبب استدعاءها..
تجاهلتهم غصون وجلست خلف مكتبها وبدأت تراجع الملاحظات إللي هو كتبها لتتوسع أعينها پصدمة..!
اتعصبت صبا من تجاهلها فقامت من مكانها وصاحت بعصبية
_أيه يا بتاعة إنت .. إنت طارشة كمان مش بتسمعي ولا أيه
شيفاك بجحة أووي لتكوني مفكرة نفسك حاجة يا بومة إنت..
إنت فعلا Stupid..
قال أحمد بإشمئزاز
_غباء.. إنت مش بتردي ليه يا حجة غصون.
الكل اتفزع من مكانه لما قامت غصون من مكانها وطرقت على سطح المكتب پعنف وقوة جعلت الجميع يتصنم..
التهب ڠضبها واحتقن وجهها بإحمرار الڠضب..
بصتلهم پغضب جام وقالت وهي بتشاور عليهم
_ أعرض عن الجاهل السفيه
فكل ما قال فهو فيه
ما ضر بحر الفرات يوما
إن خاض بعض الكلاب فيه..
فغر الجميع أفواههم وهم يجدون صعوبة في فهم ما تقول بينما ابتسمت أروى بخفة عليها..
أما هذا الذي مر من أمام الغرفة فابتسم بإتساع عندما سمع كلماتها..
ردد عدي بإبتسامة وهو بيكمل مشي
_دي جدور مش غصون لا ..
بصتلها صبا بعدم فهم وتسائلت بتردد
_قصدك أيه بالكلام ده .. إنت بتشتمينا ولا أيه..!!
حملت غصون حقيبتها وبعض الأوراق وقالت بكبرياء
_أوعوا تفكروا إن علشان ساكتة ومش برد عليكم يبقا لكم الحق تسوقوا فيها أنا أقدر أغلط ولساني يبقا طويل بس كل واحد بيعبر عن البيئة إللي جاي منها وتربيته..
لكن علشان ساكته وبتجاهلكم فاكرني ضعيفة وبتتمادوا..
وإنت يا أستاذة صبا بدل ما تبرطمي كلام بالإنجليزي طول الوقت هنا وهناك .. روحي يا أوختي اتعلمي لغتك الأم الأول علشان تفهمي الكلام إللي بيتقال وما تدخليش في مجموعة الجهلة... وتفرقي دا كلام ذم ولا مدح في جنابك.
ويلا سلام وقت شغلي إنتهى..
الكل كان في حالة من الذهول
