المأذون
اسكريبت
المأذون : يا جماعه راجعوا نفسكم إن أبغض الحلال عند الله الطلاق.
أمنية : لا حضرتك أنت هتخليه يطلقنى دلوقتى 🙂
محمد : وأنا مش هطلق بقى 🙄
أمنية : شايف يا حضرة المأذون بيزعق ازاى اهئ اهئ اهئ 😪
محمد : استعبطى يا اختى استعبطى أنا غلطان انى خدتك من عند أمك 😒
المأذون : يا ولاد استهدوا بالله واحكولى بس حصل اي.
محمد : نزل عليكى سهم الله دلوقتى ما تحكى يا اختى 🤨
أمنية : فاكر إنك هتخوفنى يعنى. هحكيله 😏
أمنية : بص حضرتك أنا كنت نايمة فى أمان الله لقيت اللى جاى يصوت ويزعق وصحانى مڤزوعة من النوم يرضيك كده 😪
المأذون : لأ طبعا.
محمد : متقولى يا هانم أنا عملت كده ليه. حضرتك الهانم اللى قدامك دى حطالى قدام باب الأوضة بتاعتنا كرات ازاز وزيت خليتنى طالع من باب الأوضة رايح الشغل اخدت الطرقة والسلالم كلها فى 3 ثوانى وعمودى الفقرى ضاع خلاص يرضيك كده 🤨
أمنية : الحق عليا كنت عاوزه أعمل Skating rink فى البيت بدل الملل اللى احنا عايشين فيه بس أنت اللى مش بتعرف تتزحلق يا فاشل يا فاشل 😏
محمد : اللهم طولك يا روح 😠
أمنية : براحة يا روحى أحسن الضغط يعلى 😬
محمد : لأ مهو أكيد مش هيعلى زى ما كان عالى يوم ما رجعت البيت لقيت كل قمصانى باظت 🙂
أمنية : !!!!
محمد : سكتى يعنى؟
أمنية : قولتلك كنت بجرب ألونها بالألوان عشان ألوانها القديمة مكنتش عجبانى وبعدين انت بتسيبنى فى البيت كتير لوحدى وببقى قاعده زهقانة فقولت اعملك مفاجأة فى قمصانك وتيشيرتاتك☺️
محمد : ده بس اللى عملتيه يومها؟؟ 🙂
أمنية : آه بس 🙃
محمد : أمنيااااه 🙄
أمنية : اي 😶
محمد : مين اللى لزق اللبانة فى دقنى 😐
أمنية : كنت بحاول اشيلك دقنك باللبانة لقيتك نطيت اتسرعت من نومك بوظت اللى كنت بعمله وخليتها تلزق فى وشك انت الغلطان 🙄
محمد : يا مثبت العقل والدين 🙂 امنياااااااااااااه
أمنية : قلبها ♥
محمد : مين السبب فى إن أقعد فى البيت يومين بسبب وشى الأصفر 🙂
أمنية : سمعت إن ماسك الكركم حلو للبشرة وبيفتحها قولت اعملهولك يروحى عشان وشك ينور كده وتبقى واد قمور 😘
محمد : هو البعيده غبية متعرفش إن كركم الطبيخ غير كركم البشرة يا حلوفة 😐
أمنية : خلاص يا حبيبى أنا أسفة معرفش إنك قفوش كده حقك عليا هقولك بعد كده قبل ما أعمل فيك أي حاجه 😁
محمد : يعنى خلاص نمشى المأذون.
أمنية : أها
محمد يوصل المأذون للباب ويخلع حذائه.
محمد : أمنيااااااااااااااااه
أمنية : خير يا حبيبى.
محمد : مهو أنا مش هعتق أمك النهارده اي اللى على رجلى ده 🙂
أمنية : فين ده
محمد : على ضوافرى يا بنت الهبلة 🙄مين حطلى المناكير ده 🙂
أمنية :!!!!!!!
محمد : يا حضرة المأذوووووووون استنى تعالى هطلقها😐.
#إيمان_محمد ❤️
