مشكلة حقيقية

مشكلة حقيقية

الأحد 23/يونيو/2024 - 03:28 م

 

 

انا اسمي إيمان ودي حكايتي انا اتجوزت مرتين الجوازه الاولى خلفت بنت وولد البنت 6سنين والولد 4 سنين وكانت جوازه زى الزفت طلعت منها مديونه والله ومخدتش اى حاجه غير تنازله عن الاطفال وكان انسان مدمن وعاطل  ومقرف وكنت بمۏت من الجوع وانا معاه بس الحمدلله ربنا عوضني وأجبرني لما اتجوزت تانى بسبب ان اهلى على قد حالهم جدا وانا كنت عبئ عليهم وبصراحه طلع انسان محترم وعوضنى ربنا بيه. 

 خلفت منه ولد عنده 9 شهور وهو بيصرف على عيالى كويس جدا ودخل بنتى مدرسه كويسه وبيجيبلنا كل حاجه نتمناها وفى العلاقه كويس ومتدين ومش بيشرب سچاره حتى. 
نخش على مشكلتي الحقيقة.
هو اكبر منى ب11 سنه وكان اتجوز من 8 سنين ومخلفش منها وطلقها واهله كانو رفضين انه يتجوزنى بسبب ان معايا اطفال من راجل تانى وهو كان اشتغل شيف فى الخليج 8 سنين وعندو املاك كتير وبانى شقق لاخواته حتى البنت وفاتح مشاريع لاخواته كمان وكان من الاول عارف ان اهله مش هيحبونى قعدنى لوحدي فى شقه تمليك بعيد عن اهله. 
 لما بكلمه فى مسأله زى تامين مستقبل الاولاد هنا بتحصل مشكله فى النقاش
ده رد جوزى
انا بربيهم كلهم على انهم اولادى لكن بأمن مستقبل ابنى اللى على اسمى بس وهو الوحيد اللى يتكتب حاجه باسمه وكل فلوسي ترجع ليه انما ابنك لغايه ما يخلص تعليم بس وبنت لغايه ما تتجوز وممكن اسيب فلوسي لاخواتى وهما يدوها لابنى انما انتى لو احتكمتى على فلوسي هتوزعيها على كل ولادك وانا ابنى  مش هيورث مع ولادك  فى ابوهم مثلا. 
 اعمل ايه العيال هيطلعو غير بعض الصغير هيبقي معاه فلوس والكبار معهمش حاجه وهو مع العلم هو اللي بانى بيت اهله وشارى نص البيت اللى احنا فيه وعنده حتتين ارض ومشارك اخوه فى عربيتين تويوتا ومشارك جوز اخته فى محل قطع غيار سيارات ومعاه مش معهوش بس عيالى ليهم اكل ولبس وتعليم كويس فقط لا غير وممكن يكتب كل فلوسه لاخواته فعلا 
اعمل ايه وياريت لو حد مر بالتجربه ديه يرد