إسكريبت يا عمى
اسكريبت
فين بطاقتك يابو العروسه
نسيتها
ازاى ياعمى تنساها امال هنكتب الكتاب بإيه
يعنى هو انا دماغى دفتر هابعت اى حد يجيبها من البيت
لا حول ولا قوة الا بالله طاب والفرح والمعازيم ياعمى
خلاص يا زياد يستنوا فعلا بابا مشغول من الصبح فى الترتيبات ولا يهمك يابابا يا حبيبى
تسلميلى يا غاليه
جبتها ياعمى خلاص اتفضل البطاقه
بسم الله الرحمن الرحيم قول يا بو العروسه ورايا
زوجتك ابنتى وموكلتى الانسه ليل عبد الحميد المنشاوي البكر الرشيد
زوجتك ابنتى وموكلتى الانسه ليل عبد الحمد المنشاوى البكر الرشيد
على كتاب الله وسنة رسوله وعلى الصداق المسمى بيننا
على كتاب الله وسنه رسوله وعلى الصداق المسمى بيننا
وانا قبلت زواج ابنتك وموكلتك الانسه ليل عبد الحميد المنشاوى البكر الرشيد
وانا قبلت زواج ابنتك وموكلتك الانسه ليل عبد الحميد المنشاوى البكر الرشيد
انجزوا ايدى وجعتنى
بسرعه يامولانا بدل مايغير رأيه
على كتاب الله وسنة رسوله وعلى الصداق المسمى بيننا
على كتاب الله وسنة رسوله وعلى الصداق المسمى بيننا
مبروك ياعمى
مبروك ياخويا
بابا هيهيهي هاتوحشنى اوووى
حبيبتى يابنتى كان لازمه ايه بس الجواز قولتلك خليك جانبى اصريتى تتجوزى وتسيبنى
اسفه يابابا بس هازورك علطول
زياد مس..ك ايد ليل وقالها مبروك يا حبيبتى
ليل انت اټجننت
باباااااااا الحقنى يا بابا
فى ايه يا بنتى
زياد مسك ايدى وقالى يا حبيبتى
نعااااام ده انت يومك مهبب بهباب ياسى زفت على دماغك
ياعمى هو انا بس عملت ايه
اخرص خااالص انا قولتلك من الاول الواد ده مش مظبوط قولتلك وانت تقولى لا يابابا ده محترم يابابا ده أخلاقه عاليه يابابا اتفضلى أدى النتيجه
خلاص يا حبيبتى المأذون لسه هنا وهيصلح غلطته ويطلقك
نعم أطلقها
ايوه امال مستنى ايه
ياعمى دى مراتى عادى امسك اديها والله ولسه كاتبين الكتاب
بقولك طلقها حالا أنا كان قلبى حاسس من الاول
ماتقولى حاجه ياليل
ماكنتش اتوقع منك كده يازياد
بجد يابابا
طبعا يا حبيبه بابا يالا بينا
ياعمى يا ليل يا ليل
الفرح ياليل
اااه ياليل ااااه ياليل
ياجدع اقعد بقى بالا فرح بالا بتاع
ياعمييييي حسبى الله ونعم الوكيل
ياليل
فيروس_خير
sara_rady
