أنا آسف يا عمى

أنا آسف يا عمي بس مش هقدر أكمل مع بنت حضرتك القصه كامله
طب.. طب والفرح اللي بعد أسبوع
فرح!! فرح ايه يا عمي أنا مش هتجوز واحدة في أخلاق بنتك أنا آسف
بالله عليك يابني اتجوزها شهرين وطلقها مش هقولك حاجة
ولا ساعة واحدة 
يا ياسر يابني..
أنا مش ابن حد.. حاجة بنتك هتوصلها والحمد لله إننا مكتبناش الكتاب عن إذكنوا 

كان نفسي أتطرش قبل ما أسمع الحوار دة.. كان نفسي أموت قبل ما أتعرض للي اتعرضتله دة! لقيت بابا بيقرب من سريري وأنا لسة ممثلة النوم والدموع نازلة من عيني مش بتقف بس أنا مش قادرة أفتح عيني وأواجه نظرات العتاب والإتهام في عنيه! 
فتحي عينك يا أميرة أنا عارف إنك صاحية
بابا أنا آسفة
آسفة على ايه ولا ايه آسفة إنك حطيتي راسي في الطين ولا آسفة على خطيبك اللي جرحتيه ولا آسفة على فرحك اللي هيتلغي قبل معاده بإسبوع ولا تكوني آسفة على ضياعك وكلام الناس اللي زي السم وهنفضل نسمعه طول عمرنا!
آسفة على كله.. صدقني آسفة على كله
لقيته باصص لفوق وهو بيمسح دموعه
عارفة أمك لو كانت عايشة كان ايه اللي حصل 
أنا عارفة إني أستاهل دة والله
والله يا بابا أنا هرفع قضية وهثبت برائتي
ومين قالك إني هسمحلك ترفعي قضية وتذلينا وتفضحينا أكتر
أنا رفضت أعمل قضية وقفلت على الموضوع رجوع حقك مش هيغير حاجة غير إنه هيفضحنا أكتر.. أنا مروح البيت وهبقى أجيلك بكرة
فضلت باصة لمكان وقوفه وأنا مصډومة منهم.. مصډومة من رد فعل ياسر وآآه من ياسر قصة حبنا العظيمة واللي مفيش منها اتنين تنتهي بالشكل دة عشان حاجة أنا مليش ذنب فيها
ولا بابا الأمان كله واللي صدق إني السبب في اللي حصلي وراح اتنازل عن حقي
في ساعة واحدة كل شيء أتغير.. من عروسة لسة أسبوع على فرحها نازلة تعمل بروفة أخيرة للفستان لواحدة مرمية في المستشفى خطيبها سابها وفرحها باظ وأبوها أتخلى عنها وحياتها اټدمرت !!
ممكن أدخل
يزن!!
أنا آسف إني جيت فاجأة كدة بس الشغل كله ملوش سيرة غيرك بعد ما ياسر ڤضح الدنيا
هو لحق يقول!
أميرة أنا مصدقك ومصدق إنك مظلومة والله وعشان كدة جيت النهاردة ومستعد أقف جمبك في قضيتك
لأ قضية ايه بقى ما خلاص معدش فيها قواضي
يعني ايه هتتنازلي عن حقك!
مش أنا اللي اتنازلت بابا هو اللي اتنازل 
بصيت لصډمته ووديت وشي الناحية التانية وأنا مستمرة في الهروب عن طريق النوم
بعد إذنك يا يزن أنا محتاجة أرتاح
أكيد طبعا عن إذنك 
يزن أكتر واحد كان بيقف في صفي.. صاحبي من أيام الجامعة واشتغلنا مع بعض في