أنا آسف يا عمى

مكانش ينفع آخد حقك زي ما بتقولي عشان كلام الناس هيزيد أكتر وأنت اللي هتتعبي في الآخر
تحب أقولك أنا تعبت إزاي يا بابا أربع شهور تلاتة منهم ضاعوا على المستشفيات بسبب الإنهيارات اللي كانت بتجيلي وبقيت بتعالج نفسيا من اللي حصلي.. أربع شهور مش بنام غير بمهدئات زي المجانين وكل ما بنام بصحى على كوابيس تخيل واحدة تنام بمهدئات وتصحى على كوابيس ومحدش جمبها!!
أنا آسف يابنت 
فاكر لما طلبت منك السماح يوم الحاډثة ورفضته وسيبتني ومشيت
هتعملي زيي يا أميرة وهتسبيني وتمشي
لسة چرحي منك مخفش ولا قلبي حن ليك.. لسة مش قادرة أسامحك
طب اقعدي معايا من غير ما تسامحيني
مش هقدر أقعد.. كل اللي أقدر أعمله أسأل عليك كل يوم.. آجي أقعد معاك شوية إنما أكتر من كدة فبلاش تطلب دلوقتي .
وكإن المشهد بيتعاد تاني وأنا سايبة البيت ونازلة ومتجهالة صړيخة بإسمي وهي نفس الدموع متغيرتش بس المرادي كان الصړيخ صړيخ ندم!! 
ليه معملتيش اللي نفسك فيه
أميرة أدي لنفسك فرصة تسامحيه يمكن قلبك يحن
هتقف جمبي طيب
أنا طول عمري واقف جمبك وعمري ما هسيبك يا أميرة
يزن لو أتعرض عليك تتجوز واحدة زيي هتقبل
ايه واحدة زيك دي! هو أنت من الفضاء! هقبل طبعا ست حلوة وقوية وطيبة وجدعة وبمليون راجل يبقى هرفض ليه
يزن!! 
أنت اللي حصلك مكانش بسببك يا أميرة فأكيد مش هبقى زي الحمار وأظلمك يعني
يعني لو جالي عريس أصارحه
وهو أنت حد جالك يا عنيا! وهو حد يقدر يقربلك وأنا في حياتك أصلا
ياسر!
ياسر دة هنعتبره كلب وراح.. أنا بتكلم في الحاضر
ضحكت وأنا حاسة إن مرحلة الإستهبال بدأت تخلص
لأ محدش جالي غيره
ولا حد هيجيلك أصلا
طب وأنت مستني ايه
مستنيكي مستني تشدي حيلك وتثبتي نفسك في شغلك وتبقي مستعدة للدخول في علاقة جديدة وساعتها هتلاقيني جايلك
تيجي نرمي كل حاجة ورا ضهرنا ونروح نشرب قصب!
أنا هرمي أي حاجة مادام أنت جمبي يا أميرة
يبقى نشرب قصب
ضحك وهو بيمسك إيدي وبنتمشى لأول محل عصير قصب
نشرب قصب