فى عيد الحب

الفلانتين حرام.
حرام ولا أنت حابب توفر
ليه حد قالك إني بخيل!
مش قصدي و...
ولا قصدك يافاطمة.
استنى طب أف..
الخط قفل.
ده قفل في وشي!
بلمت شوية فيبحاول أستوعب اللي حصل وإزاي فهمني غلط وحتى مسمعنيش للآخر صعبت عليا نفسي بس شعوري ده مدامش لثواني وقطع تفكيري رنته من تاني.
ألو.
أنا آسف أنا وعدتك أسمعك للآخر وخلفت بوعدي.

بصوت خاڤتأنت فهمتني غلط.
ورجعت رنيت علشان مهانش عليا زعلك.
قلبي فرح بكلمتين من سي الأفندي وأنا اللي يشتري خاطري أبيع الدنيا علشانه وأبيع خاطر الكل وأشتري خاطره هو.
فاطمة أنت معايا
أحم كمل كنت بتقول أي
أنا بقول كفاية كلام على التليفون وافتحي باب شقتكم لأحسن الدنيا تلج وجسمي تكتك.
ملحقتش أفكر ولا أسرح وسمعت صوت دقات الباب بهدوء وماما فتحت ونادت عليا ده عبيدة يا فاطمة
لبست إسدالي بسرعة وخرجتله لقيته قاعد في الصالون بيتكتك بجد مش ترول فدخلت أوضتي جبت الجاكيت بتاعي وجوانتي وكوفية وأي ده! أيس كاب هتفيده أيوة.
أي كل ده
كان هو وماما وبابا اللي لسة خارج من أوضته ومحمد أخويا اللي جه من برة وكلهم في صوت واحد.
قربت منهم ومديت أيدي بخجل لعبيدة عبيدة بردان يا بابا مش شايف
محمد يا بختك يا سي عبيدة مين قدك دي بتاخد البطانية من عليا علشان هي تتغطى وأنت يا سيدي يا سيدي محدش قدك.
هي الدنيا حررت كده ليه وإحنا في ليالي أبشير أنا حاسة أن جبيني عرق من الكسوف ووداني بقت تطلع دخان.
عبيدة وأنا ليا مين غيرها أسكن ليها وإليها يا محمد دي هي الخير والبركة ودفا أيامي الجاية.
كلامه بلسم ودفى قلبي واحتواه وخلاه مطمن ومبيتكسفش يعبرلي عن مشاعره من وقت كتب كتابنا وأنا أعوز أي تاني من العمر يا سكر ده أنا أسندك برمش عيني لو حبيت.
قعدت ما بين بابا وماما وهو ومحمد جنب بعض وبدأ يتكلم وإحنا كلنا منصتين ليه كأننا في حلقة من حلقات المسجد اللي بيخطب فيها بعد كل صلاة
تخيل يا والدي إن بعد ما كان الحلال بين والحرام بين ألاقي المحلات متزينة ومهيأة نفسها لاستقبال العشاق علشان يشتروا الهدايا لحبايبهم.
بابا
طب وأي الغلط يا حبيبي مش النبي برضو وصانا بأن نهدي بعض الهدايا فإنها تزيد المحبة.
أكيد يا والدي لكن مقالش اصنعوا للحب عيد.
محمد في دي عندك حق يا عبيدة لأن إحنا معندناش غير عيد الأضحى وعيد الفطر.
عبيدة ابتسم فتح الله عليك يا محمد لأن ما يسمى ب عيد الحب حرام شرعا و الاحتفال به حرام وهذه قلة حياء وتربية.
ماما طب أي السبب يا حبيبي اللي خلاهم يخترعوا العيد ده
هذا العيد يرتبط ب عبادة وثنية إله من دون الله يعبد ومن تشبه بقوم فهو منهم.
نحن أمة لا إله إلا الله نحتفل ونحتكم 
ب عيدين
الأضحى .. والفطر هذه شريعتنا شريعة الإسلام.
ثم جعلناك على شريعة من الأمر فاتبعها ولا تتبع أهواء الذين لا يعلمون
أنا لسة مركزة مع كلامه وفخورة بيه وبعلمه الواسع اللي كل مرة يبهرني بيه.
رديت عليه وأنا مقتنعة بكل حرف عندك حق يا عبيدة.
كنت فاهمة إنه مش جاي زي عادته يقول كلمتين يسلي بيهم القعدة وينفعنا بعلمه وبس لكن هو جاي علشاني وبدون ما يحرجني قدام أهلي فهمني ونورني.
الحب ليس حرام لكن إحنا اللي بنخليه حرام بطرقنا وتصرفاتنا.
ختم كلامه وبابا وماما ومحمد كلهم بيثنوا عليه وبيدعوله وأنا خدت بعضي ووقفت في البلكونة برغم البرد لكني كنت محتاجة أفوق وأفهم إني محظوظة بزوج صالح مكتوب كتابي عليه زي عبيدة ولازم أتعلم من علمه وأفهم ديني صح وكفاية اللي ضاع وأنا بعيد عن ربنا.
إزاي تقفي في البرد كده ادخلي هتمرضي و...
ابتسمت عبيدة أنا مش بردانة.
باستغراب إزاي ده الجو رياحه شديدة وسقعة!
لكن دبلتك مدفياني.
مفاتش ثواني ولقيته بيضحك بصوت عالي وأنا بشاركه الضحك لغاية ما مرة واحدة مسك كفوفي بين كفوفه ونفخلي فيهم بيحاول يلتمس الدفا بينهم ومرة واحدة دخل أيده في جاكيته وطلع سلسلة على شكل فراشة.
أنا مش محتاج عيد حب علشان أعبرلك عن حبي لأن كل أيامك الجاية معايا هتكون أعياد والفراشة دي لأجل إنك تكوني فراشة ترتدي أخرى