مليكة

الثلاجه والاربع اوض ولا وكمان عايزني اكتب في القائمه جرامات ومش عايز يتفاوض معايا ويقولي اللي مش معاه ميلزموش لا وهيا كمان وقفت جنب ابوها انا كنت غلطان في اني افتريت علي مليكه قومي ي ماما علشان تكلمي ابوها خليها ترجعلي وانا خلاص مش هقول عليها كلام تاني انا بقيت بشتغل في شركه وهفضل اشتغل واجمع فلوس واتجوز بيها مليكه قومي بقا ي ماما 
ام مهند. دلوقتي عرفت قيمه مليكه وأبوها ي مهند ما انا ياما قولتلك وبعدين انت مفكرتش ليه قبل ما تعمل في البنت كده وتظلمها 
مهند. ماما انتي فوقتي انا اسف حقك عليا مش هزعلك تاني متزعليش مني 
ام مهند. المهم تكون عرفت غلطتك ي مهند وبالنسبة لي مليكه مفتكرش أنها هتوافق ترجع ليك وكمان ابوها مش هيرضا 
مهند. انا عارف ي ماما بس هعمل محاوله وانتي كمان كلمي ابوها 
ام مهند. لا انا
مش هدخل انت زي ما عكيتها تصلحها واوعا ي

مهند تزعلها حتي لو رفضت واتأسف ليها علي الكلام اللي انت قولتله علشان انت ي ابني جرحتها ب كلامك انت قولت كلام يمس سمعتها ي ابني والبنت مننا ملهاش غير سمعتها 
مهند. حاضر ي ماما المهم انتي عامله ايه وفوقتي امته 
ام مهند. انهارده الصبح فوقت وانا كويسه ويلا نمشي من هنا 
مهند. حاضر وراح عمل ورق الخروج من المستشفى ورجعت البيت
وتاني يوم مليكه مش فتحت محل الورد وكمان جاه نديم هو وعائلته واخدتها هيا وأبوها وراحوا يشتروا الدهب 
مليكه. اختارت دبله تونز واسوره بالخاتم بتاعها
ونديم. فوق كده جبلها سلسلة مكتوب عليها اسمها 
مليكه. نديم كفايه الدبله والاسوره دول اصلا غاليين 
نديم. لا انا حابب اني اجبها ليكي وبعدين مفيش حاجه تغلا عليكي 
نور. مبروك ي مرات اخويا ههه 
مليكه. انا لسه خطبته بس ي نور هه
ابو مليكه. شوفتي عوض ربنا ي بنتي 
مليكه. اه ي بابا وبعدين نديم اخد مليكه وأبوها علشان يوصلهم البيت ويقعد مع مليكه شويه 
وبعد ما روحوا مليكه قدمت عصير وكيك ل نديم وقعدوا يتكلموا مع بعض وأبو مليكه سابهم مع بعض وهما قاعدين الباب خبط وكان مهند مليكه كانت ريحه تفتح بس نديم قالها خليكي انا هفتح وراح فتح ولقي مهند 
مهند. انت بتعمل ايه هنا كمان
نديم. انت اللي بتعمل ايه وجاي هنا ليه 
مهند. انا جاي ل خطبتي 
نديم. ههه ضحكتني وبعدين مليكه جات وقالت مين ي نديم وبصت وقالت مهند !! انت جاي لي وبتعمل اي هنا 
مهند. البيه ده بيعمل ايه هنا ي مليكه 
مليكه. وانت مالك اصلا كنت مين علشان اقولك 
مهند. انا خطيبك ومن حقي اعرف 
مليكه. خطيب مين انت اټجننت وبعدين احب اعرفك نديم خطيبي 
مهند. خطيبك 
نديم. زي ما سمعت خطيبها 
ابو مليكه طلع وقال في اي ي ولاد وبص لقي مهند خير ي ابني جاي لي 
مهند.