إسكريبت احببت روان لسوليه نصار

اركبي بس العربية شكلك تعبانة. 
زقيته وأنا بقول 
هو انت فاكرني ايه! هو أنا عشان اتطلقت ومبقاش ليا بيت هتفتكرني شمال اتقوا الله. 
انتي مطلقة 
قالها پصدمة 
فعيطت تاني وقولت 
الندل الواطي طلقني عشان سلعوة ضاربة شعرها اوكسجين واسمها كاميليا قولي في حد يسمي كاميليا.... اسم ده ولا دوا كحة. 
ضحك وقال 
انتي مصېبة علي فكرة في الظروف دي بتألشي... احكيلي من الأول.... 
....... 
بعد ما حكيتله. 
علي فكرة طليقك واطي 
متقولش عليه كده... بأي حق تهينه
لا راجل واطي اللي يرمي واحدة عاش معاها لسنتين عشان سبب تافه زي الخلفة يبقي واطي.... اللي يكسر واحدة ملهاش حد ويطردها يبقي واطي.... اللي يقهر قلب مراته ويحسسها أنها مجرد آله عشان تخلف بس يبقي واطي.... بس انتي السبب.... انتي الغبية . 
أنا جاية اتهزق هنا ولا ايه. 
عارفة ليه عشان انتي اللي خليتيه كل حياتك.... لما لقاكي ضعيفة وملكيش حد اتجبر عارفة لو عرفتي من الأول أنك الوحيدة اللي سند لنفسك مش حد تاني مكانش هيقدر يعاملك كده الراجل لما يلاقي نفسه محور حياتك هيتغر أكتر... نفسك برضه ليها حق عليكي فاهماني. هزيت رأسي ومسحت دموعي وأنا بقول بسخرية
فهمت متأخر للأسف. 
مش متأخر ولا حاجة عندك حياتك وابنك عيشي عشانهم. 
أعيش ازاي بس لا عندي بيت ولا شغل مش عارفة أروح فين أنا يتيمة زي ما أنت عارف وكنت عايشة في مع خالتي في بيتها قبل ما اتجوز يامن وخالتي ماټت ومبقاش ليا لا أهل ولا بيت. 
تعالي عيشي عندي... وقبل ما تهبي في وشي زي البوتاجاز أمي عايشة معايا هي وأختي وانتي هتقعدي معاهم. 
آه يا أخويا تاخدني لبيتكم وملاقيش حد وتقولي أصل أمي راحت تجيب طماطم وأختي راحت الدرس وبعدين تسلبني أعز ما أملك. 
ايه جو الأفلام الرخيص ده بطلي تسمعي افلام عربي هتبوظ دماغك... يالا اركبي العربية ولو حسيتي إني مچرم ولا حاجة ابقي امشي 
........ 
بعد نص ساعة وصلنا لفيلا كبيرة... نزلت من العربية وأنا بقول 
ايه العز ده كله... هو انت تاجر أعضاء. 
ضحك عدي وقالي 
ادخلي وبطلي لماضة 
دخلت البيت أنا وهو قابلتنا أمه كانت ست راقية وباين عليها العز. 
مين دي يا عدي 
مسك أيدي وقال 
دي مراتي يا ماما. 
يتبع 
أحببت_روان 
سولييه_نصار 
لو لقيت تفاعل حلو فيه بارت كمان بعد شوية يالا شدوا حيلكم ممكن اخلصها النهاردة
الجزء الرابع شكرا لتفاعلكم السكر
ايه... لا أنا مش مراته... أنت كداب جايبني هنا عشان تسلب مني أعز ما أملك! 
يخربيت غباء أمك 
قال عدي بصوت واطي. 
ابتسمت والدة عدي رغم أنها برضه مكانتش فاهمة حاجة وقالت 
طيب يا عدي سيب ضيفتك ترتاح وتعالي عايزاك. 
مشيت من قدامنا فبصلي عدي بقرف وقال بصوت واطي
بقرة اووي 
بتقول ايه يا عم أنت 
بقول اطلعي أول أوضة علي اليمين وارتاحي فيها لحد ما أصلح اللي هببتيه مع أمي يا اذكي أخواتك. 
....... 
قعد عدي قدام أمه.... 
مين دي يا عدي من غير كڈب! 
أنا هحكيلك 
وبعد ما عدي حكالها كل حاجة. 
عيونها دمعت وقالت
معقول في ناس بالبشاعة دي 
أنا مصدقتش لما قالتلي بس كان شكلها مڼهار لما شوفتها
كويس أنك مسبتهاش في الشارع يا بني بارك الله فيك. 
..... 
كنت قاعدة علي السرير وأنا متوترة معرفش لو اطردت من هنا كمان ممكن يحصلي ايه لما دخلت عليا والدة عدي... وقفت لما شوفتها فقربت مني  وهو بتقول
مټخافيش محدش ھيأذيكي هنا!... 
كان أول مرة حد  بالحنان ده من وقت طويل من وقت ما  خالتي آخر مرة.... عيطت جامد وأنا .... حسيت اخيرا أن بقي فيه حد يهتم بيا..... 
مرت الأيام والشهور مع عدي ووالدته صفاء...