رواية فخضع لها قلبي بقلمي فاطمة ابراهيم

ودانها وضربات قلبها بتتسارع أنا مبيلتويش دراعي ي دليدا وزي ما أنتي ليكي أسبابك إلا مقتنعه بيها وعاوزة تبعدي بسببها أنا كمان ليا أسبابي إلا وبقولك مش هطلقك ومش هتبعدي وإلا يقدر ع التاني هيجبره ع قراره 
سيف أحنا مش عيال صغيرة خلينا ننهي الموضوع زي ما بدأناه وكل واحد يروح لحاله 
بينا شهر ولو لسه مصممة ع رأيك هعملك الا انتي عاوزاه 
ملوش لازمة الشهر دا ايه إلا هيتغير يعني عن كل إلا قبل كدا 
بضحكة تريقة ممزوجة بحزن متقلقيش أنا مش هعيش معاكي الشهر دا ولا أنتي هتفضلي هنا في الشقة دي علشان تبقي براحتك ولا نفين ولا إسلام ولا جدي وزينة يضايقوكي 
امال لازمته ايه بقي الشهر دا !
بحزن بص في عينها يعني ع الأقل أحس إني ليا حق أشوفك واطمن عليكي طول مدة الشهر دا قبل ما تبعدي عني المكان دا أمان ليكي لحد ما اصفي كل حساباتي مع كل إلا عاوزيني طلع الخاتم الدبلة إلا كان لبسهالها أول ليلة شافها فيها وبصلها وقال ميتقلعش تاني أبداا سامعة حتي لو زعلانة مني يفضل في إيدك 
لمدة شهر واحد 
جز ع سنانه بغيظ أمال لو كنتي بتكرهيني كنت هتعامليني إزاي!!! 
سمعوا صوت الباب بيتفتح فطلع سيف ووراه دليدا إلا اول ما شافت مامتها ووهي سانده ع نفين بتعب جريت عليها بتفاجئ مااما وحشتيني أوووي 
أمها وهي بټعيط ي حببتي ي بنتي الحمد لله ي رب أنك جمعتني بيها وشوفتها بخير 
بعياط تاني وكأنها مش مصدقة أنها شيفاها قدامها كويسة 
بس ي حببتي بس ي قلبي متعيطيش طمنيني عليكي انتي عاملة ايه بتاكلي كويس وبتنامي حلو الشغل بتاعك مرتاحة فيه!! 
رد سيف بتلقائية لما شاف دليدا ارتبكت خدي طنط ترتاح في الأوضة ي دليدا وحضريلها أكلة كدا تعوضها عن ايام المستشفي يالا عن أذنكم أنا لازم أمشي 
ردت ام دليدا بسرعة ع فين يابني هو ايه لو حضرت الشياطين ذهبت الملائكة ولا أيه
إبتسم بهدوء وقال
لأ أبدا الموضوع بس أن
انا عارفه أنتم عاوزين تقولوا أيه أختك نڤين فهمتني كل حاجة
بصت دليدا وسيف لبعض بستغراب 
أنا عرفت أنكم اتجوزتوا سيف وبحنان الام شكرا يابني أنك حافظت ع بنتي وحفظت كرامتها قدام الناس ومطلعتش زيهم طلعت راجل وقد كلمتك متحملتش أنك تسمع عنها كلمة من حد وتجوزتها علشان تكتم لسانهم كلهم 
بص ل نڤين بستغراب فبتسمت وغمزتله فبتسم وباس رأسه ربنا يخليكي لينا ي طنط أرتاحي دلوقتي وأنا هرجعلكم تاني 
هنستناك ع العشا يابني متتأخرش مش هناكل من غيرك ولا أيه ي دليدا 
بصلها سيف إلا كان شايف ع وشها علامات الصدمة ااه اه ي ماما أكيد مش هنعرف ناكل من غيره أه 
طبعا بقي دوقت طبيخ بنتي وعارف 
يوووه كتييير دا أكلها لأ يعلي عليه لدرجة اني نسيت طعمه إلا عمري ما دوقته دا 
بتوتر ردت دليدا بسرعة يالا ي ماما علشان ترتاحي 
فرك سيف إيديه الاتنين في بعض وبفرحة قال بصوت خاڤت سبحانك ي رب كل ما افتكر أن خلاص كل حاجة بتقفل وهبعد عنها بكتشف أني 
نڤين وسندت ع كتفه مش يالا بينا بقي علشان توصلني ي بيه ولا هتسبني أروح في تاكسي 
لا يبنتي ودي تيجي روح يابني وصلها ولو أننا كان نفسنا تفضل معانا لحد العشا وناكل كلنا سوا 
متقلقيش اتوكلي ع الله ثم عليا 
حببتي ي قمر انتي يالا سلام ي دليدا
سلام ي طنط مع السلامة ي دلي.. اا اقصدي ي حببتي 
رفعت دليدا حواجبها بزهول ومردتش 
غمزلها وخد نفين ونزل وقفل الباب 
إبتسمت أول ما قفل الباب وبسرحان مع السلامه
أمها أمم دا واضح أن بقي ليكي حوارات كتير من ورايا يبنت ضحي
بتوتر هاا ل لأ أبدا ي ماما أنتي فهمتي ايه!! 
لسه هنفهم كل حاجة وتحكيلي بالتفصيل قدامي قدامي أحنا يومنا طويل مع بعض 
الليل في الفيلا 
في أوضة إسلام 
بعصبية أنا مش هخاطر بالشكل دا انا ي بابا قولتلك تعالي وخلصنا من الموضوع الزفت دا أنا زهقت خلاص 
تصدق يالا أنت خسارة فيك اسم راجل أساسا أنا اكتشفت ان مفيش فرق بينك وبين زينة طلعتوا حريم زي بعض 
بغيظ ما بلاش الكلام إلا ملوش لازمة دا وانزل وريني شطارتك معاه أنت فاكر لما تفضل عندك كدا علشان متتكشفش بعد ما قټلت أمه تبقي كدا بتستخبي ! بقولك ايه ي بابا أنا زهقت وتعبت ورحمة أمي لو مجتش في أقرب وقت خلصتنا منه وخدنا العقود ونقلناها ل لندن أنا هسافر ومش راجع تاني
ششش بس ي حيوان هتفضحنا خلاص خلاص هرتب أموري وهنزل كمان اسبوع وياريت تفرحني وبدل ما اكون جاي اخطط أكون جاي أعزي ع طول 
قفل إسلام التلفون وبغيظ تيجي تعزي !! هو أنت أبويا ولا رئيس عصابه ولا أيه ظروفك !
عدي أسبوعين كان سيف بيروح فيهم البيت عند داليدا وأمها كل يوم بيتغدي ويتعشا معاهم وبيتحجج أن شغله كله بالليل علشان ضحي أم دليدا