الحلقة السابعة والثلاثون من أولاد الجبالى3

روحى فى شغلى بس بعد اللى حصل ورغم خلاص ربنا كرمنى مبقاش ليه روح فيها وعايز فعلا أشتغل حاجة خاصة .
حسام مش عارف أقولك إيه بس المهم تكون مرتاح وسعيد فى حياتك .
ودلوقتى هتعمل ايه هترجع الصعيد 
براء أكيد هرجع بس صراحة هستنى لما مرام تفوق وأطمن عليها.
حسام بإندهاش يا راجل دى هى اللى جبتلكم الكافية تتطمن ايه بس ما تروح فى ستين داهية ولا تبكى عليها..
براء لا برده دى روح يا حسام وصعب عليه أسيبها كده وخصوصا فعلا إنى حسيت منها أنها ندمانة على كل اللى عملته وعايزة تتوب قبل ما تقابل وجه كريم .
فسخر حسام ماشى يا شيخنا بس الحلوة دى من دلوقتى هيتعين عليها حراسة اكيد لغاية ما تفوق ونقدر نستجوبها لغاية ما نشوف هتقدر على المحاكمة ولا هتفضل فى مستشفى السچن بعد كده .
بس لازم كمان تعترف عشان نقدر نجيب اللى وراها من اول الدكتور اللى ساعدها فى انتحال شخصية تانية وفريد والبت إياها اللى عملت عليك التمثلية دى .
براء بسخط فعلا دول نفسى أعلقهم .
عشت كده مش راجع دلوقتى غير لما القضية تمشى شوية .
أغلق براء الخط مع حسام وتنهد بإرتياح قليلا بعد أن أقترب من الحصول على برائته والعيش بسلام أخيرا بجانب زوجته وابنه .
ثم قرر أن يحدث باسم ليخبره بما حدث ليطمئن والدته ويهدء من روع زاد وبعث له التسجيل كى تسمعه بنفسها وتصدق .
فحدثه باسم بفرحة بجد يا خوى اللهم لك الحمد .
متصورش جد ايه كنت حزين عليك لإنى خابر انك متعملهاش .
ودلوك خلاص تقدر تمشى راسك مرفوعة من جديد وترچع شغلك وربنا يسعدك أنت وزاد وتعوضها عن اللى حوصل .
ابتسم براء وتخيل لحظاتها معه وتمنى فعلا أن يستعيدوا حبهم من جديد فاستطرد قائلا اه طبعا انا خلاص كمان عسيب الحكومة واشتغل حر وهكون براحتى معاها مفيش تقييد .
باسم بتجهم تسيب الحكومة ليه بس بل اخوى ده أنت روحك فيها خسارة والله .
براء زهجت والله يا اخوى ومشفوتش منيها غير المشاكل وعايز أهدى وأشوف حياتى كويس ..
باسم ربنا يقدم اللى فيه الخير .
ودلوك هروح أفرح امى وزاد المسكينة اللى وشها من ساعتها أصفر وذبلت خالص .
فذهب باسم وكانت والدته عند زاد تتفقدها وتتطمئن على معاذ الصغير التى باتت لا تتركه بعد أن أبتعد عنها غيث .
أما ريحانة ابنة باسم فملك لا تدعها إلى أحدا ابدا .
فطرق باسم الباب بمرح مردفا انا باسم حد خالع رأسه عاد !
فضحكت زهيرة واجابته أدخل يا ولد زاد لابسه حجابها كانت عتصلى .
فولج باسم والإبتسامة على شفتيه واقترب من والدته وقبل يديها ورأسها بحب ثم نظر إلى تلك الحزينة ذات العيون الذابلة وقال مش جولتلك يا زاد ميعملهاش براء واصل وهو مظلوم .
فحركت زاد رأسها بآسى قائلة مظلوم كيف وهو متصور معاها لساك عايز تدافع عنيه يا باسم .
_ أرجوك انا مش عايزة اكلم فى الموضوع ده تانى انا خلاص نسيت إنى مچوزة وخرجته من حياتى ومش مهم عندى غير ولدى وبس .
باسم مش مصدجانى طيب أنا هسمعك بنفسك وتعرفى إنك أنت اللى ظلمتيه .
فاتسعت عين زاد قائلة باستنكار أناااا .
ليبدء باسم فى تشغيل الصوت المسجل لمرام التى تعترف به أنه هى من وراء ما حدث لبراء.
ونظر باسم إلى تعبيرات وجهها وهى تستمتع إليه وظن إنه وجهها سيتهلل فرحا ببرائته كما حدث مع وجه والدته التى ابتسمت