الحلقة التاسعة والثلاثون من أولاد الجبالى3

حزينة  على هذا النحو وتمنى أن لو كان بيده شىء ليخرجها من هذا الحزن .
فحاول أن يتمالك نفسه لعدة دقائق ثم أمر الساعى بصنع كوبا من الليمون وإحضار بسكويت الشيكولاته معه .
وعندما تم ما أراد واستأذن الساعى للدخول بهم إلى حجرة عزة طالعته بإندهاش قائلة ايه  ده يا عم حسن انا مطلبتش حاجة 
وعندما فتح حسن فمه ليجيبها  وجد من ورائه ايمن يقول طيب حط الحاجة على المكتب أنت يا عم حسن .
طالعته عزة بإستغراب وصمتت حتى غادر حسن لتسئله أفهم فيه ايه بالظبط 
حمحم أيمن بحرج وقال مفيش يا دكتورة .
_أنا حسيت بس من دخولك إنك متوترة شوية ومن عينيك إنك منمتيش كويس .
فطلبت ليك ليمون وقولت كمان يمكن مفطرتيش فقولت لازم يكون معاه البسكوت الحلو ده .
اضطربت معالم عزة لهذا الغزو المفاجىء فهذه أول مرة أحدا يهتم به أو يلاحظ على وجهها شىء فالكل يتجاهلها حتى أقرب الناس إليها .
فحمحمت هى الأخرى بحرج وخرج صوتها مهزوزا متشكرة جوى يا دكتور ايمن .
ثم اصطنعت الجدية حتى لا يتمادى معها بس لو سمحت بعد أكده مش تتعب نفسك وتطلب حاجة ليه .
انا لما أحتاج هطلب لنفسى ودلوقتى تقدر تتفضل تشوف شغلك .
شعر ايمن بإن دلوا من الماء البارد قد سكب على رأسه عندما أحرجته عزة فقال بحرج العفو وأسف ان كنت ضايقتك بس صدقينى انا مقصدش غير راحتك .
بعد اذنك ثم غادر تحت انظار عزة التى ألقت بنفسها على المقعد وحدثت نفسها هى كانت ناجصاك أنت كمان يا أيمن عشان تحسسنى اكتر بالهم اللى انا فيه وأنه واضح للدرجة دى على وشى يعنى بجيت مفضوحة. 
ثم شردت فى باسم واستطردت بحزن ألا ما فيه مرة خدت بالك منى أكده يا باسم .
يلا هى شكلها عيشة والسلام .
قام جاد من النوم ليتفاجىء بنوم جابر بجانب غيث فضم شفتيه بغيظ مردفا استغفر الله العظيم من أولها أكده !!
_ يا عينى عليك يا سلسبيل متستحقيش أكده والله .
فقام من فراشه وبطرف أصابعه هز كتفه فقام جابر مڤزوعا مردفا ايه فيه ايه 
فعقد جابر حاجبيه قائلا بحنق هو أنت ايه اللى فيه إيه يا اخوى !!
_ايه منيمك إهنه ومهمل عروستك فى ليلة دخلتها 
ده حتى عيبة فى حقك .
فاعتدل جابر وحمحم بحرج ايوه سلسبيل فكرتنى .
_ بس معلش محستش بنفسى ونمت جمب غيث .
فضحك جاد وهو يلوح بيده محستش بنفسك ولا جاصد يا اخوى ومش عايز تقرب منيها عشان اللى فى الجلب .
فوقف جابر وتبدلت ملامح وجهه الڠضب وصاح يوووه بجا مش هنخلص من السيرة دى عاد .
_بجولك ايه يا جاد انا رايح اتخمد هناك زى ما أنت عايز وخلى بالك من غيث لما يصحى وشيع للبت بهانة تغير له وتوكله .
وعندما الټفت ليغادر صاح جاد جابر .
فالټفت له مجددا ونظرة التساؤل فى عينيه .
ليجيبه جاد انا لما عرضت عليك تچوز سلسبيل كنت متوكد انك مش هتظلمها معاك .
فمتخلينيش دلوك أشك فيك وأندم على شورتى ليك .
تنهد جابر بحرارة واقترب منه يداعب وجنته وقال مش خابر كيف هتچيب الكلام الكبير ده رغم لساك صغير .
فابتسم جاد العقل مش بالسن يا ولد ابوى .
جابر صوح يا خوى وادعيلى بس انت ربنا يريح جلبى .
جاد ربى يريح بالك وجلبك .
ويلا روح طيب خاطر الغلبانة دى عشان أكيد نامت عتبكى لحالها .
فاومأ جابر برأسه وغادر فدعا جاد ربنا يرزقك محبتها يا جابر .
إتجه جابر بخطوات بطيئة ثقيلة إلى غرفته مع سلسبيل وحدث نفسه مش خابر كيف عقدر أقرب منيها وانا جلبى لسه مش ملكى .
_ اه يا ۏجع الجلب اللى انا فيه .
ثم تنهد بۏجع وفتح الباب ليجدها نائمة بفستان الزفاف وهناك خطوط سوداء بفعل الدموع التى انهمرت من عينيها مختلطة بكحل العين .
فتمتم بحزن لا حول ولا قوة الا بالله متخلينيش أندم إنى اتسرعت فى الچوازة دى وانا مش قدها عاد .
_ اعمل ايه دلوك معاها ولا أطيب خاطرها كيف 
_ أصحيها طيب ولا أسيبها نايمة 
ثم حمحم لعلها تستيقظ من صوته لتفتح عينيها فتراه أمامها فرمشت