هو انا مش اخوكم
محترم جدا
ثانيا هيكون ليكى غرفه مخصصه بحمامها
ثالثا مش هنحتاج لبيات الا لظروف طارقه جدا تستعدي لذلك
صفاء صعب والله يا ا احمد وحتى لو انا وافقت والدتى مش هتوافق وانا ما اقدرش ادارى عليها
انا اسفه مره تانيه
ا احمد معلش انى بضغط عليكى بس ظروف حازم زى ما انتى شايفه ومن صعب انه يكون لوحده وأخواته كلهم اتخلوا عنه طمعا فى ورثه اللى والده سابه ليه عشان يكون سند ليه فى الدنيا
صفاء بجد يا ا احمد انا مقدره ده كله بس مش هينفع سامحنى
احمد طب ايه رايك تيجى والدتك تقعد هنا معاكى بيتهيء لي ان دى فكره كويسه جدا والشقه بسم الله ماشاء الله كبيره وهتسمح بكده
احمد تمام بس يكون فى اسرع وقت يعنى لو موافقه يكون الصبح حضرتك موجوده
صفاء تمام تحت امرك
ودخل احمد لحازم وقال له اللى وصل ليه مع صفاء وبيتأكد انه معندوش مانع من وجود والدتها معاهم بالشقه
حازم لا ابدا دول حتى يعملوا حس فى الشقه بس يارب والدتها توافق الستات الكبيره بتكون مرتبطه اوى بالمكان اللى عايشه فيه
حازم متشكر اوى يا ا احمد انت اللى بتعمله معايا ماطلعش من اخواتى اللى من دمى ولحمى
احمد اولا ايه ا احمد دى يعنى اقولك يا ا حازم بقى ويبقى دمنا تقيل كده احمد بس ياعم حازم احنا زى الأخوات
ثانيا متزعلش من اخواتك هي الدنيا غراهم بس والطمع عمي عنهم بكره يعرفوا انها مش مستهله
احمد قول يارب مافيش حاجه بعيد عن ربنا
انا هنزل دلوقتى ولو اتصلت عليا ولا حاجه هكلمك ولو عوزت اي حاجه كلمنى علطول وبلاش تحبس نفسك فى غرفتك كده اطلع اقعد شويه فى البلكونه روح عن نفسك اتفرج ياسيدى على اللى رايح وجى
يالا سلام
نزل احمد وترك حازم
حازم فعلا سمع كلامه واخد كتاب وراح على البلكونه يقرأ فيه واحمد خرج من باب العماره وماشي
نظر للشارع ليجد احمد ملقى بالشارع سياره صډمته وفرت والناس اتلمت حواليه
حازم اول ماشاف احمد واللى حصل له بقى ېصرخ وينده احمد احمد ويلف بكرسيه مش عارف يعمل ايه عاوز ينزل يتطمن على احمد لكن طبعا صعب جدا انه يعرف ينزل لوحده
وظل يدور حولين نفسه بكرسيه ويعود ينظر من البلكونه
حاول بقدر الإمكان ينده على حد بالشارع بس للاسف مافيش حد سمعه لانه مش ظاهر جيدا يدوب شايف
وفجأه سمع جرس الباب بيرن
اتجه بكرسيه مسرعا نحو الباب وفتح الباب ليجد
عماد اخوه واقف أمامه وبيقول له إلا هو مش اللى سيارة صډمته فى الشارع ده امام العماره هو اللى اسمه احمد اللى كان بيقول انه وكيلك والكلام الغريب ده ولا انت ماشوفتش الحاډثه
حازم انت عملت ايه ياعماد حرام عليك هى وصل بيك الطمع والشړ لأنك ټقتل انا مش مصدق
عماد اقتل ايه ياعم انت عاوز تودينا فى داهيه انت تعرف عن اخوك كده برضو ياحازم اخص عليك
ظلمتنى دا مجرد حاډث مش اكتر
لسه برضو فاكر انك ممكن تعيش من غيرنا وتاكل حقنا على فكره انا مابسبش حقي ابدا وانت عارف كده كويس
التنازل لسه معايا هتمضي عليه هنرجع اخوات وحبايب وهنفضل كلنا جنبك وحواليك
حازم انا مش عاوز قتلين قټله يكونو جنبي ولا حواليه امشي من أمام عينى مش قادر اشوفك حرام عليك وهو ذنبه ايه بس كنت اقټلني انا وخلاص وتريحنى من الدنيا ومافيها
عماد تانى بتقول انى اقتل الله يسامحك وبعدين دا انت اخويا برضو
