إسكريبت بقلم ايمان شلبى
جو الخضره الشريفه ده مش عليا أنا!
الفرح هيتعمل برضاكي ڠصب عنك هيتعمل
مش لعب عيال هو
ضړب بصباعه علي دماغي وكمل وهو بيعوج بوقه زي المجرمين
عقلك في راسك تعرفي خلاصك
شيلي الفكره دي من دماغك يابت الناس ومتخلنيش اعمل تصرفات تندمك العمر كله
بصيتله پصدمه والدموع اتجمعت في عيني وانا بهز راسي بهستريه
لا لا اكيد انت مش محسن اللي حبيته ا انت ا انت شخص تاني ا ا....
عايزه تتطلقي ولا تغوري في داهيه بعد الفرح مش هقولك لا
قال كلامه بكل قسوه وقعت علي الارض ومشي وسابني!!!!!!!
انت يابني ادم أنت اټجننت
بصيت لمصدر الصوت لقيته شاب غريب
محسن بعصبيه
انت مال اهلك
رد هو بعصبيه اكبر
في حد يعمل كده في بنات الناس!
هه بنات الناس
اللي حضرتك بتتكلم عنها دي خطيبتي وفرحنا بعد شهر وجايه تقولي انها مش عايزه تكمل بدون اي أسباب واضحه ياتري لو مكاني هتعمل ايه!!!!
هحترم قرارها حتي لو كان فرحنا بكره مش هتعامل بالهمجيه اللي حضرتك اتعاملت بيها لأنها بني آدمه وليها حق الاختيار
حق اختيار ايه يامعلم هو انا متقدملها
اتنهد وحط أيده علي كتفه لكن المره دي بهدوء ولين
يابني آدم افهم مانت اكيد عملت حاجه خلتها تتقفل منك ...حبيب اخوك التعامل مش بالطريقه ديه الرسول عليه افضل الصلاه والسلام وصانا وقال استوصوا بالنساء خيرا اتكلم معاها بهدوء وحاول تفهمها وتفهم أسبابها جايز تقدر تغير من نفسك وتخليها تتراجع عن قرارها!
عجبك كده اللي انتي عملتيه ده خليتي الناس كلها تتفرج علينا
مسحت دموعي وقلعت دبلتي ورميتها في وشه
انا مش عايزه اشوف وشك تاني
كان لسه هيتعصب ويثور بس الشاب مسكه من دراعه
سيبها تمشي
طلعت اجري من الكافيه وانا مش شايفه قدامي من الدموع
وقفت بعد جري ربع ساعه بالتقريب
قعدت علي اقرب كرسي قابلني من التعب وفضلت اعيط بصوت مسموع لدرجه الناس كلها كانت بتبص عليا!
لكن
