الحب انت بقلمي سولييه

اسكريبت 
كنت واقفة قدام المرايا ولابسة فستان فرحي علي الانسان اللي وافقت اتجوزه بإرادتي بس رغم كده مكنتش فرحانة....لان الانسان الوحيد اللي حبيته رفض يتجوزني وقال اني عيلة صغيرة وعشان انساه قررت اتجوز اول واحد يتقدملي وده اللي حصل !...لسه فاكرة كلماته كأنها حصلت امبارح
فلاش باك 
عبير يعني انت مش بتحبني يا قاسم ...طب وهزارك معايا ...كلماتك ليا ...انت مش كنت دايما بتقولي انك مش هتتجوز غيري 
قاسم بملل يا عبير ده كان هزار ....كنتي ساعتها صغيرة وهزرت معاكي زي ما بهزر مع اي بنت صغيرة ليه بتاخدي كل حاجة جد كده 

عبير بدموع هزار قلبي ومشاعري بالنسبالك هزار يا قاسم 
مسك قاسم ايدي وقال عبير انتي زي اختي الصغيرة وأكيد مش هلعب بمشاعرك بس انا فعلا كنت بهزر معاكي ....عبير اتجوزي واحد من سنك يحبك وېخاف عليكي ...لكن انا مبحبكيش .
زقيته وانا بقول بعصبية 
مش واحد زيك هيقولي انا اعمل ايه وخلاص يا قاسم بيه متقلقش انا هختفي من حياتك واشوف واحد .يحبني 
وبعدين جريت من قدامه وانا حاسه قلبي بيتكسر للمرة الأولي. 
باك .
مسحت دموعي وانا بقرر اني خلاص هطلع قاسم من دماغي وهعيش مع عمر وبس ...مش هفكر في حد الا عمر .
حسيت بحركة ناحية الشباك ...بصيت بحيرة وقربت من الشباك لحظات وقاسم ظهر قدامي كنت هصرخ لولا انه حط ايده علي بوقي ...وبعدين جاب منديل وحطه علي مناخيري وساعتها محستش بنفسي الا وهو شايلني علي ظهره وكان الصبح صبح ....اټرعبت وانا بخبط علي ظهره جامد وبقول 
نزلني ...نزلني والا هصوت والم انا لا اله الا الله عليك 
عبير بړعب قاسم ...قاسم انا اتفضحت هيفتكروني هربت يخربيتك 
قاسم وهو ده المطلوب يا حبيبتي 
قعدت اضرب فيه وانا پصرخ لقيته بيقولي ببرود 
بت انتي اتخطفي وانتي ساكتة وبلاش صداع ...محدش هيسمعك هنا احنا خرجنا من البلد اصلا 
عبير حرام عليك يا قاسم ...عمر زمانه...
قاسم بغيرة متجبيش اسم الخروف ده علي لسانك ....عيب تجيبي اسم راجل غريب قدام جوزك المستقبلي عشان انا بغير 
عبير بړعب جوزي المستقبلي مين ...يا ابني أفهم امبارح كان فرحي علي عمر ...عمر هو خطيبي مش انت !
قاسم انتوا لسه مكتبتوش الكتاب يعني انا في السليم ...ودلوقتي هنتجوز انا وانتي ولما ترجعي لأهلك هتقولي انك غيرتي العريس 
عبير هو فردة شراب يا قاسم 
قاسم ما هو اصلا لو اتجوزتيه انا ھقتلك وهقتله واقتل نفسي....
عبير ليه بقا ان شاء الله مش انت قلتلي شوفي واحد قدك وانك مبتحبنيش 
قاسم واكتشفت اني بحبك ....بحبك يا بت نفيسة 
دخلني مستودع قديم وربطني كويس وبصلي بإبتسامة شريرة وقال 
دلوقتي امضي علي ورقة الجواز .
انت مچنون مستحيل امضي 
براحتك يا جميل حقك ...وانا مش هبقي ديكتاتوري واجبرك بس هعمل حاجة الطف 
راح
وطلع علبة كده من جنب ودخل ايده وخرج صرصار حي 
عبير بصړاخ يالهووووووي صرصار الحقيني يا ماما 
الحب_انت 
بقلمي سولييه