سطو قلبى

نوفيلا سطو قلبي بقلم سارة بركات 
الفصل الثالث والأخير 
بيجاديلا عشان أوصلك للمستشفى.
 ريماس بصوت مبحوح وعدم إستيعاب وهي بتبصلهبلاش مستشفى الموضوع مش مستاهل.
كان لسه هيتكلم 
ريماسبعد إذنك أنا هروح البيت بنفسي مش محتاجة إنك توصلني.
 بيجاد بصرامةريماس  من غير ولا كلمةأنا هوصلك بنفسي وهطمن عليكي  مش عايز أبقى قلقان عليكي.

كل إللي عملته إنها هزت راسها  كان ماسك إيديها المچروحة بإيديه الإتنين بيضغط على الچرح لحد ماوصلوا للعربية  إتحركوا وطول الطريق هما الإتنين ساكتين  وهي كان جواها أسئلة كتير بتسألها لنفسها . بمرور الوقت  وصلوا قدام بيتها وهي كانت لسه هتنزل  
بيجاد وهو بيبص في عينيهاأنا عمري ما هسيبك إنتي ماتعرفيش إنتي إيه بالنسبالي ماتقلقيش أنا هتصرف وهكلمك وأنا مش بخلع منك بالعكس ده أنا ليا الشرف إني أبقى معاكي إنتي مش عارفة قيمة نفسك ولا إيه
إبتسملها بعد ما قال آخر جملة بهزار عشان يفك الجو بينهم  إبتسمتله إبتسامة مصطنعة بسبب صډمتها قرب منها وبعدها بعد عنها وكل ده وهي تحت تأثير الصدمة 
بيجاد بإبتسامة جميلة وهو بيبص في عينيهاإبقي طمنيني عليكي لما تطلعي  تصبحي على خير.
هزت راسها ونزلت من العربية بهدوء ومشيت خطوتين وبعدها لفت وبصتله  كان لسه واقف بعربيته بيبصلها بنفس الإبتسامة  رجعت لفت تاني وهنا دموعها نزلت في صمت وعلى وشها الصدمة من إللي هي إستنتجته . بعد ما وصلت لشقتها دخلت الحمام ووقفت قدام المراية وعقلها كان هو إللي بيتكلم.
كان هو . إزاي توهت عن عينيه إزاي توهت عن صوته إزاي توهت عن لمسته ليا أنا غبية  غبية أوي إستغلني وقرب
مني عشان يسرق مكان شغلي بعد مامشي من عندي!  الوحيدين إللي يعرفوا إني عندي السكر خالتي وجوزها . مافيش حد غيرهم يعرف . كان هو
بكت بهيستيريا وبدأت ترمي كل حاجة في الحمام وكسرت مرايتها وبعدها قعدت على الأرض  مش قادرة تصدق إنها كانت بالغباء ده كله  بصت للعقد إللي جابهولها وقلعته ورمته على الأرض وكملت بكاء 
في اليوم التالي
كانت قاعدة في مكتب الظابط مراد في القسم وبتبص قدامها بشرود وواضح عليها قلة النوم وعيونها المنتفخة . الظابط دخل وقعد على مكتبه 
مرادآنسة ريماس  أهلا بيكي  حضرتك بلغتي إنك محتاجة تقوليلي حاجة بخصوص القضية بتاعة سړقة الفرعين بتوع البنك.
ريماس بصوت مبحوح من البكاءأنا عارفة مين إللي سرق.
 بيجاد كان قاعد في المقر بتاعه هو وفريقه وبيبص للرسايل إلي بيبعتها ليها من إمبارح لكن هي مردتش