إصحى يا بنتى
انت في الصفحة 1 من 3 صفحات
اصحي يا زفتة لؤي مستني تحت وراكم كلية مش من أول سنة ليكي تتأخري كده.
ماما خمس دقايق وهصحى.
يا زفتة انجزي بقولك الواد واقف تحت!
حاضر قومت أهو.
جدعة ياختي.
بعد نص ساعة كنت نزلت له.
صباح الخير.
رد وهو متعصب وقالي
قصدك صباح التأخير.
ياعم راحت عليا نومة عادي.
زي كل يوم يا قدري الأسود.
لم لسانك ياض.
ولو ملمتش
هضربك.
لولي أنا بهزر معاك.
بصلي باستحقار وقال
بعد لولي دي شوفي مين هيوصلك بعد كده.
خلاص بهزر ياعم وأنا ليا من غيرك يوصلني لحد دلوقتي.
قصدك إيه
ماهو أكيد هتخطب ويبقى يوصلني يعني.
معندناش الكلام ده إحنا.
لؤي يا صديقي الغالي أنت أصلا جاري!
وقريب مامتك من بعيد برضوا ومتربين سوا وأمك بتطمن لما تكوني معايا.
يلا علشان إحنا أتأخرنا.
ماشي.
مردتش أزود حسيته زعل من كلامي
بعد شهر.
حياة متقدملك عريس كويس.
وده شافني فين ده أنا معايا مخبر محدش بيقرب مني.
بت عيب كده شافك في الكلية أنا خليت ناس سألت عليه برضوا وهو كويس الصراحة.
خلاص طلما الحكومة ارتاحت له خلاص موافقة هتجوز وأخيرا هتجوز.
شوفت ياض هبقى عروسة أخيرا.
بصلي پصدمة واستغراب وقالي
مين!
أنا يا زفت عريس متقدم والحكومة اصدرت إنه شخص كويس فهوافق.
ده بجد هتوافقي!
آه يا لؤي ماهو كل بنت مسيرها تتجوز.
عندك حق فرحتلك حقيقي وربنا يتمملك على خير.
حسيته زعل من فكرة إني هتجوز بس إزاى ده أخويا أو الحقيقة هو زي أخويا أنا عارفة.
بعد 3شهور من الخطوبة
هو لؤي جارك ده معانا دايما كده!
عيب يا محمد ده أخويا وماما معرفتش تيجي معانا ومش هينفع نخرج لوحدنا.
هو مش أخوكي يا حياة.
حبيبي هو قريب ماما وقعد في الشقة إللي في وشنا يخلص الكلية بتاعته وماما مش هتكون مرتاحة غير وهو معايا.
قولتي إيه!
نعم بعد كل ده مش مركز مش هعيد تاني أنا.
حبي.. لأ ثانية دي بالغلط عادي محدش معصوم من الغلط يا جدع.
بطلي دبش بقى بتحبيني بجد
محمد عيب كده بس برضوا لو مش مرتاحة أكيد مكونتش هكمل.
حاضر هسكت بس برضوا قولتي طنط مش هتكون مرتاحة غير وهو معاكي على أساس أنا إيه
تاني يا محمد تاني ماهو الراجل قاعد بعيد أهو يعمل إيه تاني
ولا حاجة أنا مش هتكلم قومي نروح.
آه.
ماشي يا محمد.
مشينا وأنا متعصبة كان نفسي نكمل اليوم وصلنا البيت ومحمد مشى.
مالك يا ست حياة
أنا حبيته بس هو مش فاهمني يا لؤي!
حسيته اتعصب وسألني
بتحبيه!
آه مالك متعصب ليه
أصلك بتحبيه مع إنك قولتي مش فاهمك بس كده.
هو فعلا مفيش حد فاهمني قدك يا لولي.
ابتسملي ابتسامة خفيفة وقالي
تعالي أجيبلك ميكس شيكولاتة
