إصحى يا بنتى

شاء الله يعني.
أيوا كده.
وإحنا قاعدين لقيت شاب دخل علينا وقال
آنسة حياة ممكن خمس دقايق من وقتك
أنت عبيط ياض مش شايفها قاعدة مع راجل
لو سمحت أنا عارف إنك قريبها وجيران.
لؤي استنى هسمعه اتفضل حضرتك.
أنا معجب بيكي وناوي اتقدم.
أنا آسفة جدا ليك أنا في الوقت الحالي معنديش أي حاجة أقدر اقدمها ليك لو وافقت هكون بظلمك ولو قولت تستنى أتعافى وترجع تتقدم من تاني هتكون مستني حاجة أنا مش هقدر اقدمها ليك وأنا عارفة إنك هتقدم كل ما عندك ليا وأحسن ما عندك كمان آسفة مش هقدر اجازف تاني.
طب حاولي!
أنا آسفة.
حسيت ردها وكأنه ليا أنا كمان ردها فوقني وفي نفس الوقت حسيت إنها ممكن تضيع مني وحد تاني هيتقدملها فوقت على كلامها وهي بتقول أنا آسفة.
سمعت ردها اتفضل امشي بقى.
حاضر.
بعد ما مشى.
حياة متزعليش نفسك كده ولازم تفوقي ميتفعش كده.
حاضر.
عدت فترة الامتحانات ولؤي كمان امتحن.
وبعد شهرين من الامتحانات.
حياة فوقي كده سلمي على لؤي قبل ما يمشي.
يا ماما الامتحانات خلصت عايزة أنام.
يا بت فوقي لؤي راجع القاهرة تاني.
ماش.. إيه راجع فين الواطي ده من غير ما يسلم عليا
قومي له بقى.
ماشي.
إيه يا أستاذ لؤي ناوي تمشي ليه
تعالي نخرج سوا
ماشي هلبس وأنزل.
بعد شوية لبست ونزلت.
يمكن تستغربي كلامي بس أنا بحبك بحبك لما بتضحكي ولما بتكشري ولما بټعيطي بحب لمعة عينك لما بجيب ليكي الحاجات إللي بتحبيها بحب هزارك معايا ولماضتك كمان بحب كل حاجة فيكي بحب التلقائية بتاعتك بحبك زي ما إنتي.
أنت بتقول إيه! بتحبني أنا أكيد بتهزر!
لأ بتكلم بجد قرارك إيه
يمكن لو الوقت مكنش نفسه أو أنا الشخصية القديمة كان زماني طايرة من الفرحة وأقولك إن كلمة بحبك منك أحسن كلمة اتقالتلي في حياتي أو إن وجودك في حياتي ده أحسن حاجة حصلتلي بس أنا غير مهيئة لكل ده مش هعرف سامحني بجد.
ده آخر كلام عندك!
آه.
أنا هسافر ومش هرجع هنا تاني سلام.
مشى كام خطوة وجملته بتردد في وداني أنا هسافر ومش هرجع هنا تاني. هو فعلا ممكن ميرجعش! حاولت اتخيل حياتي من غيره معرفتش! مفيش حد فاهمني قده أكتر حد جانبي ودايما برتاح وبطمن في وجوده هو أماني لو كل ده هو مفهوم الحب فأنا أكيد بحبه!
فوقت من الصدمة وجريت بسرعة لحقته.
استنى عندك هنا إزاى تمشي وتسيبني لوحدي
أنا كده كده ماشي وهتكوني لوحدك.
ماهو مينفعش أكون لوحدي مقدرش اتخيل حياتي من غيرك بحبك.
قولي والله
والله بحبك أنا بس كنت متلغبطة وعقلي مشوش لكن لما وصلت لنقطة إني مش هشوفك تاني خۏفت أوي وكأنك سحبت كل الأمان إللي كان محاوطني وأنت ماشي مقدرتش استحمل ده.
فكري تاني
أنت أماني والحب عبارة عن أمان وحنية واهتمام وتفاهم وتقدير الشخص إللي معاك أنت بتعمل كل
ده أصلا.
بحبك بحبك أوي بجد يا قدري الأسود.
وأنا كمان بحبك يا أماني.
أحلى كلمة أماني سمعتها في الدنيا دي بس متقولهاش قدام حد أي حد يسمعها يفكر إنه اسم بنت.
بصتله وابتسمت وهزيت رأسي بمعنى حاضر.
وهو بادلني الابتسامة وعيونه كلها حب.
أوقات العيون بتفضح إللي جوانا لو حب هيبان فيها لو كره برضوا هيبان أي نوع مشاعر مدفون جوانا العيون بتظهره مش بتخبي أي حاجة.
وتوتة توتة خلصت الحدوتة.