يا مرسال الهوى
ليه وانا مبتسمة أوي كان أحساس لطيف معاه عمر شخص لطيف وهادي وفاهم هو بيعمل أي..
_ أنت بتعمل كدا مع كل الزبائن بقا..
ضحك وهو بيسند علي الترابيزة..
_ حقيقي لأ بس شوفت في عنيكي نظرة جميلة وقد اي أنتي حابه المكان وأنا حبيت أعرفك عليه بنفسي..
أبتسمت وأنا بستند علي الترابيزة زيه وببصله..
_وأنا يا سيدي دقة قديمة لا بحب الجيل دا ولا هو جوي.
أنا لحبيبي وحبيبي ألي.. يا عصفورة بيضا لا بقا تسألي.
لا يعتب حدا ولا يزعل حدا..انا لحبيبي وحبيبي ألي..
خرجت برا المكان أول ما خرجت بدأت ابص في وشوش الناس والأماكن وكأن عقلي صدق أننا في عالم قديم بدأت أحرك دماغي يمين وشمال عشان أستوعب أني رجعت لزماني تاني بس عقلي مش راضي يستوعب ومش قادر يستوعب الناس ولا لبسهم ركبت تاكسي وروحت البيت مش معقول انا أتحشرت في العالم القديم..
سألني بأبتسامة_صباحك سعيد يا ريم هانم أجيبلك عصير المانجا بتاعك..
_ تحت أمرك..
_ متشكرة جدا..
كانت شغالة أغنية لأم كلثوم وكان في رف لمجلات زمان قومت جبت واحدة وانا عماله بقرأ فيها ومبتسمة لقيت حد بيسحب الكرسي اللي قدامي..
_ تسمحيلي أقعد..
رفعت عيني ليه وكان عمر أبتسمت بهدوء..
_أكيد..
_ بقالك زمان غايبة عننا..
_بعتذر بس ظروف شغلي..
بصلي وهو بيطلع من جيب البالطو بتاعه سلسلة..
أخدتها من أيده وأنا بضمھا لحضني بفرحة..
_ شكرا أنك حافظت عليها..
_ للدرجة دي غالية عليكي..
_ هدية من والدتي بقالي أسبوع بدور عليها ومجاش في بالي أبدا أنها هنا..!
أبتسم بهدوء وقعد شويه وبعدها حد نادي عليه أستاذن وقام مسكت السلسلة وقربتها مني ولبستها لقيت صوت عالي قومت من مكاني وقربت لقيت عمر واقف مع بنت وهي عماله بتزعق..
البنت بزعيق_ لما هما مش شغالين عندي أومال بيعملوا أي يوقعوا العصير عليا..!
كانت لسه البنت هترد لما عمر وقفها عن الكلام بأيده وراح عند الباب وفتحه بهدوء..
_ نورتي المكان
