بقولك بخيل
انت في الصفحة 4 من 4 صفحات
مخلوق يعرف شيء عن اللي عرفتيه.
_لازم ياسين يكون جمبك.
_ياسين بالذات لازم ميعرفش شيء عشان خاطري.
_ يا مريم.
_ علا عشاني ده يمكن يكون أخر طلب اطلبه منك.
شددت على ضمتي ودموعنا لحظتها كان ليها نصيب تختلط ونتقاسم فيها.
___
_مالك يا مريم
_مليش أنا بخير.
_مش واضح عليك الخير أنت تعبانة
_شوية إرهاق مش أكتر.
رديت بسرعة_لالالا مش مستحقة صدقني أنا بس نزلت الضهر جبت شوية طلبات للبيت بس شكلي أخدت ضړبة شمس.
_مش قلت يا مريم أما تحتاجي حاجة تقوليلي وأنا هجبلك وأنا راجع من الشغل.
_معلش يا حبيبي حقك عليا بس كنت محتاجة ليها ضروري.
دخلني على أوضتنا وسابني للحظات ورجعلي مرة تانية وبدأ يعملي كمادات وفضل على ده الحال جمبي طول الليل مفارقنيش للحظة ابتسمت وقلت_ خاېف عليا
شدد على ضمة إيدي وقال_ وأنا ليا مين بعدك أخاف عليه.
قلت وأنا بشدد على ضمتي لكفه وأنا برتجف وبقول_ بردانة بردانة أوي ضمني يا ياسين ضمني عشاني.
_متسبنيش عشاني متسبنيش.
_عشان خاطري متخوفنيش عليك.
خرجت لبره حضنه للحظات وقتها وجهت عيوني لملامحه وأنا بمشي إيديها عليها وكأني لحظتها بحفظها جوا قلبي لأول وأخر مرة.
_مريم أبوس إيدك متوقعيش قلبي.
_بتحبني يا ياسين
سكت ف كملت وقلت_ بتحبني
_ومبحبش غيرك يا أغلى على قلبي من نفسي.
_محبتش من صغري غيرك من وأنت عيلة متشعلقة في رقبتي وكنت متأكد وعارف أن مهما لفيت مليش إلا حضنك وحدك بس.
قلت ب بكا أثر شدة التعب اللي كل دقيقة بيشتد وجعه_كان نفسي اسمعها من زمان كان نفسي احس من بدري إن قلبك ليا.
_إحنا فيها هقولهالك دايما يا مريم هقولك يا بنت عمي واختي وبنتي وصاحبتي وحبيبتي.
بكايا زاد وشهقاتي بقت أعلى نفسي كمان أصبح بيقطع وقلت بشيء من الوهن_ وأيه كمان يا ياسين قول عشاني.
قلت بصوت بيرتجف من ألمه_ مريم محبتش حد في دنيتها قدك يا ياسين عاشت وكبرت وأنت الراجل الوحيد في عيونها ابوها وأخوها وصاحبها وحبيبها وياما استنت كلمة ... كلمة حلوة منك.
وقتها ض م كفي لكفه وهو بيبكي وبيقول_حقك عليا يا مريم حقك عليا يا حبيبتي بس عشان خاطر ياسين عندك متسيبهوش.
_عيالنا محدش غيرك اللي هيكون معاهم ويربيهم ويكبرهم عشانهم وعشاني متسبيناش.
وكان اخر الوداع ابتسامة اترسمت على شفايفي اللي الډم سال منها وبهدل ملامحي وأخر ما قدرت انطق بيه كانت الشهادة واستسلمت روحي عشان تترد مرة تانية لربها اللي خلقها.
ندى شكري.
