مقولتش ليه انك هتكرمى
انت في الصفحة 1 من 6 صفحات
مقولتيش ليه إنك هتتكرمي
أنت مهتمتش وسألت.
لأني مضغوط في الشغل.
وشغلك ده يخليك تفتكر مراتك المټوفية على طول وتنساني وتخليني مهمشة
.....
غمضت عينيا بندم وڠصب عني دموعي نزلت من تعبي وقهرتي
عن إذنك أنا داخلة أنام.
هربت من نظرته ليا ودخلت اتغطيت وقفلت النور في محاولة إني أهرب من كل حاجة بالنوم.
نور أنا جعان.
وأنت مش هتاكلي
لأ مش جعانة.
خلاص مش هاكل.
قعد على السرير ومتحركش اتعصبت منه فقومت فتحت النور وخرجت دخلت المطبخ وطلعت الأكل وحطيته على السفرة وهو خرج وقعد على الكرسي ولما خلصت كنت لسة هدخل مسك أيدي وقعدني جنبه.
اقعدي يا بنت الناس كليلك لقمة حتى.
مليش نفس.
بقى فيه واحدة لسة متكرمة النهاردة وناجحة وزي القمر تبطل تاكل علشان وشها يدبل يقولوا أي الناس جوزها مجوعها!
وصورتي في نظرك
بدأت تتهز.
سيبته لتاني مرة ورجعت دخلت أوضتي والمرة دي شغلت قرآن ونمت بجد وأنا دموعي على خدي يكفي تنازلات يكفي محاولات أنا تعبت في محاولة أخليه ينسى مراته المټوفية ويبقى ليا مكانة في قلبه بقالي أكتر من سنة بحاول بس النتيجة أي ولا حاجة ولا أي حاجة.
صباح النور يا آدم يا قلب ماما.
جريت عليا تقى
مامي حبيبتي.
قلب وعقل ماما نمتي كويس
أوي أوي يا ماما وعارفة الۏحش لما جالي في النوم قولتله أي
همستلها بصوت منخفض
قولتيله أي
قولتله ماما هتقرقشك بسنانها لو قربتلي.
ضحكت بصوت عالي على جملتها اللي قالتها لأني فعلا بقول كده لأي حد يفكر يزعل آدم وتقى هما يمكن مش ولادي وولاد المرحومة بس يعلم ربنا بمعاملتي ليهم واللي بعمله علشانهم واللي يصيبهم يصيبني.
الله الله أي الصوت العالي ده!
آدم وتقى جريوا اتخبوا ورا ضهري وأنا بصتله بضيق
طب حتى قول صباح الخير مش تخض الولاد كده.
ابتسم وبحركة سريعة طبع قبلة فوق دماغي صباح النور يا نوري.
أنا وقفت بلمت وهو قعد على رأس السفرة على الكرسي بتاعه ونادى الولاد جريوا حضنوه وأداهم مصروفهم للمدرسة وبعدين قعدوا يفطروا.
أي هنفضل مبلمين كده كتير
تداركت نفسي ولفيت علشان أقعد فقعدت على يمينه والولاد على يساره وبدأت أفكر في صمت.
مال على ودني
عندك أي النهاردة
ليه
عندك أي بس
عندي محاضرات هخلصها وأرجع ليه
الساعة كام
2 كده.
فل خالص متتحركيش من الجامعة وأنا هرجع آخدك.
وتيجي تاخدني ليه
ابتسم هفسح المدام.
رفعتله حاجبي
يسلااام.
وهبعت الولاد عند ماما علشان ميرجعوش البيت لوحدهم هكلم الباص بتاعهم يودوهم عند ماما.
غمزلي على كل خير يا نوري.
خجلت منه ومن دلعه لاسمي فتلقائي بعدت نظري عنه وبدأت آكل في محاولة أتفادى أي محاولة منه لتشتيتي.
وبكده تكون محاضرتنا خلصت النهاردة حد عنده أي استفسار
أنا يا دكتور.
اتفضلي يا حبيبتي.
هو أنا فيه جزئية مش
