مقولتش ليه انك هتكرمى

صريحة.
أنا في كلا الحالات لا يمكن أسيبه.
أكيد علشان هو كاريزما وكده
ضحكت وبعدين اتكلمت بهدوء
لأن الزواج مش مبني بس على الحب التقدير والاحترام مهمين كمان ويعلم ربنا هو عمره ما قصر ناحيتي ولا في واجب من واجباته وأنا بحترمه وبقدره ولو محبنيش مش مشكلة في النهاية الحب أرزاق وأنا يمكن مش من رزقي في الدنيا.
يبقى غبي لو محبكيش.
متقولش عليه غبي لو سمحت.
ده ليه
يمكن لأنه جوزي. 
يونس ضحك وابتسم يا بخته والله.
برجاء يونس استعجلهم في الأكل بالله عليك أنا جعانة أوي.
حاضر بس كده عنيا.
اتغدينا وبعدين يونس حاسب ومشينا شوية ووقف عند مول.
إحنا إزاي نسينا نشتري هدوم لفرح آسر
أنا اشتريت لتقى فستان وبلارينا ويونس بنطلون وشميز وكوتشي.
أمتى جبتي كل ده ومطلبتيش مني فلوس ليه
من مدة وبعدين فلوسي وفلوسك أي ودول عيالنا مش عيالك لوحدك.
ابتسم طيب تعالي هشتريلك بقى طقم ليكي وبالمرة تختاريلي طقم.
ابتسمت يلا بس عامل حسابك في فلوس ولا نخليها يوم تاني
متقلقيش مستورة والحمدلله.
ربنا يزيدك يارب.
آمين يارب.
دخلنا الأول عند القسم الرجالي هو اللي كان في الوش واحتارنا ما بين بدلة ولا بنطلون وبليزر ولا قميص وبنطلون.
يونس أنا هجبلك حاجة مقاربة لطقم آدم وأنا هشتري حاجة مقاربة نفس اللون ونبقى في الفرح إحنا وولادنا عاملين ماتشينج سوا.
يونس ابتسم بحماس موافق جدا.
بالفعل اشترينا الهدوم وجبنا كل حاجة وبعد ما خلصنا حطينا الأكياس في العربية ويونس جابلنا ساندوتشات كريب وبيبسي وشيبسي وقعدنا ناكل على الكورنيش.
الهوا هنا يرد الروح.
دي حقيقة تعرفي أنا أول مرة أقعد هنا.
بجد والله
أها متعودتش صراحة على قعدة الشارع ومن زمان بحب ألتزم بتصرفاتي وأكلي وصحتي.
ضحكتوأنا أكلتك كريب
ضحك مهو من مطعم كويس وبعدين إحنا بحاجة لكسر القواعد كل فترة. 
وأنت كسرت القاعدة
علشان أشوف ابتسامتك دي.
ابتسمت أكتر وبعدت نظري عنه وهو فرد دراعاته وحاوطني وخلاني ميلت براسي على كتفه ليطبع قبلة فوق دماغي ويهمس بكل حب.
شكرا لوجودك لولاكي أنا كنت مېت ومعنديش حاجة أعيش علشانها.
بعد الشړ عليك متقولش كده ربنا يباركلي فيك.
رجعنا عند حماتي الأول وروحنا قعدنا شوية وأخدنا الولاد وبعدين استأذننا ومشينا وهي دعتلنا بصلاح الحال والذرية الصالحة ونخاوي آدم وتقى راح يونس رادد بآمين وأمن على دعائها.
عارفة يا ماما النهاردة في الكلاس سقفولي وأخدت جايزة.
يقلب ماما أنت أشطر تقى يولااد.
ثواني هوريكي الجايزة.
وأنا يا ماما النهاردة سقفولي علشان قفلت الكويز وعارفة لما الميس شكرتني قولتلها أي
قولتلها أي يا حبيبي
أن ماما هي اللي ذاكرتلي وهي اللي تستاهل التسقيف والميس قالتلي هتشكرك شخصيا.
نور بتأثر ربنا يحميكم ويباركلي فيكم يارب.
يونس لتخفيف حدة الموقف ووصلة التأثر دي ومفيش حاجة لبابا خالص
مالوا عليه من ورا وباسوه في خده هما الاتنين بنحبك يا بابا.
ابتسم وقالهم هو وبيبص لنور
وبابا بيعشقكم.
نور ابتسمت طيب حاسب وبص قدامك لأحسن نعمل حاډثة. 
يونس ضحك فال الله ولا