إسكريبت الووو يا زين

حضرت كيان السكشن وخرجت كانت مريم تنتظرها ف كافتيريا الجامعه جلست معها 
هااا بقا يا ستي قوليلي ف اي بينك وبين زين 
بقولك مش عارفه
طب قوليلي بتحسي اي لما بتشوفيه 
لما اشوفه قلبي بيدق بسرعه بحس اني برتبك لما يكون قدامي بس ببقا فرحانه 
يا جاااااامد كل دا وتقوليلي مش عارفه اومال لو عارف كنتي قولتي اي بقا 

خلاص بقا ي كيان 
اي يولاد دا الحلو بيتكثف يخلاشي يا ناس
في مقر عمل زين دخل عليه علي دون استئذان
هما حاطين الباب دا ليه 
بضحك يا عم خلي البساط احمدي
الجمله دي لو اسمعها منك تاني اتشاهد علي روحك 
اعوذو بالله في اي يابني براحه وبعدين انا جايلك ف موضوع مهم 
انجز 
احم انا طالب ايد الانسه كيان 
كيان مين 
انت عندك كام كيان يعني 
قصدك كيان بنت عمي 
هو فيه غيرها 
هاخد رايها 
طب وانت اي رايك 
قولتلك هاخد رايها ولو وافقت هقولك تيجي تتقدملها رسمي 
ان شاء الله هتوافق يلا استاذن انا دلوقتي 
عدي النهار باحداثه وجاء الليل بظلامه
رجع زين من شغله وذهب الي كيان الذي دائما تنتظره كل يوم بعد ما ينتهي من عمله يذهب اليها وكل واحد منهما يحكي للثاني كيف كان يومه 
وحشتيني 
م انا لسه سايباك الصبح يا عم 
وهو يجلس امامها وينظر لها وحشتيني بردو 
بتبصلي كدا ليه 
كبرتي ومبقتش ملاحق ع العرسان 
يا عم اتنيل هو بيبص ف وشي ولا بيعبرني غيرك 
انا بتكلم المرة دي بجد جايلي عريس وكويس جدا و.......
قاطعته وهي تقول وانت
انا اي 
موافق
انا شايف انو كويس جداااا ومش هتلاقي احسن منه 
بتحب مريم 
اي ال دخل مريم دلوقتي ف الموضوع 
رد عليا يا زين 
لسه مش عارف اول م اتاكد من حبي ليها اكيد هخطبها علطول
بدموع موافقه
موافقه علي اي 
ع العريس 
مش لما تعرفي هو مين 
انت ال جايبه وانت ال اخترته اكيد مش هتختارلي حد مش كويس ولا اي 
بابتسامه اكيد غير كدا انتي عارفاه هو ياستي علي صاحبي
تمام خليه ييجي يتقدم بكرا 
اي دا انتي مستعجله اوووي بقااا 
شوف ال انت عايزة واعمله عن اذنك عشان هنام 
تصبحي على خير 
وانت من اهله 
خرج زين
وظلت تبكي وتفكر 
معقوله يا زين بعد السنين دي كلها ومش شايف حبي ليك وكمان جايبلي عريس هان عليك تحب واحده غيري ويوم م تيجي تحب تحب اقرب صاحبة ليا وهي كمان ازاي حبتك وانا دايما بحكيلها عنك انك زيني وانك كل حاجه ف حياتي ابويا ال اتحرمت منه واخويا وسندي ال مليش غيرك ايوااا عمري م قولت اني بحبك بس انا بحبك وبحبك اكتر من نفسي كمان 
اصعب احساس لما تحس ان الحب يكون من طرف واحد يمكن خير ليك وربنا شايلك الاحسن ويمكن صبرك وقربك من ربنا يعوضك باللي تتمناه يا عالم النصيب فين قرب من ربنا اكتر وصلي وادعي واكيد ربنا هيختارلك الصح. 
في بيت زين 
جايبلها عريس انت اټجننت يا زين 
اټجننت في اي يا ماما علي صاحبي وكويس ومحترم وهي موافقه 
موافقه برضاها 
يعني انا هغصبها علي حاجه 
فكر كويس يابني قبل النعمه م تروح من ايدك ومتعرفش ترجعها تاني 
قصدك ايه يا ماما بالكلام دا 
فكر كويس وانت تفهم قصدي يابن بطني 
اي حكاية ابن بطني دي اومال هكون ابن رجلك 
بطل قلة ادب وادخل نام 
يا سلام بتحبني