عايز تجوز بنتك لواحد كبير

قومت عرضت عليه أن هو اللي يتجوزها وهو وافق !
منصور وهو بيهز رأسه بذهول 
انت بتقول ايه ياراجل انت ه هو في حد ممكن يعمل كده في بنته!
رد بسماجه
اه انا
ايه اللي يخليك تبيع بنتك بالرخيص بالشكل ده
سكت لحظه وبعدها بصلي بقرف 
إلا لو كانت معيوبه بقي وعايز تلبسها لابني
بابا وهو بيبصلي بدموع مصطنعه وخبث
منهم لله ولاد الحړام اللي عملوا كده في بنتي
اتنفضت من مكاني بفزع وانا ببرق وبهز راسي بهستريه ودموع
لا لا محصلش لا صدقوني لا محصلش والله محصلش
بابا وهو بيعيط جامد بخبث اكبر
للاسف هي عمرها ما هتفتكر لأنها من بعد اللي حصل عملت حاډثه وفقدت الذاكره
البارت الثاني بقلمي إيمان شلبي 
حطيت ايدي علي قلبي وانا بغمض عيوني بۏجع 
حسيت أطرافي كلها متجمده 
رجلي مبقتش شيلاني
اترميت علي اقرب كرسي ودموع القهر والۏجع نازله علي خدي زي الشلال
مكنتش قادره انطق حرف 
وصلت بيا الحاله لدرجه اني مش قادره ادافع عن نفسي!
صعب جدا حد يصدقني وېكذب بابا 
هيجي في بال الجميع أن استحاله اب يتهم بنته بالباطل بالشكل ده وان اللي اتقال اكيد حقيقي
ابو يزن بجمود وقسوه
وانا ايه اللي يجبر ابني يتجوز بنتك ويشيل الليله
وانا اضمن منين اصلا أن اللي حصل ده مكانش بمزاج بنتك و...
يزن پغضب
ايه اللي انت بتقوله ده يابابا ميصحش كده همسه شريفه
منصور بعصبيه
وانت ايش عرفك انت ها ايش عرفك انها شريفه 
اسمع يا يزن قسما بالله العظيم لو .....
يزن وهو بيقاطعه وبيقرب منه بلهفه 
بابا ابوس ايدك عشان خاطري وافق وخليني اتجوز همسه انا بحبها يابابا
الجميع پصدمه 
بتحبها!!
كان الكل في حاله صډمه من اللي قاله يزن ماعدا انا !
كنت عارفه و متأكدة أن اللي قاله مش حقيقي 
مجرد كلمتين عشان منصور يوافق علي جوازنا 
مجرد مشاعر مزيفه غرضها انقاذي حتي لو علي حساب نفسه
عارفه أن شخص زي يزن استحاله يتخلي عني 
عارفه أنه هيمدلي أيده ويخرجني من البحر الغويط اللي انا بغرق فيه
وكل ده مش بدافع الحب زي ما الكل متخيل 
كل ده بدافع الانسانيه العطف الشفقه 
شخص زي يزن قلبه فيه طيبه تكفي العالم 
عمره ما أتردد أنه يساعد اي شخص طلب مساعدته 
غريب او كان قريب
بعد حاله الصمت اللي سيطرت علي الجميع اتنهد يزن وهو بيكمل كلامه بجديه
لو سمحت يابابا انا عايز اتجوز همسه وعلي فكره هي حكيتلي علي كل حاجه لما اعترفتلها بحبي كان سهل جدا انها تضحك عليا وتخدعني ومتقوليش الا يوم فرحنا!!
منصور بسخرية
والله وياتري بقي انت صدقتها لما قالتلك الكلمتين الحمضانين دول و.....
سيف وهو بيقاطعه بجديه 
عمي منصور انا اعرف همسه من زمان اوي وكل الحته بتحلف بأدبها واخلاقها واستحاله تكون عملت حاجه زي كده صدقني انا عارف ومتأكد أن همسه شريفه و.....
قاطعتهم بعصبيه ودموع 
انا شريفه محدش يصدق البني آدم ده والله العظيم انا شريفه ه هو بيعمل كل ده عشان يطردني من البيت ويخلاله الجو مع حبيبه القلب اللي بتدور حواليه زي القفعه
بابا پغضب وهو بيقرب مني وبيشدني من شعري 
وكمان بتكدبي يا زباله
رفعت عيوني في عيونه وانا برد بتحدي وقوه 
لا انا مش كذابه انت اللي كذاب انت اللي بتشوه سمعتي 
سمعه بنتك الوحيده بټشوهها عشان مصلحتك!
مفرقش معاك شعوري ولا فرق معاك الاذي النفسي اللي سببتهولي
انت اب انت !
مفيش اب ممكن يعمل كده في بنته الوحيده 
دايما بشوف الاب سند وامان البنت 
دايما بشوف الاب بيدافع عن بنته ومستعد يضحي عشانها
ده د ده في اب ماټ عشان كان بيدافع عن بنته من شويه بلطجيه