حمزة ورهف

اطلبي من حمزة إنه يتجوز.
الصنية وقعت من ايدي وبصيتلها بذهول عيني فضلت في عينيها بستشف الهزار فيها إلا إن عينيها كانت جدية ومفيهاش مكان للهزار حسيت بإن قلبي هيقف ومش لاقيه لعاب حتى أبلعه وأعرف أتكلم بصعوبة نطقت
بتكلميني أنا يا ماما! 
بصت حوليها باستنكار وقالت
مفيش غيري أنا وأنت هنا.
ابتسمت بتلقائية وأنا بقولها
أصل حضرتك بتقولي اطلبي من حمزة إنه يتجوز حمزة بالفعل اتجوز يا ماما وأنا رهف مراته. 
قامت وقفت قصادي وبصيتلي بتركيز وقالت
بتحبي حمزة يا رهف
ابتسمت وكان اللي عايز يحكي هو قلبي مش لساني
حمزة مش مجرد زوج يا ماما حمزة كيان حمزة سندي حمزة كل حاجة في حياتي بإختصار يا ماما حمزة روح روح سكنت في رهف ومستحيل تغادرها مهما حصل. 

قربت خطوتين مني وقالت
بصي يا بنتي أنا مش نائمة على وداني وعارفه إنكم بقالكم فترة كل شويه عند دكتور شكل وأنا بصراحة مش شايفه نتيجة ف..
بصيت ليها بترقب مؤلم مؤلم جدا وأنا بجبر نفسي إني أفضل واقفة ثابتة.
فاطلبي منه إنه يتجوز لأنه بيسمع منك.
قفلت عيني وفتحتها وكان وشي اتغرق دموع كنت حاسه من أول مرة قالت كدا أنا اللي كنت بكذب ودني قربت حطت ايديها على كتفي وقالت
أنا عارفه إنك بتحبي حمزة وشايفه حبك ليه واضح في عينيك خليك على ذمته بس خليه يشوفله حتة عيل يملئ عليه حياته حمزة مش هيفضل طول عمره شاب يابنتي مسيره يكبر ويحتاج اللي يسنده.
قعدت في الأرض وايدي على وشي وشهقاتي كترت حسيت بيه هو هنا دلوقتي جنبي حط ايده على كتفي وشدني ليه وقال
شششش مش قولنا قبل كدا بلاش دموع! دموعك بتوجعني يرضيك تشوفي حبيبك موجوع.
اتكلمت وأنا مكاني في أماني وفي حصني المنيع وقولتله
اتوجع بدل المرة مليون ولا إني أشوفك بتقول آه.
حب على رأسي وقام وقف قصاد مامته وطلع ورقة من جيبه وقال بصوت حازم ومقر
أنا اللي مبخلفش يا أمي وعندك التحليل اهه شوفيه.
قربت منه بسرعة ومسكت وشه بين ايديها وقالتله
حمزة! أنت بتقول إيه يابني 
الحقيقة يا أمي أنا فعلا عندي مشكلة ومش هخلف وكشفت عند أكتر من دكتور ورهف مفيش أي حاجة تمسها نهائي هتقوليلها امتى تسبني علشان تتجوز واحد تاني وتخلف.
حسيت بثقل أنفاسه وهو بينطق أخر جملة عيني جات في عينيه لوهلة سحب عينيه بعيد عني وبص لوالدته وقالها
قوليلها يا أمي.
بعدت عنه ونفت برأسها وقالت
رهف مستحيل تسيبك يا حمزة دي روحها فيك يابني.
هز رأسه بنفي وقال
بس أنت كنت عايزاني أسيبها واتجوز علشان أشوف عيالي دا حقها هي كمان إنها تكون أم.
لا رهف مش هتعمل كدا الست الجدعة اللي تقف جنب جوزها مهما صابه.. وبإذن الله يابني هتتحسن وتبقى كويس متيأسش. 
عينها دمعت وحضنته تاني وعيطت وهي بتقول
هيرزقك يابني بإذنه هو قادر على كل شيء.
نزلت شقتها