رزقنى الهداية
عيشت تلاتين سنه ف اميريكا اتعودت ان كل حاجه عادي سواء ستات ..خ مر ..وشوم ..اي حاجه تتخيليها ...معرفش اي حاجه دينيا انا صريح يعني م بعرف اصلي ومعرفش القرآن ..و يعني انا محدش علمني عشان كده معرفش ..يعني مختارتش ابقى وحش بايدي.
_تقدر تبقى احسن مني ومن اي حد ...تقدر ترجع ف اي وقت لربنا وتتعلم ....انا ولاء عيشت ف مصر متخرجه من كلية الطب بحب القراءة جدا والروايات وبحب الطبيعه جدا .
فضلو يتكلموا فترة طويله ويضحكو وسيف اول مره يحس ان الوقت جميل كده
ولاء قامت عشان تتوضى لقت سيف وراها
_خضتني
_ ما تعلميني
_تتوضى !
_اتوضى واصلي ...ازاي
وقفت وخدته وفتحت الحنفيه
_اولا انوى التوبة ...ثانيا اعمل زيي
ولاء بدات تتوضى وتعمل حركات الوضوء قدامه وهو بدا يقلدها ويعمل زيها
_ها وبعدين
_اولا لازم تغطى ركبتك وتلبس لبس محترم ونضيف وبعدين تعالى نصلي
_ايوه يعني الركوع قبل السجود
_اه بالضبط ....مثل انك بتصلي قدامي كده اشوفك حفظت ولا لا وخد الورقه دي اقرا منها القران اللي تصلي بيه لحد ما تحفظ
بدا يعمل انه بيصلي عشان يشوف حفظ ولا لا بص لولاء عشان يتأكد
_مينفعش تبص لي وانت بتصلي عينك ف الارض .
_ها غلطت !
كحركات لا بس اهم حاجه النيه وذهنك يبقى صافي وتحس الكلام وانت بتقوله...يلا عشان تصلي بجد
قام وقال التكبيرة وبدا يصلي وفجاه ف نص الصلاة حس شعور غريب حس انه ندمان حس بالراحه وسجد وحس ان دموعه بتنزل وبدا يعيط ع سجادة الصلاة وهو مش عارف حاسس انه متلخبط اول مره يصلي الشعور حلو ...
_تفتكري اقدر ابقى حد تاني ...تفتكري ربنا هيسامحني
_لا مفتكرش
زعل سيف جامد واستغرب ان ولاء بتضحك
_انا متاكده ...مش افتكر
_بجد ليه !!
_ربنا غفور رحيم ...ربنا قال ف قرآنه العزيز بسم الله الرحمن الرحيم
فقلت استغفرو ربكم انه كان غفارا .
قال رب إني ظلمت نفسي فاغفر لي فغفر له ۚ إنه هو الغفور الرحيم
_آيات ربنا كلها
رحمة ومغفرة مهما كنت ومهما حصل تقدر ترجع الانسان بيغلط ويتوب يغلط ويتوب ....والتائب كمن لا ذنب له .
_مكنتش اعرف ان ربنا رحيم اوي كده و ...طلعت وحش ... ربنا بيرحم وانا مرحمتش .
_ارجع ازاي ي ولاء!
ابتسمت له حطت ايدها ع قلبه
_اولا قلبك ده لازم تنضفه وتنوي انك هتوب ومش هترجع تاني ع اي حاجه وحشه .
_ولو ڠصب عني رجعت !
_تتوب تاني وترجع لحد ما ټموت.
_وكل مره هيسامحني
_كل مرة
ولاء قعدت تعلم وفيه وتفهمه حاجات كتير وحاجات كتير اووي مكنش يعرفها.
عدا اربع شهور وسيف كان قرا كتب كتير عن الدين وعن الصحابه و قرائته اتحسنت كتير ف القرآن واتغير ١٨٠درجه .
سيف طول الفترة دي اكتشف انه حب ولاء وانه لازم يكمل معاها كان حاطط خاتم ف علبه قطيفه حمرا ومعاه بوكيه ورد ومخبيه .
حد خبط ع بابا الشقه افتكر انها ولاء بص ف المراية وسرح شعره ودقنه وحط برفان وعدل القميص فتح لقاها صاحبته من اميريكا اللي قطع علاقته بيها
_مونيكا !!!!!
_سيف ...ايه ده شكلك اتغير بس
