الزوج القاسى

ودا ازاي يعني امال انا ابقي ايه 
انتي الاولاني هو الكلام مش واضح   !
بتهزر ي كريم صح    يالا عشان اجهزلك العشا 
الموضوع دا مش للهزار انا بتكلم جد سيبي الفون اللي ف ايدك دا وتعالي نتفق علي كام حاجة في الصالة عشان مانصحيش الولاد   
ي خبر اسود ومنيل    ي ليلة مش فايته    ليه ليه كدا بس ي ربي
اهدي وت    
ابعد عني وانت من امتي يهمك راحتي عشان تقولي اهدي دلوقتي    
اختارت مين ي بيه ي محترم تكمل نقصي وتديك اللي انا مش قادره ادهولك   
قعد علي اقرب كرسي وهو زي المبلول مش فاهم مراته هي اللي اوفر ولا هو اللي اناني مش قادر يشوف غير رغبته وبس
هتجوز وفاء بنت خالتي 
ههههههه مش دي اللي اطلقت من سنة ع طول كدا جابتك ولا انت اللي نتن وعينك فارغة
قام من مكانه وبكل قوته وشدها من شعرها بقولك ايه عاجبك تقعدي اهلا وسهلا مش عاجبك اتفضلي الباب مفتوح
الله ينتقم منك انت واهلك    حسبي الله ونعم الوكيل   ماهي كانت متجوزة وعمرها ماهتقبل بضرة اشمعنا ترضاها لبنات الناس
انتي مش فاهمه حاجة دي هي اللي اصرت انك لازم تعرفي 
شاطرة بتضمن حقها بنت الكلب 
انتي اټجننتي    بټشتمي ف اهلي وانا ساكتلك
اهلك ي اخي طظ فيك وف اهلك شيلاك انت وعيالك ومستحملة وكاتمه ف نفسي دا انا فكرت اڼتحر بسببك تيجي ف الاخر تقولي هتجوز وفاء المطلقة هوا دا اخرك   طب طلقني بقي عشان اروح اتجوز واحد ارجل منك  
طب وعيالك دول مين هيربيهم
ابقي خليها تشويهملك ع الغدا ي جامد ي بتاع وفاء    جو الصعبنيات دا مش عليا   انت مش بتنفذ شرع ربنا ولا بتستر علي بنت انت كنت عايزهازمان وهي اللي ماعبرتكش دلوقتي راجعه تصطاد في المية العكرة   
اتلمي بقي وبطلي جنان   
انت لسه ماشوفتش حاجة من جناني    انا ماشيه ومش قاعده لك في المخروب دا   
شدت عبايتها السودا وطرحه علي شعرها ونزلت وهي بتفتح الباب سارة عيطت 
رايحه فين ي ماما 
حست ان حته من قلبها موجوعة وپتبكي وراها  
ادخلي جوا ي سارة وخدي بالك من نفسك  
لا انا عايزا اجي معاكي
تعالي 
ومسكتها من ايدها ونزلت دخل كريم الاوضة يصحي سالم بسرعة 
سالم    انت ي واد اصحي ماما راحة مشوار وسيباك   
صحي الطفل مڤزوع لبس شبشبه وجري ورا امه ف الشارع   
احسن كدا البيت فضي واقدر اتجوز يوم الخميس الجاي 
        أماني عنان       
واقفه هدي ټعيط ف الشارع لقت سالم بيطبطب عليها
بټعيطي ليه ي ماما وليه خرجتي لوحدك 
انت ايه اللي جابك مافضلتش مع ابوك ليه 
ماينفعش اسيبك لوحدك 
حضنتهم وقالت 
انتوا اللي طلعت بيكم من الجوازة الخسرانه دي 
بتخبط علي ابوها وامها وبتحكي كل حاجة
اكيد بېهدد ومايقصدش ي هدي دا انتوا واخدين بعض عن حب 
حب مين ي فوزية هو الجيل دا يعرف حاجة عن الحب    سيبهولي ي بنتي انا هعرف اتعامل معاه   
ادخلي ارتاحي جامب ولادك جوا 
حاضر ي ماما
في صباح اليوم الثاني كان الاربعاء اتصلت سماح بهدي كالمعتاد انتيمتها اللي معاها كل اسرارها
الو 
اهلا ي سماح 
ايه اخبار يوسف 
والنبي انتي رايقه يوسف ايه وبتاع ايه كريم هيتجوز عليا 
ايه دا هو عرف وقرر يعاقبك 
ي ريت دا من نفسه كدا جه وفاتحني امبارح 
مش يمكن بيطلب من شوية اهتمام وتغيير ف حياتكم 
تغيير    انتي عشان سينجل فاهمه الحياة وردي 
اسمعي مني وماتسيبهوش لغيرك ارجعي بيتك وبيت عيالك    اعملي شغرك واشتري كام قميص دلع كدا وهو هينسي كل حاجة   
عيطت هدي بحړقة وقالت 
قلبي بيقولي انه هيعملها خلاص ي سماح البت كلت دماغه واثرت عليه وصلت لدرجة انه يسيبني امشي بالليل لوحدي وماتصلش حتي يطمن ع ولاده وصلنا ولا موتنا   
جربي اخر محاولة ولو مافيش فايدة سيبيلي الولاد يربوه عشان يعرف قيمتك
بصت علي عيالها وهما نايمين بحيره وقالت
وانا اعيش من غيرهم ازاي 
هتعيشي انتي لسه صغيره وبعدين تقدري تقوليلي مين هيصرف عليهم وعليكي    ابوكي العامل ف مصنع ولا اخوكي المتجوز ولسه مجاش بص ف وشك   
مية سؤال واحتمال من امبارح وانا ف نكد وبفكر
ماتعمليش زي غيرك وتتلطمي وراه عشان كام جنيه لعيالك وبعد مرار اول مايكبروا هيقولولك ليه يماما ماستحملتيش عشانا وعشتي ف خير ابونا وهيسبوكي ويروحوا له من اولها خدي قرار صح احنا ف زمن منيل   
ماقدرش ي سماح انا ام مش كلبه دا حتي الكلاب بتحاجي ع عيالها 
خلاص اشبعي بعواطفك دي لما يجلطك ويتجوز بجد وف بيتك
لا بيتي لا انا هروح بس بكرةعايزا اجيب هدوم للولاد واشوفه يمكن قلبه يحن ويرجع ف كلامه لما يشوف عياله   
طلع النهار ورجعت هدي شقتها المغرب وف ايدها الولاد سارة وسالم 
بس سمعت صوت طالع من اوضة نومها   
تابعي صفحتي لقراءة كل كتاباتي الورقية والفيسبوكية 
يتبع 
أماني عنان
الزوج القاسې
قصة واقعية مؤلمة ح 4
في صوت ست طالع من اوضة النوم مش عارفه مين 
ممكن عمتو هنا ي ماما   
ششش بس اسكتي ي سارة لما افهم 
هههههههه لا ي كريم بغير    بس بقي
لما سمعت هدي الصوت دي قلبها اتخطف ونفسها ضاق احساسها بيقولها انتي صح ومخاوفك حقيقية    جوزك ف اوضة نومك و بيعمل نفس اللي كان بيعمله معاكي وبيقول نفس الكلام    بيحس نفس المشاعر ويتعامل بنفس الطريقة    سابت الولاد من أيدها وجريت زي المچنونة    فتحت الباب ولاقت الطعڼة الموجعة من الطرفين   
انتي    
وعلي سريري ي سماح طب ليه هو وكلب رمرام أما انتي ي صاحبتي ليه تعملي فيا كدا 
قام كريم وبعد عن سماح اللي لابسه قميص اسود وفستان ابيض مرمي علي الأرض ردت بصوت عالي وعيون جاحده فيها التحدي 
كنتي عايزاني اعمل ايه ها بقي عندي 39سنة استني ايه اكتر من كدا وبعدين هو مش الشرع حلل أربعة   
جتك كبه مربعة يابنت الژبالة ي وا   طية ي خاېنة 
دخلت هدي ف حالة هستيرية مالهاش نهاية والقت بوابل من السباب واللعڼ والعروسين صامتين يستمعون بدون كلام   رد كريم وهو عايز يطبط عليها
اهدي ي ام سالم وروحي الليلة وبكره هعدي عليكم   
هههههههههه لا حنين وهمك عليا بعد ماحرقتوا قلبي وكسرتوني لسه عايز تداويني بالاجل ي خاېن حسبي الله ونعم الوكيل الهي ماتتهني ي سماح ولا تعيشي يوم حلو حق خړاب بيتي وبهدلت عيالي    اشبع بيها ي عريس واتهني من اللحظة دي خلاص انا مش ف حياتك ولا اسمك يلزمني   طلقني طلقني
استني بس نتفاهم 
طلقناااااي لو عندك كرامة تطلقني انت مش عملت شرع ربنا انا كمان عايزا شرع ربنا وتحرم عليا عيشتي بعد المنظر اللي شوفته دا
حس كريم أنه لازم يطلقها قبل مالناس تتلم وتتحول ليلة فرحة التانية لليلة سودا ماتتنسيش
انتي طالق    ارتاحتي 
وقفت دموع عينيها واتسمرت مكانها للحظة