اسكريبت مش كان زمانى

خزعبليات العالم الافتراضي دا إني آجي عند سن معين وأكون محققة عدد معين من الإنجازات اللي لو قليت عنها هكون شخص فاشل في نظر المجهول اللي مش عارفة هو مين أصلا!
أصلنا مش في سباق إحنا في دنيا والدنيا لا تعني أي شيء الدنيا فانية زائلة هتروح ومش هيبقالنا منها غير أعمالنا وساعتعا مش هينفعني أي شيء كنت باخده لمجرد إن الناس بتاخده لو مكانش غرضي منه خير ولا هينفعني وقتي اللي هضيعه في أي حاجة حتى لو كانت مجدية لو مأصلحتش فيها نيتي وأخلصتها لوجه الله! وللأسف وسط تيارات ودوامة المثالية الغريبة اللي عمالة تعلى بينا يوم عن التاني دي بقى من الصعب أصلا إنك تراقب نواياك باستمرار وتحافظ عليها وانت كل ما تخرج من حاجة تلاقي حاجة جديدة طلعت والمطلوب منك إنك تتعلمها بسرعة عشان الناس ميشاوروش عليك ويقولوا اللي ماخدش الكورس الفلاني أهو!
عالم غريب ومجتمع مچرم وظالم والنتيجة بني آدم مڼهار مش عارف لا يسابق الناس اللي المفروض ميكونش بيسابقهم أصلا ولا حتى يشد حيل نفسه لإنه كل ما يحاول يقف على رجليه ويقول لنفسه إنه فخور بيها يلاقي الكل بيحقر من مجهوده حتى لو كان مبيملكش غيره!
عندك دار النهاردة ولا اتلغت
بصيتلها وهزيت كتفي بإرهاق
مش عارفة    مش قادرة أنزل يا ماما 
وأحمد ييجي الحلقة الجاية يرن عليا يقولي متاخظيهاش معاكي السوق تاني وسيبيهالي آخدها معايا البيت لا يا ماما خشي البسي وانزلي أنا مش عايزة مشاكل مع جوز بنتي المستقبلي 
ضحكت على طريقتها وعلى تذكرها لأحمد ألطف طفل قابلته في حياتي واللي اتعلق بيا بطريقة غريبة أوي من أول ما بدأ ييجي الدار لدرجة إني لما بغيب في مرة بيخليني أرن على ماما مخصوص عشان يقولها متغيبنيش تاني وإلا هياخدني معاه البيت عشان مغيبش بعد كدا 
حسيت بيها بتطبطب عليا وبتمسح دمعة نزلت من عيني من غير ما أحس وبلين قالتلي وهي بتمسح على شعري وبترتبه
حقك عليا أنا بنتي أشطر البنات كلهم   انتي مش مضطرة تثبتي لحد حاجة يا هدى ومش مضطرة تقبلي كلام أي حد أو تسمعيله حبيبتي بتحاول لنفسها ومش بتسابق غير نفسها وأنا وبابا فخورين بأي حاجة انتي بتعمليها وميهمناش غيرك انتي ومجهودك بس ماشي يا هدهود
هدهود ھتموت في يوم من فرط الحنية دي والله يا أم هدهود 
ضمتني جامد لما دموعي نزلت بعد ما فشلت أسيطر على الوضع وأنا باستسلام سيبت نفسي ليها عشان تصلح ما أفسده العالم جوايا بحنانها المفرط كالعادة 
بعدتني عنها بعد فترة وهي بتمسح دموعي وبعدين وجهتني لأوضتي وهي بتزقني بالراحة
يلا بسرعة روحي غيري وتعالي أنا مستنياكي عشان هنزل معاكي أشتري شوية حاجات وأتمشى معاكي لحد الدار أسلم على معلمة عائشة    يلا اتحركي 
هزيت راسي بماشي وأنا بتحرك قدامها لأوضتي ومن جوايا بحمد ربنا لإنه رزقني بأم بالحلاوة دي كلها 
يونس الحقني هدى وقعت وباين عليها رجلها اتكسرت وأنا مش عارفة أوصل لعمك هو مش عندك في الصيدلية
عياطي زاد لما سمعت اسمه وصړاخي علا لما حد مسك رجلي فجأة والۏجع زاد فيها بس كلها دقايق ولقيته واقف قدامي ومش فاهمة حصل إيه بس بعد فترة كنت في المستشفى قاعدة قدام الدكتورة اللي بدإت تجبس رجلي وماما واقفة جنبي بټعيط وهي ضماني وهو واقف بعيد وعينه على رجلي اللي الدكتورة شغالة عليها!
غمضت عيني بتعب وأنا بإن بۏجع وشوية ومحسيتش بنفسي غير وأنا