بيحكى ويقول

يحكي ويقول 
في يوم كنت زعلان مع مراتي بسبب ضغط ظروف المعيشة وإنها عاوزاني أفسحها هي والأولاد بره وأنا كان يادوب مش معايا فلوس الا اللي تكمل بينا الشهر بالعافيه !
واتعصبت عليها فجأة وقعدت أقولها انتي واحدة مبتحسيش بالمسئولية ولا كان ينفع ليكي جواز وأسرة 
وسمعتها كلام سئ جدا من هذا القبيل!
بصتلي وسكتت ودخلت أوضتها  

وبعد يوم من الخناقة رجعت من شغلي في حدود الساعة عشرة ونص بالليل لقيت مراتي والعيال نايمين والشقة كانت ټضرب تقلب تقريبا نوم اكتئاب من زعلها مني!
مع العلم إن مراتي إيديها في الشقة على طول بس عندي العيال عفاريت بمعنى الكلمة  
صحتها من النوم أتكلم معاها لاقيتها مقفولة وبترد بالعافية قولتلها خلاص قومي نامي 
بعدها بشوية دخلت الأوضة اللي نايمين فيها لمېت الهدوم اللي واقعة علي الأرض والألعاب وكنستها وروقتها من غير ما اصحيهم كل دا والنور مطفي  
طلعت على الصالة كان شبه ميئوس منها 
لمېت اللي على الأرض هدوم وألعاب وحاجات مطبخ وحاجات تانية غير معلومة المصدر 
وشلت السجاد ونفضت الكنب وكنستها وروقتها والحمد لله اتظبطت وقدام الحمام كان في شوية هدوم وطبق غسيل لأنها كانت بتغسل لمېت كل دا و شيلتهم على الغسالة 
دخلت على المطبخ لمېت اللي على الأرض وكنسته وكان معايا حاجات جايبها من بره حطتها في التلاجة وغسلت المواعين ورصتها ومسحت الأرض بمية وشغلت الراديو على إذاعة القرآن الكريم و
كنت جايب بطاطا معايا وانا جاي عشان هي بتحبها 
غسلتها وحطتها في الفرن اول ما الريحة بدأت تنتشر بدأو يدخلو عليا المطبخ البطاطا لا تقاوم  
مراتي قامت وشها بيضحك ونفسيتها احسن بكتير مش عارف علشان اتفاجأت بالشقة ولا علشان ريحة البطاطا وجت علشان تساعدني بس كنت خلاص خلصت الحمد لله ولا كأننا كنا متخاصمين 
مش عيب إنك تساعد مراتك علي قد ما تقدر لو هتغسل حتي اطباقك اللي اكلت فيها 
الرسول عليه الصلاة والسلام كان في خدمة أهله وقال خيركم خيركم لأهله وانا خيركم لأهلي وأحب الأعمال إلى الله سرور تدخله على قلب مسلم فما بالك ان كان المسلم دا أهل بيتك 
أنا مش بدعي المثالية بالعكس إحنا پنتخانق يوم اه ويوم لأ بس مش كله ضړب ضړب كفاية الدنيا وقرفها 
مقولكمش بقي البطاطا طلعت تحفة 
الستات بيفرق معاها التقدير والكلام الحلو وإحساسها إنك حاسس بيها وبتساعدها ولو شافت نظرة تقدير بس
منك ممكن تهد الدنيا عشان تريحك 
واقعية