اختبار عشق

بسم الله نبدا...
مليكه يووووه بقا هو كان لازم مرمطة التحاليل دي يا خالد...
خالد هنعمل اي بس دي طلبات المأذون علشان يكتب لنا الكتااب ماانتي عارفة..
مليكة طيب هي النتيجة هتطلع في نفس اليوم.. ولا هندوخ الدوخة دي بكرة تاني
خالد برخامه مش عارف ولله معلش مكتبتش كتابي قبل كدا... اديني اهو بكتسب خبرة عشان لما اجي اتجوز عليكي
مليكة پغضب تتجوز علي مين يا خالد .. لا ميخدعكش الوش الكيوت دا ... لا دا انا دمي حامي يابا.. هعووورك
خالد ضحك لا جامد الوش دا وشرس..
مليكة ضحكت عجبتك!
خالد بتعجب عجبتيني انتي تعجبي الباشا يا لوزة ..

مليكة بحب انا ميهمنيش اعجب الباشا يا لودي المهم اعجب حبيبي وأملا عينه وقلبه...
خالد نور عين حبيبك انتي ولله ... وقرب منها باس ايديها...
مليكة اتكسفت طيب يلا خلينا نخلص عشان لسه هروح استلم الفستان...
خالد ماشي نخلص ونروح نجيبه...
مليكة بعبوس لا يا روحي مش هتشوف الفستان غير بكرة في كتب الكتاب..... هروح انا ودلال نستلمه
خالد ابتسم يستي هاجي معاكي ومش هبص علي الفستان... بس مش هتروحو لوحدكم .. اتفقنا!
مليكة اتفقنا...
في بيت خالد..
دلال ياااماما...
ناهد اي يا دلال ...
دلال خالد ومليكه موبيلات هم مقفوله... والمفروض نروح نستلم الفساتين
ناهد يخلصو التحاليل الاول وبعدين هتلاقيهم بيكلموكي يختي ..
دلال بزهق ما كنا ادينا المأذون فلوس وخلاص ياماما زي ماقال بدل الدوخة دي...
ناهد وافرضي بقا ان ست مليكة طلع عندها مشكلة في الخلفة نلبس اخوكي فيها...
دلال پصدمة انتي بتقولي اي يا ماما يعني هي لو لا قدر الله عندها مشكلة خالد هيسيبها..
ناهد بجدية اومال هيكمل معاها ليه يا نور عيني...
دلال ولو خالد طلع هو للي عنده المشكلة ياماما تفتكري مليكة هتسيبه... ولا دا هيكون كلامك ساعتها...
ناهد بنرفزة بقولك اي يابت قومي شوفي وراكي اي جتك الهم...
زيدان بتدخل في اي ..
دلال مفيش يا بابا عن اذنكم...
عند خالد...
مليكة بتعب يااالهوووووووي عدا ساعتين اهووو
خالد حالا تنادي يا بنتي اهدي ...
مليكة زهقت يا كوكو من القعدة ولله ...
خالد كوكو!! تاني كوكو !
مليكة ضحكت احلي كوكو ولله ..
الممرضة قالت اتفضلو الدكتور عاوزكم ...
خالد خد ايديها ودخلو وكانت الصدمة كلام الدكتور ...
الدكتوور للاسف يا استاذة مليكة حضرتك عندك مشكلة في التحاليل وحسب التحاليل للي قدامي ... مش هيكون في احتمال وجود أطفال....
مليكة دموعها نزلت پصدمة ومش عارفه تصدق وخالد قاعد وعيونه عليها پصدمة ...
مليكة بشهقات حضرتك بتقول اي !! لا اكيد في حاجة غلط ... لازم التحاليل دي تتعاد تاني ...انا كتب بكتابي بكرة وهتجوز ويكون عندي احلي اولاد من خالد ... وبصت 
لخالد ...قول له يا خالد ... خليه ميكذبش علياا ... زقته پعنف ... قووول له يعيد التحاليل دي...
خالد 
مليكة پصدمة من دمعته للي نزلت وبخووف رهيب جواها خالد انت هتسيبني !!!
خالد .....
مليكة عياطها زاد انت سااكت ليه كدا ...افهم اي من سكوتك... مالك اتكلم متسيبنيش اتخبطت كدا ... ياااخالد دا بيقول مش هكون ام ياخالد ...
خالد قام وقف وشدها من ايديها واتحركو علي العربيه ...
مليكة وقفت قدام العربية خالد قول حاجة طمن قلبي الله يخليك ...
خالد فتح ليها الباب وركب جمبها من غير ولا كلمه ...
مليكة بټعيط طول الطريق واتأكدت من سكوته انها كدا خلاص خسرته ... ازاي الحال اتشقلب في لحظة كدا ... كل احلامها الوردي اتهدت في لحظه ... وقالت جواهاا ...يعني انا كدا خسړت خالد يعني انا مش هكون ام 
خالد وقف قدام بيتها وهي بصت له