أولاد الجبالى3 بقلم شيماء سعيد أم فاطمة

يا روح الجلب !
قمر وقد دمعت عينيها فرحا مش مصدقة حالى بچد انا هشوف نور الدنيا تانى بعد ما أسودت فى عينيه ..
ثم وجدها مسالم تسجد لله شكرا فدمعت عينيه هو الآخر لفرحتها .
ثم قامت قائلة مسالم انا عايزة أطلب منك طلب .
فأشار مسالم إلى عينيه مردفا كل اللى تأمرى بيه مجاب بإذن الله .
قمر انا عايزة ألبس النقاب وأخرج بيه من إهنه .
خلاص مش عايزة حد يطلعلى غيرك وبس يا مسالم .
_ انا مش عايزة من الدنيا غير أعيش خدامة تحت رچليك وأعيش مستورة وربنا يكرمنى منك بجطعة عيل يكون هو فرحتى .
طالعها مسالم بإعجاب وحمدالله على أنه استطاع بفضله ثم حبه لها العفيف أن تتغير بتلك الدرجة .
ابتسم مسالم بحب قائلا بس إكده عيونى وعيكون أوبيض كمان شبه الفستان اللى عچبهولك عشان تكونى شبه الملايكة أكده .
وكمان مش هنمشى سكاتى أكده هنچيب زفة من باب السچن لغاية البيت .
ابتسمت قمر وروادها شعور أنها تحلم فلا يمكن ان يعطيها الله السعادة هكذا مرة واحدة .
ثم وضعت يدها على قلبها لتهدىء من روعها وأخذت تدعى يارب كمل فرحتى على خير .
مسالم ودلوك غمضى عينك عاد .
قمر بلهفة هو فيه تانى اكتر من اللى جولتله صدقنى جلبى مش متحمل فرحة اكتر من أكده .
إبتسم مسالم لا جمدى جلبك عاد ده إحنا لسه مدخلناش فى التقيل.
قمر ربك يستر .
غمضت عينى اهو .
فنادى مسالم على من يقبع بخارج الغرفة فى انتظار النداء 
_ تعال يا عم هريدى وهات معاك الحبايب وفوقيهم المأذون .
_ فاتسعت عين قمر وسلطت عينيها نحو الباب لترى والدها هريدى فنشرح صدرها وأسرعت إليه لتعانقه بحب ثم ابتعدت وأمسكت يده تقبلها .
هريدى الف مبروك يا بتى.
قمر الله يبارك فى عمرك يا بوى .
ثم طالعت قمر من تقف وراء والدها تنظر لها بلهفة وخرج صوتها بصعوبة بين دموعها التى لا تتوقف قائلة كيفك يا بت ابوى 
فارتجفت أوصال قمر لرؤيتها بعد ذلك الفراق الطويل وطالعته مرة بنظرات الشوق ومرة بنظرات الحرج ووقفت متخشبة لا تدرى ما تفعل فهى تريد عناقها والبكاء على صدرها ولكن ما فعلته معها جعلها تقف حرجا تفترش بنظرها الأرض وكأنها تلميذة أخطئت أمام معلمتها.
شعرت ملك بما تشعر به قمر فابتسمت بحب ورددت ايه قمر متوحشتيكش ولا ايه !
_ بس انا أتوحشتك جوى تعالى يا قمر فى حضڼ أختك .
_ تعالى ندواى الجلب بالقرب يا بت ابوى. .
وننسى اللى فات ونبتدى من چديد .
فصړخت قمر بلهفة الإشتياق ملك حبيبتى وأختى ثم ألقت بنفسها تعانقها بحرارة وسمعوا لهم صوت بكاء وأنين .
جعلهم يبكون على أثره مسالم وهريدى .
ليحاول مسالم التخفيف عنهم قائلا أباى عاد هو كتب كتاب ولا كتاب حياتى يا عين .
عايزين نفرح يا صبية أنت وهى .
فابتعدت ملك عن قمر وحاولت الابتسامة بقلب صاف رغم أنه ممتلىء بالأحزان .
ملك خلاص يا جلب أختك وعايزاك تنسى اللى فات عاد ونبتدى صفحة چديدة ملهاش غير الحب .
_ ده انا مليش غيرك فى الدنيا دى يا قمر 
_ فبكت قمر مرة أخرى مردفة ولا انا يا ملك بس كانت لحظة شيطان والحمد لله انها عدت ودلوك انا بقيت وحدة تانية خالص ومش هتشوفى منى غير كل خير .
لتتفاجىء قمر بصوت اخر تعرفه مردفا بمرح يعنى ايه يا ست ملك انك ملكيش غيرها امال انا مين عاد كوز درة !
فضحكت ملك مردفة أحلى