الحلقة الرابعة من أولاد الجبالى3
أولاد الجبالى3 بقلم شيماء سعيد أم فاطمة
كوز درة فى حياتى ربى ما يحرمنى منك .
باسم ماشى هعديها بس عشان منلخبطش فرحتهم .
ثم أشار إلى قمر كيفك يا قمر والف الف مبروك ربنا يتمم بخير .
قمر بحرج تعيش يا دكتور باسم الله يبارك فى عمرك.
تسلم والله مجيتك إهنه على راسى والله .
ولا محبتك للغالية ملك دى حاچة تانية الله يخليكم ولا يحرمكم من بعض .
ملك امين يارب.
قمر بخجل انت الجلب والروح يا سيد الرچال .
مسالم يسلملى الجمر .
ثم أشار إلى المأذون تعال أكتب يا سيدنا الشيخ عشان خلاص الجلب هيرفرف ومش جادر يتحمل اكتر من أكده .
ولو عليه هخدك دلوك ونهرب ايه رئيك
فضحكت قمر مفيش هروب من المكتوب وخلاص هانت يا روح الروح .
ليتدخل هريدى بقوله الغاضب ما تختشوا على دمكم عاد عتحبوا جدامى عاد أكده مفيش حيا عنديكم .
الله يرحم ايام زمان والله ده الواحد مطلعش على أمكم غير بعد ما أتجفل علينا باب واحد .
شعر مسالم بالحرج فتقدم منه وقبل رأسه قائلا حقك عليه يابا والله انا غلطان بس معلش عديها الشوق ملهوش فرامل .
فجلس هريدى وباسم ليكونوا شاهدين على العقد وتم عقد القران وأطلقت ملك زغرودة تعبيرا عن فرحتها بأختها التى قد من الله عليها بالهداية وزوج صالح يكون لها سترا .
تحدث محمود عبر الهاتف مع براء .
_ ايه يا سيادة المقدم هتبلط كتير فى الصعيد أخدت على الراحة ولا ايه !
محمود لا شم نفسك وانا أكتم فى نفسى يا اخويا .
براء بضحك ليه عاد ده حتى وحش علشانك .
محمود مهو انا عايز أتجوز وحضرتك إجازة وهما مشددين اوى وقالوا مفيش إجازة غير لما ترجع عشان مفيش حد يحل محلك .
براء يعنى انا محلك لا إنسى أنا اصلا مش عايز أرچع القاهرة وعايز أعاود أشتغل إهنه .
_ وانا هتسبنى لمين ده انا غلبان .
وعايز أتجوز روح قلبى ونصيبى نهلة روح الروح .
ليستطرد بأمر
_ بقولك ايه هو يومين مفيش غيرهم وألاقيك قدامى .
_ أكون بس چبت أوضة النوم الجديدة .
براء بضحك يلا يا نمس عتموت على الچواز خابر انا .
وعتجوز مع الست الوالدة بردك
محمود ايوه نهلة صممت على كده وقالت مينفعش نسبها لوحدها .
براء بقلق ليه عشان المشاكل اللى عتحصل بين الحما ومرات الإبن لما يعيشوا مع بعض صوح !
فرك محمود فى مؤخرة رأسه وقال لا انا خاېف على نفسى انا .
_ خاېف يتفقوا عليه ومش عارف ساعتها ألاقيها منين ولا منين .
فضحك براء كيف ده
محمود بغيظ الإتنين بقوا سمن على عسل وكإنهم صحاب وسبحان مغير الأحوال .
وأمى تصور بتخلى نهلة تعلمها الإتيكيت عشان تتمنظر قدام صاحبها فى النادى .
فقهقه براء نهلة سبحانك يارب .
محمود ده كل ما أتكلم وأقول رئيى فى حاجة فى البيت يقولوا أطلع انت منها احنا خلاص اتفقنا نعمل ايه .
براء لا أكده حالتك واعرة جوى .
والبت دى على رأى بانة اختى وكل اللى يشوفها عتسحر للناس بالمحبة وهتدخل الجلب على طول
فصك محمود على أسنانه بغيظ غيرة على نهلة وقال حيلك يا عم فيه ايه .
براء بضحك عتغير ماشى يا
