الحلقة العاشرة من أولاد الجبالى3 بقلم شيماء سعيد

أولاد الجبالى 3
الحلقة العاشرة 
....................
بسم الله والصلاة والسلام على رسول الله 
أغار عليك من إسمك من همس شفتيك .
أريد أن تكون لى وحدى ولا يرى غيرى عينيك .
فقد أصبحت فى لحظة بكل جوارحى أهواك 
وأخشى بعدك فمن لى سواك 
..........
إنزعج محمود من حديث براء عن نهلة وأنه مازال ينظر إليها إنها زوجة أبيه الراحل فشعر بالغيرة والقتامة وندم على طرح تلك الفكرة الغبية ولكنه فعل ذلك لخوفه عليها مما سوف يحدث لاحقا  .

براء بمرح يا عم هاتها ومتقلقش والكل هيرحب بيها ده حتى بانة إتوحشتها كتير جوى .
محمود پصدمة لا كله الا بانة يا براء خليها تبعد عنها خالص ده نهلة لسه جسمها معلم فيها عضتها المفترية ونصحتها كتير تاخد مصل عضة الكلب مش راضية .
زفر براء بضيق مردفا كلب لما يلهفك ما اتحسن ملفظك يا سيادة المقدم.
ضحك محمود معلش خنى اللفظ مش قاصد سورى .
براء بتذمر سورى معاك يا أخينا .
_ المهم دلوك هروح انا المديرية هنا واتشاور مع القادة فى طرق البحث عن الزفت الجطران حمدى ده   وأخد قوة نمشط المنطقة .
_ عقبال ما حضرتك تيجى انت والهانم نهلة وتشوف شغلك مع اللى ما تسمى .
زفر محمود بقلق والله خاېف عقبال ما أوصل يكون حصلها حاجة .
_ انا هكلم مسالم جوزها حالا ياخد باله منها .
فردد براء ساخرا جصدك تجول الطور اللى مچوزها أبو قرون صوح !
فأجابه محمود بضيق مدافعا عن غيبة الرجل استغفر الله العظيم ما تنقى ملافظك يا براء مش كده .
_ وعلى فكرة حرام جدا اللى بتقوله لأن فعلا هى تابت وهو راجل كويس على فكرة وشاف فيها الحلو اللى محدش شافه وحبها على كده وفى المقابل هى قدرت ده ودلوقتى عايشة حياة هادية بس للأسف خروج حمدى ممكن يهد حياتها ربنا يستر ونوصله قبل ما يوصلها .
حرك براء شفتيه بلامبالاة وكرر حديثه حلوة تابت دى .
صدجنى ديل الكلب عمره ما يتعدل .
محمود بسخط مش عارف أقولك ايه صراحة غير ربنا يهدى نفوسنا .
_ وصراحة الحمد لله أن ربنا سبحانه وتعالى هو اللى بيحاسبنا مش البشر لأن ربنا أحن وأرحم .
زى الأعرابى اللى جه للرسول وسئله من سيحاسب الناس يوم القيامة .
فقال له الرسول صلى الله عليه وسلم الله .
فابتسم وقال نجوت ورب الكعبة.
لإنه عارف ومتأكد إن ربنا أرحم بينا من نفسنا ..
فحرك براء فمه بإستياء لأن غضبه من قمر مازال قائما ولن تغفر لها الأيام عنده .
وعندما وجده محمود بذلك الجمود إستطرد بقوله 
_سلام دلوقتى يا صاحبى عشان المجادلة معاك ملهاش فايدة.
فأغلق براء معه الخط وهو يسب ويلعن فى قمر وتحدث بإنفعال انا بجه عايزه يوصلها ويخلص عليها عاد ويعمل اللى مفروض انا كنت عملته بس لحجونى فى أخر وقت للأسف .
_ اشفقت زاد على براء  من إنفعاله الواضح فأقتربت منه ووضعت يدها على كتفه مردفة بحنو حبيبى مش نهدى نفسنا شوى ومنفكرش غير فى المصلحة العامة إن فيه واحد خارج على القانون ولزمن ولابد يتمسك عاد قبل ما يفسد فى الأرض من جديد .
فوقف براء يرمقها پغضب مردفا أنت كنت حاطة ودانك معايا يا زاد ولا إيه 
_وجاية كمان تنصحينى وتعلمينى شغلى .
توترت زاد وظهر على وجهها الحرج من كلماته اللاذعة وحولت التغلب على ڠضبها منه لإحراجها بهذا الشكل فاظهرت غير ما تبطن من ڠضب  وابتسمت ابتسامة باهتة مردفة طبعا مش چوزى حبيبى وده واچب