الحلقة الثانية عشر من أولاد الجبالى3 بقلم شيماء سعيد

كمان غيث حتى لو أمه عتبعده عنى بس أحب ابصله واتمنى أخده فى حضنى .
فأقترب منها باسم ليحاول هو أيضا التخفيف من هذا التوتر فقال مداعبا لها خلاص إعتبرينى أنا كمان عيل صغير واحضنينى يا ماما .
فضحكت ملك من بين دموعها وأفردت ذراعيها إليه ليسرع باسم إليها ليضمها بلهفة وحب.
باسم أنا عحبك جوى جوى يا ملك .
ملك وأنا اكتر يا جلبى ومتزعلش منى .
باسم لا مش زعلان ويلا حضرى حالك عشان نروح بسرعة للمستشفى وبإذن الله أنت أول واحدة عتشيلى ريحانة الصغيرة.
فابتسمت بملك واطلقت زفيرا حارا وأسرعت لوضع العباءة على جسدها سريعا وتوجهت مع باسم إلى المستشفى بكل شوق ولهفة لرؤية صغيرتها ريحانة 
تابع زرارة حديثه مع حمدى قائلا بتحمس خابر مين ممكن يكون يدك اليمين كيف أنت زمان ما كنت يده اليمين ومن ريحة الحبايب كمان وهيساعدك توقف على رچلك من جديد .
ضيق حمدى عينيه متسائلا بفضول هو مين ده 
إلتوى ثغر زرارة بإبتسامة قبل أن يجيبه جاسر واد حمدان الچبالى .
إتسعت عين حمدى مجيبا جاسر واد حمدان بس ده انا سمعت أنه جال إيه تاب وإستشيخ كيف أبوه وعيشتغل مع أخوه بالأچرة .
قهقه زرارة أيوه بس كيد النسا چابه فى الأرض واتچوز حسنية بت الجهوجى والبت دى ولا قمر فى زمانها .
_ بس قمر إيه قمر كانت طيبة لكن دى شيطان متحرك .
فلمعت عين حمدى وضيق عينيه بمكر وأستطرد بلهفة شوقتنى أشوفها يا ولا .
_ ده انا أموت فى الصنف اللى يشغل عقله ده ويحط جلبه تحت مداسه ولا يهمه حد .
ثم غمزه بإحدى عينيه مردفا بعد أن نفث دخان أرجيلته فى وجهه بس جولى هى حلوة يا واد عمى تستاهل يعنى الواحد يرمى نفسيه فى حضنها وهو مطمن .
ثم تنفس پغضب مردفا ولا ممكن تطلع غدارة كيف قمر 
زرارة بتأكيد لا يا حمدى دى كيف ما جولتلك شيطان وأهم حاچة عنديها مصلحتها والجرش اللى بيمشيها .
_ صب أنت بس فى حجرها وعتلاجيها فى طوعك وتحت رچليك .
فجلس حمدى بإرياحية يتنفس الهواء المحمل بأنفاسه العكرة مستمعا وشرد فيما كان يخفيه من أموال فى شقته التى كان يقطن بها قبل أعتقاله .
حمدى بلهفة اه لو طلعتى كيف ما بيقول زرارة هنغنغج يا بت .
_ ويمكن أخلى الواد چاسر ده يطلجك وانا أتچوزك عشان رايد واد من صلبى يورث دماغ أبوه ويكون دراعى اليمين لما يكبر ويحافظ على اللى عملته ويكبره .
_ صوح كنت رايد أتچوز وحدة بت حلال ومعرفتش راچل غيرى بس لقيت أنها ممكن تفضل تجولى حلال وحرام ويحزنون وأنا عايز اللى تسندنى .
لتأتى صورة قمر أمامه مرة أخرى فتتشنج ملامحه ويصيح بجولك إيه يا زرارة .
زرارة أمرنى يا واد عمى .
حمدى بصوت يشبه فحيح الأفعى عايزك تراقب بيت اللى متسمى قمر كويس جوى وتعرف سبع البرمبة بتاعها عينزل ميتى الشغل بتاعه .
_ وبردك تخلى بالك عاد من المخبرين حلوين بيتها عشان أكيد بعد خبر هروبى من الحكومة وصلها .
_ فأكيد الحكومة عشان الچميل اللى عملته ليهم هيتوصوا بحمايتها .
ثم ضحك ساخرا بقوله بس حتى لو عملوا إيه باللذى هوصلها يعنى هوصلها .
ده تار بينا ولازم أخده حتى لو فيها روحى بس لازم أخد روحها الأول الخاېنة اللى غدرت بيه وهى سبب كل اللى انا فيه دلوك 
شردت مرام بعد حديثها مع فريد فيما يمكن أن تفعله مع براء كى ټنتقم منه بطريقة لا يتخيلها هو وتكون سبب فى هلاكه وفقدان وظيفته وطلاق زوجته منه ..
مرام بحيرة يا ترى إيه فى دماغك يا فريد 
ثم قامت من فراشها لتستعد للقائه فأخذت حماما ساخنا وخرجت لتنتقى فستانا قصيرا مزركشا باللون الأحمر وأسدلت شعرها الحريرى على ظهرها ثم تفننت بإحترافية فى وضع ادوات التجميل ونثرت عطرها الذى يشم من عدة أمتار .
ثم طالعت نفسها فى المرآة بإنتشاء وإعجاب قائلة كده حسيت إنى مرام شوية لما قربت بالمكيب من شكلى الحقيقى .
_ لإنى من ساعة ما غيرت شكلى للبنت دى وحاسه إنى مش انا وحدة تانية معرفهاش .
_ ومش عارفة الدنيا