زوجتى قاصر

كانت صډمه قويه لما رفعت الطرحة من علي وش زوجتى اللي اتفاجأت ان هى طفله في عمر 1314 سنه 
وقفت مكانى وانا مش قادر استوعب الموقف المفروض ان خاطب بنت عندها 23 سنه وقفت وانا بفكر ان دا يمكن مقلب واهلي بيشوفوا رد فعلي
كانت بتبص ليا بمنتهي البراءة وعيونها بتلف في كل اركان الاوضه وتقف علي مكان معين 

انا فضولي شويه ركزت مع عيونها لحد مالقيتها بتبص علي الاكل اللي متغطى
فهمت ان هى اكيد جعانه يعنى دى طفله 
فأكيد هتتكسف تقول واخيرا اتكلمت وقولت ليها 
انتى جعانه
هزت رأسها بطريقه طفوليه سريعه اوى
طب روحى كلي 
لا ماينفعش
ليه
امى قالت ماتااكليش من غير زوجك 
هههههههههههه وهو فين زوجك دا
رديت عليا رد تلقائي كدا انت
نعم
اه 
اه ايه 
انت اللي في الصوره
صورة ايه
لقيتها رجعت تانى تلف بعيونها في الاوضه وكإنها بتفتكر حاجه
عمى احمد جه عندنا وامى خدت منه صوره وقالت ليا دا عريسك 
ڠصب عنى اتعصبت ومسكت ايديها جامد اوي لدرجة ان هى صړخت پألم وقالت سيبني والنبي ماتضربنيش ياامه ياامه تعالي خدينى ياامه
وبدءت تترعش بقوه ودموعها بتنزل بغزاره
زقيتها وقعت على الأرض ونزلت انهى اللعبه دى انا مش بحب الهزار انا عايز البنت اللي خطبتها اللي هى المفروض حبيبتي ومراتى
ازاى يلعبوا اللعبه السخيفه دى ويحاولوا يضايقونى بالشكل ده وبطفله كمان كنت نازل وانا مش عارف انا ليه قلبي مقبوض اوى كدا عشان رفعت ايدى علي طفله ورعبتها منى ولا عشان خبوا منى حبيبتي اللي المفروض كانت هى مكان الطفله دى
نزلت خبطت علي والدى اتأخر شويه علي مافتح وكإن كان عامل اجتماع في اوضته 
كان هو وماما وعمتى واخويا واختى 
فتح ليا وهو علي وشه علامه مش مفهومه كدا
في ايه ياولدى مالك مسروع ع الدنيا كدا ليه مش قادر تستنى لما النهار يطلع
فين منسه يابابا
منسه مين ياولدى
منسه مراتى اللي انا كنت خاطبها
لقيته ارتبك وقال
ماهو ماهو 
ماهو ايه
احنا ما خطبناش ليك منسات احنا خطبنا ورد بنت عمها
ايييه 
ايوه ياولدى خطبنا ليك ورد مسنه دي ولا شوف اسمها ايه ماكانتش تنفع ليك روحنا نخطبها ابوها فضل يشرط علينا وكإن هيخرج من داره نانسي عجرم 
ولا اليسا
بابا لو سمحت بلاش هزار طلع منسه بقي عشان انا بدءت ازهق 
ماانا قولت ليك ماخطبتش ليك غير ورد
مستحيل دى طفله عارف يعنى 
عارف من قبل ماتكمل الطفله دى قلبها لسه صغير يعنى لسه مااتفتحش لحد 
هتبقي انت اول واحد تدخله 
لكن اللي انت كنت عايز تتزوجها دى كبيره وفاهمه الدنيا وطماعه هى واهلها
وانا مش عايز افرح بزواجك النهارده واحزن وانت بتطلق بكره
اطلع ياولدى لعروستك وماتهملهاش لحالها
البنيه لسه صغيره ومش متعوده علي القعده بين اربع حيطان
بصيت ليه وانا مش قادر استوعب ازاى ازاى يعنى كل ده
لسه هتكلم
شاور بإيده ان اسكت ونكمل بكره 
علي فوق وبكره نكمل كلامنا في نهار نتكلم فيه 
اطلع الله يرضي عنك
طلعت وانا بسند علي السلم وانا مذهول ان كل دا حقيقي 
وقفت عند باب الاوضه وانا كاره ادخلها فعلا
طفله طفله يارب طب ازاى طب واهلها وافقوا علي طول كدا
انا فهمت هو قالي الزواج في يومين ليه 
لو كنت اعرف كدا ماكنتش جيت من مصر وسيبت شغلي 
غمضت عيونى واخدت نفس طويل واستعديت انى افتح الباب وادخل
وبدءت اعد واتنفس بصعوبه لحد ماجيت القوه وفتحت الباب وياريتنى مافتحته ولا فكرت في كدا خالص
2
طلعت من عند والدى وانا رأسي هتتفجر من كتر التفكير في حبيبتي اللي خسرتها في يوم وليله واتزوجت مكانها طفله طلعت اوضتى وانا الفكر ھيموتنى وقفت قدام الباب وكل لما احاول افتحه احس ان مفيش عندى القوه خدت نفس عميق وفتحت الباب وياريتنى ما فتحته
لقيتها قاعده وضامه نفسها وبتعيط ببراءه وطفوله والميك اب اللي علي وشها اتلخبط في بعضه من الدموع والعرق بقيت اشبه بالعروسه البلاستيك لما الاطفال يلعبوا في وشها
قربت منها وانا مش عارف اعمل ايه اعاقبها علي ذنب مش ذنبها ولا اتقي الله فيها وفي طفولتها اللي ضاعت منها من وقت مااتكتب اسمها علي اسمى
لقيتنى مديت ليها ايدي تلقائي كدا وقولت بكل هدوء هاتى ايدك
بصيت لايدى وقالت وهى لسه بټعيط
لا
ليه
ماينفعش
ليه
عشان حرام عليك وربنا مش هيسامحك
مااستغربتش من كلامها خالص لان اللي قدامى مستحيل تتخطي 15 سنه من رابع المستحيلات تتخطاهم
اتنهدت وقولت ليها
انتى كام سنه
ها 
ها ايه عندك كام سنه
لقيتها بدءت تفكر وتلف بعيونها في الاوضه وقالت
مش عارفه
مش عارفه ازاى هو في حد مايعرفش هو عنده كام سنه
مش عارفه انا عايشه من زمان اوى
الموقف كان مضحك مش عارف اضحك ولا ابكى 
قعدت علي السرير وانا بضحك بۏجع وحطيت راسي بين ايدي وغمضت عيونى لكام دقيقه وفتحتهم لقيتها واقفه بتبص ليا بشكل غريب بتبص علي وشي من تحت ايديا بتشوف انا بعمل ايه 
رفعت وشي ليها لقيتها بعدت بسرعه اوى
انتى كنتى بتعملي ايه
ها انا لا ولا حاجه
اسمك ايه
اسمى ورد
اسمك حلو 
وانت اسمك ايه
انا اسمى مازن
اسمك وحش
بصيت ليها بإستغراب اوى هى قالت كدا ليه هو انا اسمى فعلا مش حلو
ليه بتقولي كدا
عشان اسمك علي اسمك مازن اللي ساكن جنبنا كان بيضربنى كتير اوى وانا مش بحبه خالص
بس مازن عن مازن يفرق
هو انت مفيش اسم غير دا
لا هو انتى عندك إسم غير ورد
لا 
طب انا كمان مفيش عندى اسم غير ده
سكتت شويه ورجعت تبص للأكل تانى
انتى جعانه صح
قالت بتردد لا
طب خلاص انا هنادى علي فاطمه تاخد الاكل دا من هنا
بصيت للأكل بحزن وبصيت ليا وهزت رأسها هزه خفيفه كدا
خلاص انا هسيبه للصبح واروح انام تصبحي علي خير
استغربت نفسي ازاى البركاااان اللي جوايا دا هدي وروحت علي الاريكه وغمضت عيوني عشان تتطمن وكنت مراقب حركاتها فضلت تبص ليا كتير لحد ماقربت من وشي وفضلت تبص وكإنها بتتطمن انى نايم 
وبدءت تتسحب بكل هدوء وحذر لحد ما وصلت عند الأكل وبدءت تاكل بسرعه وكإن الاكل هيخلص من قدامها
وشها بقي كله زيوت من اللي فى الأكل ولبسها اتحول من الابيض لالوان كتيره اوى اوى اوى بجد خلصت وقامت غسلت وشها وكل شويه تقع وهى ماشيه الفستان ثقيل وكبير وهي اول بنت تلبسه 
فضلت مراقبها لحد مانامت بفستانها اللي مابقاش فستان زفاف ابدا
مش عارف نمت أد ايه بصراحه بس كل اللي فاكره ان صحيت علي صوت قوى في الشارع فتحت عنيا مالقيتهاش نايمه مكانها فتحت الشباك وبصيت منه لقيتها هى وبنت اختى واقعين علي الأرض وبيضربوا بعض وهى لسه لابسه فستان الزفاف
3
مش عارف نمت أد ايه بصراحه بس كل اللي فاكره ان صحيت علي صوت قوى في الشارع فتحت الشباك وبصيت منه لقيتها هى وبنت اختى واقعيين علي الأرض وبيضربوا بعض وهى لسه بفستان الزفاف 
نزلت جرى وانا مش عارف اتصرف ازاى لقيت كل افراد بيتنا واقفين في اللي بيبعدهم عن بعض وفي اللي واقف يضحك شديتها من عليها ولسه هتكلم صدمنى شكل فستانها الابيض اللي بقي عباره عن زيوت وترااااااب غمضت عيونى للحظه وفتحتهم وانا ببص لوالدى بكسره كبيره يمكن اول مره تظهر عليا
لقيته نزل وشه للارض 
امشي قدامى وسحبتها واخدتها علي فوق واول مادخلنا زقيتها علي