إسكريبت نور

#اسكريبت

ماما مامتي ...امااااااا😂
= بتجعري ليه ي هبله ي عبيطه
ياااا علي الحب ي نبع الحنان ..... بصي بقي انا عاوزه البس الخمار دلوقتي حالاً.
= ماشي البسيه
- ايه دا ايه السهوله دى يعني مش هتقوليلي انت صغيره والخمار هيكبرك والكلام دا 
= توء
-ولا لما اتجوز ابقي البسه و اتمتع بحياتي شويه 
= لا 
- ولا هترني ع اختك اللي هي خاالتشي و تقعدوا تنموا عليا بالساعات وتقوليلها اخرت صبرك عاوزه تعمل ايه
= يوووه مقولنا لا اعملي اللي انت عاوزه و متصدعناش بقي
-" طب ما الموضوع طلع سهل اهوه اومال رعبنا ليه في الروايات "

= نورى بنتي حبيبتي عامله ايه 
- نوري وحبيبتي😏 .... عريس صح قولي متتكسفيش
= اهاااا يابنت بطني عريس وانا وابوكي موافقين عليه وجاي يوم الخميس و هتقبليه
- مش هقابله انا مش عاوزه اتجوز دلوقتي فيه كارير و مستقبل عاوز يتبني 
= كما ايه ي عنيا انا مش شايفه غير كرش و فخاد اللي اتبنوا
- اسمها كيريفات نرقي باسلوبنا شويه .و بردوا مش هتجوزه 
= يلا ملكيش نصيب كنت عاوزه اقولك ان العريس ظاب..

" العريس جه يوم الخميس وندي مع نور في الاضه بتاعتها "
- نور يخربيتك كفايه أكل مش كدا ارحمي نفسك شويه العريس جه وانت لسه مجهزتيش 
= يووووه يعني ماكولش 😏 اموت من الجوع عشان عريس 
- نور مترفعيش ضغطي الظبوطه اللي قارفنا بيه قاعد بره قومي يلا و سيبي الاكل مش هيطير

" نور قامت بعد ما اتهزءت من نبع الحنان اصلها لما بتتوتر بتأكل ولبست دريس بينك وخمار اوف وايت و خرجت للعريس وهي متوتره و اهلها واهل العريس خرجوا وسبوهم لوحدهم"