الحلقة السادسة والسابعة والعشرون من أولاد الجبالى3

تعتب رچلك تانى إهنه .
ليحتضنه جابر بحب وهمس تسلملى يا غالى كيفك أنت انت وكيف عيالك .
ثم أبتعد عنه واخبار جاد أخوى ايه  
_أنا جولت أخدته عنديك أكيد .
ليشعر جابر بمن يجذبه من قميصه من الخلف مع صوته المحبب لقلبه قائلا جابر إخوى حبيبى أتوحشتك جوى جوى .
فاستدار له جابر بلهفة والإبتسامة تعلو وجهه قائلا جاد حبيب جلب أخوك .
ليلقى جاد بنفسه إليه فاحتضنه جابر بقوة وحمله بين يديه وأخذ يقبله بحب ثم تركه قائلا طمنى عليك كيفك وعملت إيه وانا مش معاك .
والله أنا كنت شايل همك چوه بس ڠصب عنى يا اخوى سامحنى.
جاد بحزن ربنا يخليك ليه يا اخوي وما يحرمنى منك ابدا .
_ ده انا كنت عموت من زعلى عليك ومكنش فيه حاچة بتهون عليه غير سلسبيل وأخوها عمران منا كنت جاعد عنديهم اليومين دول .
ثم إلتفت اليها قائلا تعالى سلمى على اخوى يا سلسبيل وجوليله حمد لله على السلامة وتفرحى بجا ووجفى بكى .
أهو طلع وزى الفل ووشه منور .
فرمقت سلسبيل جاد بحدة مردفة بخجل إيه يا جاد اللى عتجوله ده أسكت عيب .
ثم افترشت بنظرها الأرض خجلا بعد أن أحمرت وجنتيها وتمنت لو أن الأرض انشقت وابتلعتها خوفا من أن يكون أفتضح أمرها أمام جابر ويعلم أنه تعشقه ولا ترى فى الرجال غيره ويكفيها من الدنيا ام تراه أمامها بخير حتى لو لم يكن لها .
طالعها جابر بإعجاب بعد أن رأى وجهها الذى اكتسى بالحمرة من فرط الخجل وحدث نفسه ماشاء الله لسه أهو فيه خير فى البنات وعيكسفوا .
جابر تشكرى يا بنت الأصول على اللى عملتيه مع جاد ويترد فى يوم فرحك .
فمتعض وجه سلسبيل وحدثت نفسها فرحة إيه بس يا جابر معدش ينفع طول ما جلبى أتعلق بيك .
_فكيف أتچوز حد وجلبى مع غيره عاد .
_وما فى حاچة تفرحنى غير طلتك دى وابتسامتك وإنك تكون بخير .
أحبك ليس لأنك شيء بل لأنك أجمل الأشياء وأكثرها إدراكا لمعاني الجمال أحبك ليس لأنك نبض بل لأنك أصدق النبضات وأكثرها إشباعا بالنقاء أحبك ليس لأنك لست مجرد حبيب بل لأنك نصفي الآخر أنت نبض قلبي.
لتردد قائلة لا شكر على واجب .
لتستطرد بخجل وحمدلله على سلامتك يا جابر بيه .
ودلوك أسيبك عاد أروح وأنت أكيد محتاچ تستريح. 
ومن بكرة إن شاءالله تنور المصنع ونرجع الشغل كيف الأول واحسن كمان ..
فابتسم لها جابر وأجاب بإذن الله تعالى.
لتلفت سلسبيل وتسرع فى خطاها وكأنها تطير وقلبها يرفرف بسعادة لمجرد أنه ابتسم لها .
جاد طيبة جوى سلسبيل دى يا أخوى دى مكنتش بتبطل بكى من زعلها عليك لحالها وجدامى تمسك نفسيها وتقولى متزعلش وتوكلنى فى خشمى .
ياريتك كنت إتچوزتها بدل بت الجبالى دى يا اخوى .
فأغمض جابر عينيه بحزنه عندما ذكر اسم بانة امامه واستطرد بحزن النصيب يا اخوى .
ثم إستطرد بعدم فهم 
بس ليه كانت سلسبيل عتبكى عليه عشان  أتسجنت ظلم  وصعبان عليها أكيد .
جاد مش خابر بس الناس كلها عتحبك اهنه وعز عليهم يشوفك فى محڼة .
جابر الحمد لله ربنا فرچها .
وعايزك دلوك تروح على قصر الجبالى تچبلى غيث أشوفه عشان وحشنى جوى .
فتعجب جاد وتسائل وليه أنت متروحش تطل عليهم 
فتنهد جابر بحزن عشان خلاص يا أخوى معدتش انا وبانة ننفع لبعض وطلجتها وكل واحد بجا من سكة خلاص والنصيب بينا انتهى أكده .
فهتف جاد بمرح أحسن حاچة عملتها