الحلقة 42 من أولاد الجبالى3

بنفسها باسم عشان كان صوته عالى جدا ومش هى بس ده كتير وبلغتنى وعلى قدر حزنى على زعلك على قد فرحتى إنى خلاص قربت اوصل لحلمى اللى هو أنت يا عزة .
ليسدل الستار هنا عن عوض الله وما أدراك ما عوض الله.
فاعبده بحب لتدهش بعطائه .
ظل مسالم طوال الليل يلهث بكلمات غير مفهومة بعد أن اصابته الحمى كنتيجة للص عقات الكهرباء فى رأسه .
ولكن ما بين كلماته الغير مفهومة كان اسم قمر فزفر الممرض بضيق الذى ولج إليه ليعطيه حقنة خافضة للحرارة صراحة أنا عمرى ما شوفت حد عيحب مرته الحب ده كله .
ده انا مبصدج أخرج من البيت يا جدع عشان أخلص من خلجتها اللى تسد النفس دى ولا طلبات وزن العيال اللى مينتهيش .
بس أكيد مرتك كانت حاجة تفتح النفس عشان تحبها أكده ده انا حبتها من كلامك عليها بس يلا الله يرحمها بجا ويشفيك يا مسالم .
ليمضى الليل الحزين ويأتى يوما أخر أشرقت به الشمس بأمل جديد ليقف الجميع مذهول عندما صدق شعور مسالم أن حبيبته لم تمت بل على قيد الحياة .
لينطق الطبيب بإندهاش قائلا انت قمر فعلا مرات مسالم .
لتؤكد قمر ايوه يا دكتور أنا قمر اللى ربنا كتبها عمر جديد عشان ترجع لچوزها وحبيبها وتاخده من إهنه ويرجعوا لعشهم .
ضړب الطبيب يدا بيدا قائلا سبحان الله تصورى مسالم كان قلبه حاسس أنه فعلا مموتيش مهما حولنا نقنعه ونحاول نخليه يتقبل الأمر الواقع لكن مع كل يوم كان يأكدلنا إحساسه لدرجة إنه امبارح لبس هدوم الخروج وقعد مستنى تيجى تاخديه .
ده إيه الترابط الروحى اللى بينكم ده وأنا اللى للأسف اعتقدت حالته انتكست واضطريت ولكنه لم يستكمل عندما اعترضته قمر بقولها اللى بينى وبين مسالم حاچة مفيش كلام يقدر يعبر عنيها ودلوك لو سمحت عايزة أشوفه ويخرج معايا بإذن الله على ضمانتى وأنا هرعيه بنفسى .
الطبيب أكيد واظن أنه لما يشوفك خلاص انتهت مشكلته .
ليصطحبها بالفعل إليه ليجده الطبيب عندما فتح الباب واقفا وكأنه مستعد لمجيئها .
لتتعانق القلوب قبل العيون وصاحت قمر بشوق ولهفة مسااااالم حبيبى أتوحشتك جوى يا ضى عيونى .
أما هو فارتجف جسده ولمعت عيناه لرؤيتها ثم بكى وهو يمد يديه لها قائلا أستنيتك كتير جوى يا قمر .
ليه اتأخرتى عليه كل ده 
ثم نظر لبطنها الخاوية  فلمحت قمر سحابة حزن فى عينيه فأدركت سببها فطمئنته بقوله وهى تضع يدها على بطنها شمس منتظراك فى البيت مع ملك  يا أبو شمس .
ثم أسرعت  إليه بشوق ليعود إليها إحساس الامان من جديد وهى بجانبه .
وهذا كان  كفيل أن يغسل كل أحزانهم ليبدئوا حياة جديدة أساسها الحب وأركانها المودة والرحمة .
..........
لا اله الا انت سبحانك اني كنت من الظالمين
..........
أما زاد بعد مرور شهرين من عودة براء وتآلف أرواحهم من جديد بعد التنافر شعرت ببعض الألم فى معدتها ورغبتها فى التقيىء .
فسئلت نفسها 
_ ايه يا زاد شكلك عملتيها تانى ولا ايه عاد 
للتأكد بالفعل من حملها عندما أجرت اختبار الحمل المنزلى فابتسمت بسعادة قائلة يارب تيچى المرة دى بنت .
واستطردت لما ألبس وأروح أطب على براء فى القسم وتكون مفاجأتين  ليه وحدة بوجودى والتانية بالحمل ده أكيد هيفرح جوى .
عشان كمان هو وحشنى ومش هقدر أصبر لما يچى .
فأسرعت لإرتداء ملابسها ثم توجهت للقسم الذى يعمل به للتفاجىء به يقف مع امرأة ترتدى الزى الرسمى للضباط ويتبادلون الضحكات .
لتتجمد زاد فى مكانها ثم حاولت إبتلاع غصة مريرة فى حلقها مردفة نهار أبوك أبيض تانى يا بصبصاص يا بتاع النسوان محرمتش عاد .
والله لأخليك عبرة لمن لا يعتبر .
...
لا كده كتير  
هنشوف هتعمل ايه زاد المرة الجاية إن شاء الله وبراءة صراحة ابن حلال ويستاااهل 
وتكون الحلقة الأخيرة بإذن الله 
بس تفتكروا هتنتهى حكاية أولاد الجبالى وننساها ام ستظل موجودة فى قلوبنا قبل عقولنا .
نختم بدعاء جميل 
قيل أن هذا الدعاء يجر إليك الخير جرا
حسبنا ﺍﻟﻠﻪ ﺳﻴﺆﺗﻴﻨﺎ ﺍﻟﻠﻪ ﻣﻦ ﻓﻀﻠﻪ إنا ﺇﻟﻰ ﺍﻟﻠﻪ ﺭﺍﻏﺒﻮﻥ
ام فاطمة شيماء سعيد 
أولاد الجبالى 3
الحلقة الثانية والأربعون 
........
بسم الله والصلاة والسلام على رسول