إسكريبت الاسطى
حاجه ولا ايه....مستشفي ليه...طيب طيب اديني العنوان
خدت العنوان وطلعت اجري علي المستشفي
ماما مالها يا أدم
اهددي شويه وانا هفهمك علي كل حاجه
انا هاديه اهوو
عمتو كان عندها.....
خرج الدكتور وقاطعنا
أظن من الأحسن تدخلوا لها دلوقتي
دخلنا لماما واستغربت من الأجهزه الكتير الي حواليها كل دا عشان هبوط
قربت منها وانا دموعي علي خدي
سامحيني يا ماما انا السبب في كل دا اخرجي بالسلامه وانا هتجوز وهقعد في البيت واربي العيال
_ومين الي هيح...قق حلمك
مش مهم المهم انتي تكوني مرتاحه
_هبقا مرتاحه لما اشوفك مرتاحه ... حققي حلمك يابنتي
كل الي انتي عايزاه هعمله بس انتي بس شدي حيلك عشان تخفي وتبقي كويسه
ايه بس لازمته الكلام دا
_تعالي في حضڼي يا بنتي
قومت وحضنتها وانا بعيط معقوله شويه هبوط يعملو كده في ماما
_اشهد ان لا إله الا الله وان محمد رسول الله
صفارات جهاز القلب خرجت من حضنها لقيتها مغمضه عنيها الدكاتره اتلمت حواليها وبعدوني عنها والممرضه طلبت مننا نخرج انا مش قادره اتحرك أدم شدني من ايدي وخرجنا وانا عيني علي الأزاز بشوفهم وهما بيحاولو ينعشو امي هتفوق في اخر لحظه زي المسلسلات التركي هيا بتحبها وهتعمل زيهم بس هيا مش راضيه تفوق ولا تفتح عنيها أدم كانت عينه عليا من بعيد لا قادر يوقفني ولا قادر يواسيني الدكتور خرج
هدوء رغم كل الدوشه الي حواليا انا مش حسا بحاجه العالم وقف امي ماټت يعني انا دلوقتي بقيت مقطوعه من شجره فعلا انا لوحدي وقعت علي الأرض وانا حسا ان كل حاجه خلصت انا عايزه ابعد عن المكان دا
اخيراا شوفو مين صحي
_انا فين
في المستشفي بقالك اسبوع وشويه
_ماما فين ماما
ساره انتي لازم تأمني بقضاء ربنا ودا عمرها
انا حاولت ولله معاها بس هيا كانت رافضه للعلاج
_علاج ليه
عمتو كان عندها کانسر في المخ وكانت رافضه الكيماوي
مقدرتش اكون قويه دي كانت عيلتي كلها هعيش ازاي من غيرها صړخت بأعلي صوتي لدرجه ان مبقاش فيا صوت دكاتره كتيرر وأدم بيحاولو يهدوني اخر حاجه فكرها أدم وهو بيحط ايده علي راسي وبيهمس في وداني
اول مره أدخل البيت وهيا مش موجوده فيه قعدت علي اقرب كرسي وانا دموعي بتنزل تلقائي لوحدها
ساره دا قضاء ربنا
_ليه مخدنيش معاها ليه خدها لوحدها
هتكفري بقضاء ربنا ياساره ولا ايه
_أستغفر الله العظيم بس هو عارف اني مش هقدر اعيش من غيرها
ربنا ادرا بالي عبده يستحمله ولو عارف ان دا فوق قدرتك مش هيخليكي تواجهيه
وانا معاكي وجمبك ياستي اعتبريني اخوكي وانا هبقا معاكي في كل حاجه
مش ناويه تنزلي الشغل الناس بتسأل عليكي
_مش قادره انزل يا أدم ارجوك قدر موقفي
ما انا مقدر اهو ومستحملك للأخر
الباب بيخبط خرج أدم عشان يفتح الباب طلع أمجد ووالدته
اهلا وسهلا مين حضراتكم
_ طنط حنان صاحبه ماما وابنها أمجد
اها اسف اتفضلي يا طنط
دخلو وقعدو في الصالون قدمت القهوه وقعدت قدمو التعزيه وقاعدين ساكتين
انا عارفه يابنتي انك بعد ماما الله يرحمها ملكيش حد عشان كده انا جتلك مع اني عارفه انه مش واقته
_هو ايه الي مش واقته يا طنط
بصراحه كده يا ساره انا جي اتجوزك
احنا عارفين انك بقيتي مقطوعه من شجره وملكيش حد عشان كده انا رجعتلك وعارفه انك مش هتكسفيني
انا مليش اني اتدخل في الموضوع بس ساره مش
